Diyuturunumiyu 12:11 - Hanunuu

¹¹ Bag-u darahun niyu kanyu manga handug ati sa piliun Panginuun niyu Diyus pag rugar nu naan pag dayawun siya. Inda pag manga handug ti pag-isugu niku sa kanyu: manga handug pagsunugun ag iba waya pag manga handug, hanggan kanyu ikasampulu, ag ti ipinablag pag manga pakaun, hanggan ti tanan pag pinakamayad pag handug kanyu itinaratu sa Panginuun.

Diyuturunumiyu 12:11 Iomraidhean Croise

1 Hari 12:27

nu parargu ti manga tawu mag-atag sa Hirusalim para manhandug ati sa Balay Diyus Panginuun. Mahimu mibuyu maan kanda sadili sa kan Hari Rihubuam taga Huda. Ag nu mangyari tunda, matyun nida aku ag bumalik sida sa kan Rihubuam.”

1 Hari 8:13

Taynguna nakapabuwat yi aku marinu gid pag Balay Diyus para sa kanmu, nu naan mangulian kawu sa unman may katapusan.”

1 Hari 8:16

‘Ginan sa panahun ipinalwas niku kang nasakupan manga Israilita sa Ihiptu, unman aku nagpili banwa sa una naan pag linahi Israil hampay patindugan Balay Diyus para sa kang kadayawan. Dapat, pinili niku si Dabid hampay mamahala sa manga nasakupan niku Israilita.’

1 Hari 8:29

Alagai mana nimu inda pag Balay Diyus sirang yabi, inda pag rugar magkun kawu sitay pagdayawun. Mana patingihan nimu aku kanmu suruguun sa kang magdarangin maatubangan sa inda pag rugar.

2 Hari 18:22

Dapat barang sumabi kamu sa kangku magsarig kamu sa Panginuun niyu Diyus. Dapat unman aw kawu diman, Isikyas, ti nagpadaut manga simbahan sa abwat pag manga rugar hanggan ti manga harandugan, ag sinabihan nimu ti manga taga Huda hanggan taga Hirusalim kailangan magsamba sida sa usa lang ka harandugan ati sa Hirusalim?’

1 Krunika 22:1

Bag-u magkun si Dabid, “Sitay yi pag rugar pag ipauli ti Balay Diyus Panginuun ag ti harandugan manga handug surunugun Israil.”

2 Krunika 6:20

Mana bantayan nimu inda pag Balay Diyus sirang yabi, ti pagkumnun nimu siyun pag rugar kawu pag dayawun. Mana patingihan nimu aku kanmu manugsirbi sa kang magdarangin maatubangan sa siyun pag rugar.

2 Krunika 7:12

Usa ka yabi, napakakit ti Panginuun sa kanya ag magkun, “Nadnugan niku kanmu darangin ag pinili niku inda pag Balay Diyus bilang rugar pagpakan-an manga handug.

Isra 6:12

Mana ti Diyus ti nagpili sa Hirusalim bilang rugar nu naan siya pag dayawun, imaw ti pumarusa sa una si unu pag hari ngatay nasyun ti lumabag sa inda pag sugu ag mandaut sa inda pag Balay Diyus Hirusalim. “Aku, si Daryu, ti may sugu inda. Kailangan gid sundun inda.”

Kanta 100:2

Sirbihi niyu may kabayaan ti Panginuun. Pagpakarani kamu sa kanya magkanta sa kabayaan.

Kanta 116:17

Dumayaw aku sa kanmu ag manhandug aku handug bilang pagpasalamat sa kanmu.

Kanta 66:13

Mansagda aku sa kanmu Balay manga handug pagsunugun. Tupadun niku kang manga itinaratu sa kanmu

Kanta 78:68

Bagkus ngap, pinili niya ti lahi ni Huda hanggan ti Bantud Siun kay pagmahalun.

Pag-ighit 25:8

“Ipabwat nimu sa nasakupan Israil ti banal pag ulian para sa kangku nu naan aku pag umuli kaibahan nida.

Pag-ighit 29:45

Mangulian aku kaibahan manga Israilita ag bumaliw aku kanda Diyus.

Hirimyas 7:12

“ ‘Pag-ati kamu sa Silu, ti un-an pag rugar kang pinili hampay sambahun aku, ag bantayan niyu nu hintay kang binwat sa ati pag rugar dahil sa binwat kadautan niku nasakupan Israil.

Libitiku 17:4

ag balaw sa Turda Tiripnan pag-ingarnan diman Turda Taragbuan, parihu lang sa nakamatay siya tawu, nakan danga yi siya pagkilalan-a nasakupan niyu. Ipinatupad inda pag surundanun hampay kanyu maghandug ati niyu pag buwatun sa may arani sabian Turda ag balaw sa iba pag rugar. Kanyu manga handug para sa mayad pag pakiusa ipakaun niyu sa manughandug, siya ti manhandug sa Panginuun.

Diyuturunumiyu 12:13

Danga gid pagsagdahan kanyu manga handug pagsunugun sa una naan pag rugar kanyu gustu.

Diyuturunumiyu 12:14

Ihandug lang niyu inda sa piliun Panginuun pag rugar sa usa sa kanyu lahi, ag ati pagbuwata niyu ti tanan isinugu niku sa kanyu.

Diyuturunumiyu 12:18

Kan-un lang niyu inda sa atubangan Panginuun niyu Diyus ati sa rugar kay piliun kaibahan kanyu manga anak, manga panawuhun, ag manga Libita mag-uli sa kanyu manga banwa. Magbarayaan kamu ati sa atubangan Panginuun niyu Diyus sa tanan niyu buruwatun.

