Diyuturunumiyu 11:17 - Hanunuu

¹⁷ Nu buwatun niyu inda, magalit ti Panginuun sa kanyu ag balaw yi niya pauranun hanggan udyi kamu umani, ag sa kadugayan madura kamu sa mayad pag daga ti ipakaun Panginuun sa kanyu.

Diyuturunumiyu 11:17 Iomraidhean Croise

1 Hari 17:1

May usa ka purupita kay ngaran si Ilyas. Mag-uli siya sa Tisbi sakup Gilyad. Magkun siya sa kan Akab, “Pagsiguraduhun niku sa kanmu, sa nabubut-un buhi pag Panginuun, ti Diyus Israil kang pagsirbihan, kuntay unman may tun-ug ngatay uran rumas-ug sa sulud pira ka timpu tugka sa unman niku sabihun kuntay pag-uran ngatay pagtun-ug.”

1 Hari 8:35

“Nu balaw nimu pauranun dahil nagkasala sa kanmu ti nasakupan nimu, ag nu mandarangin sida maatubangan sa inda pag rugar ag mandayaw sa kanmu, ag mag-ampu sa kanda manga kasalanan dahil pinarusahan nimu sida,

2 Krunika 6:26

“Nu balaw nimu pauranun dahil nagsalan kanmu manga nasakupan sa kanmu, ag nu mandarangin sida maatubangan sa inda pag Balay Diyus ag mandayaw sa kanmu, ag man-ampu kanda manga kasalanan dahil pinarusahan nimu sida,

2 Krunika 7:13

“Halimbawa balaw niku pauranun, ngatay mamadara maan aku manga apan sa daga hampay mangaun manga tanum, ngatay mamadara aku sarut sa kang nasakupan,

Hub 12:15

Nu amparahun niya ti uran, magkamara ti daga, nu pabay-anan niya ti uran, magbaha ag magkadaut ti daga.

Libitiku 26:19

Duraun niku ti pag-ipadayaw-dayaw niyu pag kapangyarihan. Balaw gid niku pauranun, nakan man-ganit gid kanyu manga daga.

Libitiku 26:20

Bumaliw unman may pulus kanyu magpangabudlay, dahil kanyu manga daga udyi magtubas hanggan kanyu manga puun kayu balaw magburak.

Amus 4:7

“Inampara diman niku ti uran sa sulud tulu ka bulan bag-u rumas-ug ti tig-arani. Pagpauranan niku ti usa ka banwa dapat kay iba unman. Pagpauranan niku ti usa ka tanman dapat kay iba magkamarhan.

Diyuturunumiyu 31:20

Darahun niku sida sa marinu ag abunda pag daga kang itinaratu ipakaun sa kanda manga ginurang. Ati mangabuhi sida abunda; mangaun sida tanan nida pagkaibgan pag karan-unun, ag mabsug sida. Dapat patlikudan nida aku ag mansamba sa iba pag manga diyus. Lapastanganun nida kang kasunduan.

Diyuturunumiyu 4:26

“Kainda pag sirang, saksi niku ti langit ag ti daga laban sa kanyu nu balaw niyu sundun aku, unman kamu dumugay sa kanyu manahun pag daga ati sa baliw dipay Hurdan. Mangulian kamu ati ngalay lang pag panahun, bag-u maruris kamu lubus.

Diyuturunumiyu 6:15

dahil ti Panginuun niyu Diyus, ti kaibahan niyu, balaw gid magkaibug may pagsambahun kamu tuhay. Nu mansamba kamu sa tuhay pag diyus, iparanas Panginuun kay pangagalit sa kanyu ag rurisun niya kamu sa kalibutan.

Diyuturunumiyu 9:19

Nadala aku sa masyadu pag pangagalit Panginuun laban sa kanyu, barang matyun niya kamu. Mayad lang pinatingihan di aku Panginuun.