Diyuturunumiyu 12:16 - Hanunuu

¹⁶ Dapat danga niyu pagkan-a kay dugu; uyanga niyu inda sa daga parihu ga danum.

Diyuturunumiyu 12:16 Iomraidhean Croise

Gimpuunan 9:4

Dapat danga niyu pagkan-a ti hayup balaw linmuwas kay dugu sa kay pagkamatay, dahil ti dugu pahalimbawa buhi.

Isikil 24:7

Dahil kay pagmatay alam tanan. Ti dugu manga minatay niya pinabay-anan lang sa manga batu makitan tanan. Unman gid niya inda tinabunan daga.

Isikil 33:25

Sabihi nimu aku, ti Panginuun Diyus magkun: ‘Kanyu aw isip kamu ti umapu tunda pag daga una magkaun kamu taguban may dugu waya, ag magsamba sa kanyu manga diyus-diyusan, bag-u magpanmatay tawu?

Libitiku 19:26

Danga kamu magkaun taguban may dugu waya. Danga niyu pagbuwata ti manga pagbuwatun manughula hanggan panhirian.

Libitiku 3:17

Danga kamu magkaun taba ngatay dugu. Inda pag surundanun kailangan sundun niyu hanggan niyu sunud pag manga sinulput tawu, una naan kamu pag mangulian.

Binwat 15:20

Dapat ay suratan nita sida sa danga sida kumaun karan-unun ihinandug sa diyus-diyusan, danga sida magpamabayi magpanlalaki, danga sida kumaun taguban hayup nu in-gut unman nakaluwang kay dugu ag danga waydi sida kumaun dugu.

Binwat 15:29

danga kamu kumaun una hintay pag karan-unun ihinandug sa manga diyus-diyusan, danga kamu kumaun dugu, una taguban hayup in-gut unman nakaluwang kay dugu ag danga kamu magpanlalaki magpamabayi. Inda pag manga bagay kailangan niyu iwasan hampay kamu mas lalu waya rumig-un. Imaw lang tugka kanmi surat.”

Diyuturunumiyu 15:22

Bagkus ngap, kan-un niyu inda sa kanyu manga banwa. Ti tanan mahimu kumaun inda, mauring man siya ngatay malumpiyu; parihu sa kanyu magkaun sa karasyaw ngatay gasila.

Diyuturunumiyu 15:23

Dapat kailangan unman niyu kan-un ti dugu, nu unman uyanga niyu sa daga parihu ga danum.”

1 Timutiyu 4:4

Ti tanan bagay linalang Diyus unman may hintay ag unman kailangan may manga tun-anun nu pagtanggapun nita may pasalamat,

1 Samwil 14:32

Nakan nagdaldali sida nagdakup karanidu hanggan baka ginan sa kanda inaghas, ag ati yi ngap nida pag iniyaw tunda bag-u kinaun ti taguban may dugu di.

1 Samwil 14:33

May nagtultul sa kan Saul magkun, “Bantayi niyu, nagkasala sa Panginuun ti manga tawuhan niyu dahil nagkaun sida taguban may dugu waya.” Magkun si Saul, “Usa inda ka daka pag kasalanan! Paghanap kamu usa ka daka pag batu, ligidan ataytabug.