Diyuturunumiyu 12:10 - Hanunuu

¹⁰ Nu makadipay yi kamu sa Hurdan ag mag-uli sa daga pag-ipakaun Panginuun niyu Diyus sa kanyu bilang mana niyu, mangabuhi kamu may kahusayan dahil balaw pahintulutan Panginuun balagun kamu niyu manga kalaban sa kanyu kalibut.

Diyuturunumiyu 12:10 Iomraidhean Croise

1 Hari 4:25

Nakan habang magkabuhi si Sulumun, may kahusayan ti Huda ag ti Israil ginan sa Dan tugka sa Biirsiba. Ti kada tawu may kahusayan matukawan sa sirung niya tanum ubas ag puun igus.

1 Hari 8:56

“Dayawun ti Panginuun imaw ti nagpakaun kaariwayahan sa kay nasakupan manga Israilita angay sa kay itinaratu. Tinupad gid niya tanan itinaratu niya sa kan Muysis kay suruguun.

1 Krunika 22:18

Magkun siya sa kanda, “Kaibahan niyu ti Panginuun niyu Diyus ag pinakan-an niya kamu kahusayan sa kanyu manga kalaban sa kalibut. Dahil ipinakaun niya sa kangku ti tanan mag-uli sa inda pag daga, taynguna magkaapu yi inda Panginuun ag sakup yi nita inda kay nasakupan.

Kanta 4:8

Nakan nu magkaturug aku unman may pagkadalaan, dahil pagbantayan nimu aku, Panginuun.

Pag-ighit 33:14

Sinmagut ti Panginuun, “Aku gid ngap ti kumuyug sa kanmu, ag pakan-an niku kawu kahusayan.”

Kabagawan 1:33

Dapat ti magpatingi sa kangku mabuhi may kahusayan. Balaw siya maunu ag unman siya may kadalaan.”

Hirimyas 23:6

Inda pag ngaran ti iingaran sa kanya: ‘Ti Panginuun Kanta Katadlungan.’ Sa tunda pag udas maribri ti Huda ag magkaimaw kahusayan sa Israil.

Hirimyas 32:37

Tipunun niku ti manga nasakupan niku ginan sa tanan nasyun kinalatan niku sa kanda dahil sa kang masyadu pag galit sa kanda. Utru niku sida darahun sa inda pag rugar ag mangabuhi sida sa mahusay.

Hirimyas 33:11

Masaydan maan ti kasulungan manga bag-u ipinaasawa, ag manga tawu magdara manga handug pasalamat sa Balay Diyus Panginuun. Sabihun nida, ‘Mamasalamat kita sa Panginuun Makamaskihan dahil mayad gid siya. Kay pangaawa balaw may katapusan.’ Ungud magbarayaan ti manga tawu dahil ibalik niku ti mayad pag kahamtangan sa inda pag daga parihu sa kaybi sa un-an. Aku, ti Panginuun ti magsabi inda.”

Isikil 28:26

Mangulian sida ati unman may pagkadalaan. Mamatindug sida manga balay ag mananum manga ubas. Unman yi may man-gulu sa kanda nu parusahan yi niku ti tanan nida kaarani pag manga nasyun magpuya sa kanda. Bag-u maalaman nida aku ti Panginuun nida Diyus.”

Isikil 34:25

“Mamwat aku kasunduan sa kanda kuntay mumayad kanda kahamtangan. Palayasun niku ti maisug pag manga hayup sa kanda daga hampay makaulian sida sa pangawakawaan ag makaturug sa katalunan ribri sa kadilikaduhan.

Isikil 34:28

Balaw yi sida pakurian iba ka manga nasyun ag unman yi sida kan-un talun hayup. Mangabuhi sida ribri sa kadilikaduhan ag unman may manpadala sa kanda.

Isikil 38:11

Sumabi kawu: Girahun niku ti Israil kay manga banwa inda unman may alad batu, sabian, talakup, ag kay manga nasakupan inda mag-ulian may kahusayan ag unman may pagkadalaan kadilikaduhan.

Isikil 38:8

Dahil aban suguun niku kamu giraha ti Israil, sa kadugayun panahun namung-aw dahil nawasak sa labanan. Dapat ipinatindug uman inda ag sa tunda diman pag udas nakabalik yi ti manga nasakupan inda sa bantud Israil ginan sa manga nasyun ag mag-ulian yi may kahusayan.

Diyuturunumiyu 11:31

Mandipay yi kamu sa Hurdan hampay suldun ag apuun ti pag-ipakaun Panginuun niyu Diyus pag daga sa kanyu. Nu mab-ul yi niyu inda ag ati yi kamu pag mag-uli,

Diyuturunumiyu 3:27

Pagtukad yi kawu sa katayungtungan Bantud Pisga bag-u umalantaw ati pag daga una naan tag baliwa, dahil unman kawu makadipay sa Hurdan.

Diyuturunumiyu 33:12

Magkun si Muysis tungkul sa lahi ni Binhamin, “Pagmahalun Panginuun ti lahi ni Binhamin, ag pag-ipakarayu niya sida sa kadautan ag pag-alagaan sa buu sirang.”

Diyuturunumiyu 33:28

Nakan ti Israil mangulian arayu sa kadamhakan, sa daga abunda sa ani hanggan irinmun ubas, ag nu naan ti tun-ug ginan sa langit imaw ti magpakaun danum sa daga.

Diyuturunumiyu 4:22

Mamatay aku sitay pag daga ag unman makadipay sa Hurdan, dapat kamu makadipay di ag pihu maapu niyu ti mayad pag daga ati.

Diyuturunumiyu 9:1

“Pagpatingi kamu, nasakupan Israil. Mandipay yi kamu taynguna sa Hurdan hampay sakupun ti manga nasyun mas daraka ag mas makapangyarihan waya sa kanyu. Daraka kanda manga banwa ag may ararabwat pag manga alad batu ga sunggu yi sa langit.

Huswi 11:23

Nakan sinakup ni Huswi ti buu daga, angay sa isinugu Panginuun sa kan Muysis. Ipinakaun inda ni Huswi sa manga Israilita bilang kanda maranahun, ag hinuray nida inda angay sa kada lahi nida. Tunda ginan, inmapas yi ti girahan sa tunda pag daga.

Huswi 14:1

Inda ti pag-ayaw-ayaw iba waya pag manga daga sa Kanaan sa manga Israilita. Hinuray inda ni manughandug Iliyasar, ag ni Huswi anak ni Nun, hanggan manga takinan manga magtal-anakan kada linahi Israil.

Huswi 3:17

Matindugan sa karaw-an mamara sapa ti manga manughandug may dara Kaban Kasunduan Panginuun habang magdipay ti tanan nasakupan Israil. Unman sida nighit siyun ginan tugka sa ud nakadipay ti tanan.

Huswi 4:12

Nagdipay diman ag inmuna sa manga tawu ti manga lalaki armadu ginan sa lahi ni Rubin, ni Gad, ag katunga lahi ni Manasis, angay sa isinugu ni Muysis sa kanda.

1 Samwil 7:12

Bag-u nam-ul si Samwil usa ka batu, ibinugtang niya sa tab-anan duwa ka banwa, Mispa ag Sin. Bag-u iningarnan niya tunda pag batu Ibinisir dahil magkun siya, “Taynguna tugka pag-awatan kami Panginuun.”