Diyuturunumiyu 12:21

Nu arayu sa kanyu ti piliun Panginuun niyu Diyus pag rugar nu naan pag dayawun siya, mahimu kamu mag-iyaw kanyu manga baka, kambing, ngatay karanidu sa kanyu rugar. Ag angay sa kang pag-isugu sa kanyu, mahimu kamu magpakabusug sa pagkaun manga hayup ipinakaun Panginuun sa kanyu,

Diyuturunumiyu 12:26

“Daran-un niyu sa rugar piliun Panginuun kanyu banal pag manga handug hanggan kanyu manga itinaratu pag handug sa kanya.

Diyuturunumiyu 12:5

bagkus ngap pagdangup kamu sa Panginuun niyu Diyus ag dayawa niyu siya sa piliun niya pag rugar ginan sa tanan sakup manga linahi Israil. Ati niyu pag sambaha ti Panginuun, dahil imaw tunda kay pinili pag rugar nu naan siya pagdayawun.

Diyuturunumiyu 14:23

Daraha niyu ti ikasampulu pag bahagi tirigu, irinmun ubas, lana ulibu, hanggan ti panganay niyu manga hayup sa piliun Panginuun niyu Diyus pag rugar nu naan pag dayawun siya. Bag-u ati niyu pag kan-a sa kay atubangan. Buwatun niyu inda hampay maanad kamu magsunud pirmi sa Panginuun niyu Diyus.

Diyuturunumiyu 15:19

“Ipablag niyu para sa Panginuun niyu Diyus ti tanan manga panganay lalaki sa kanyu manga hayup. Danga niyu pagtarabahuan ti manga panganay niyu manga baka ngatay uguyan ti manga panganay niyu manga karanidu.

Diyuturunumiyu 15:20

Bagkus ngap, kan-un niyu inda hanggan nimu magtal-anakan sa atubangan Panginuun niyu Diyus sa kay piliun pag rugar. Imaw inda kanyu buwatun kada timpu.

Diyuturunumiyu 17:8

“Halimbawa may manga kasaba sa kanyu hurusayan tungkul sa nanmatay, pag-arawayan ngatay sinaktan masyadu makuri pasyahan. Ti buwatun niyu, darahun niyu tunda pag kasaba sa rugar piliun Panginuun niyu Diyus

Diyuturunumiyu 18:6

“Una si unu pag Libita ti mag-uli una naan pag banwa sa Israil mahimu di makaatag sa daga piliun Panginuun,

Diyuturunumiyu 23:16

Patahana siya sa kanyu rugar una naan pag banwa kay gustu. Danga niyu siya pag-apiha.

Diyuturunumiyu 26:2

ipauli niyu ti un-an pag bahagi niyu naani sa tabigun. Bag-u darahun niyu inda sa piliun Panginuun niyu Diyus pag rugar nu naan siya pagdayawun.

Diyuturunumiyu 31:11

basaha niyu inda pag manga sugu sa tanan Israilita nu magtiripun sida sa atubangan Panginuun niyu Diyus sa piliun niya pag rugar.

Huswi 18:1

Pagka natapus masakup manga Israilita tunda pag daga, naniripnan sida tanan sa Silu, bag-u namatindug Turda Taragbuan.

Huswi 22:11

Taynguna, nabaritaan iba manga Israilita nagpatindug harandugan arani sa Sapa Hurdan sa dipay Israilita, sa katugkaan Kanaan sa Gililut, ti lahi nida ni Rubin, ni Gad, ag katunga lahi ni Manasis. Nakan nagtipun sida sa Silu hampay mansalakay laban sa kanda.

Huswi 22:16

“Gustu maalaman tanan nasakupan Panginuun nu hayga kamu pinmatlikud sa Diyus Israil. Naglaban kamu sa Panginuun sa pagpatindug niyu harandugan para sa kanyu sadili. Unman yi kamu magsunud sa kanya.

Huswi 22:23

Nu linabag nimi ti Panginuun sa panab-anan pagpatindug nimi sadili harandugan para sa manga handug pagsunugun, manga handug pasalamat, ngatay manga handug para sa mayad pag pakiusa sa Panginuun, mana ti Panginuun mismu ti manparusa sa kanmi.

Huswi 22:27

nu unman para bumaliw tanda sa kanmi, sa kanyu, ag para sa kanta manga lahi kuntay pagsambahun nimi ti Panginuun sa panab-anan manga handug pagsunugun, manga handug para sa mayad pag pakiusa sa Panginuun, ag iba waya pag manga handug ati sa kay Turda. Nakan unman makasabi kanyu manga laki aban sa uryan sa kanmi manga lahi kuntay unman sida may labut sa Panginuun.

Huswi 22:29

“Unman nimi mabwat manlaban ngatay pumatlikud sa Panginuun sa panab-anan pagpatindug nimi sadili harandugan para sa manga handug pagsunugun, manga handug pasalamat, ag sa iba waya pag manga handug. Balaw nimi ibalyu ti harandugan Panginuun nita Diyus asan sa atubangan niya Turda.”

Huswi 9:27

Dapat binwat niya sida manughanap kayu ag manugtaas danum para sa kadamlan ag sa harandugan Panginuun. Tugka kainda pagbuwatun nida inda pag buruwatun sa rugar pinili Panginuun nu naan siya pag sambahun.

1 Samwil 1:21

Rinmas-ug maan ti udas si Ilkana hanggan kay buu magtal-anakan manhandug sa Panginuun ga kaybi diman ga kanda pagbuwatun kada timpu. Inda diman ti udas manhandug siya bilang pagtupad sa kay taratu sa Panginuun.