Diyuturunumiyu 11:16 - Hanunuu

¹⁶ “Pag-aman gid kamu barang matuksu kamu pumatlikud sa Diyus ag mansamba sa iba pag manga diyus ag sumirbi sa kanda.

Diyuturunumiyu 11:16 Iomraidhean Croise

1 Hari 8:35

“Nu balaw nimu pauranun dahil nagkasala sa kanmu ti nasakupan nimu, ag nu mandarangin sida maatubangan sa inda pag rugar ag mandayaw sa kanmu, ag mag-ampu sa kanda manga kasalanan dahil pinarusahan nimu sida,

Hub 31:27

Unman diman nagarya sa lihim kang tagipusuun sa pagsamba siti.

Isayas 44:20

Ti manga magbuwat inda ga nangaun dapug. Ipinatalang siya niya daut pag kaisipan, balaw niya mairibri kay sadili. Balaw siya pumasnu kuntay ti tawu-tawu asan sa kanya balaw diyus.

Lukas 21:34

“Dapat pag-aman kamu barang magumun kamu sa kasulungan hanggan sa maglangu ngatay sa subra pag irisipun tungkul sa kanyu kahamtangan sitay sa babaw daga. Barang bigla rumas-ug sa kanyu tunda pag kaudasan ga suduk kamu unman alistu.

Lukas 21:36

Pagmaimatahan gid kamu. Pagdarangin pirmi hampay una kamu lumakaw sa tunda pag kakurian, lumapus di kamu ag makatindug sa atubangan niku, sa Anak Tawu.”

Lukas 21:8

Bag-u nagsabi si Hisus magkun, “Pag-aman gid kamu sa unman gid kamu patalangun dahil mayamu ti sumitay mag-apu kang ngaran magkun, ‘Aku yi ngani. Inda yi ti kaudasan’ Danga kamu magsunud sa kanda.

Diyuturunumiyu 12:30

pagdahan kamu hampay balaw kamu masduk sa panab-anan pagsunud sa kanda. Danga kamu mag-usisa tungkul sa kanda manga diyus. Danga kamu magsabi, ‘Kabitay sida magsirbi sa kanda manga diyus? Sundun diman waydi nita kanda pagbuwatun.’

Diyuturunumiyu 13:3

danga kamu magpatingi sa kanya. Pagsubukan lang kamu Panginuun niyu Diyus nu ungud pagmahalun niyu siya buu niyu tagipusuun ag karadwa.

Diyuturunumiyu 17:3

ag naglaban sa sugu sa panab-anan pagsamba sa tuhay pag diyus, ngatay sa init, ngatay sa bulan, ngatay sa manga pamgasan.

Diyuturunumiyu 28:14

Nakan danga niyu paglabaga ti una hintay sa kang pag-isugu sa kanyu taynguna pag sirang, ag danga kamu magsunud sa iba pag manga diyus hanggan magsirbi sa kanda.

Diyuturunumiyu 29:17

Nakitan niyu kanda daut gid pag manga diyus-diyusan buwat ginan sa kayu, sa batu hanggan sa pilak ag gintu.

Diyuturunumiyu 29:18

Pihua niyu unman una di usa sa kanyu, lalaki ngatay babayi, una magtal-anakan, ngatay lahi ti pumatlikud sa Panginuun nita Diyus ag mansamba sa ati pag manga diyus iba nasyun hampay unman may una di usa sa kanyu ti bumaliw ga gamut ilamnun magtubu mapait ag makahililu.

Diyuturunumiyu 30:17

“Dapat nu unman kamu magtupad ag magsunud sa kanya, bag-u magsamba kamu ag magsirbi sa iba pag manga diyus,

Diyuturunumiyu 31:20

Darahun niku sida sa marinu ag abunda pag daga kang itinaratu ipakaun sa kanda manga ginurang. Ati mangabuhi sida abunda; mangaun sida tanan nida pagkaibgan pag karan-unun, ag mabsug sida. Dapat patlikudan nida aku ag mansamba sa iba pag manga diyus. Lapastanganun nida kang kasunduan.

Diyuturunumiyu 4:23

Dapat pag-aman kamu hampay balaw niyu malimtan ti kasunduan binuwat Panginuun niyu Diyus. Danga kamu magbuwat manga diyus-diyusan sa histuda una hintay pag bagay, dahil pag-irangan gid inda Panginuun niyu Diyus.

Diyuturunumiyu 4:9

Dapat pag-aman kamu! Danga niyu pag kalimti ti binwat Panginuun kanyu nakitan. Kailangan pumirmaminti inda sa kanyu tagipusuun habang magkabuhi kamu. Itudlu niyu inda sa kanyu manga anak hanggan sa kanyu manga kaumputan.

Diyuturunumiyu 5:7

“ ‘Danga kamu magdayaw sa tuhay pag diyus purya sa kangku.

Diyuturunumiyu 8:19

“Dapat pagpaandaman niku kamu taynguna, nu kalimtan niyu ti Panginuun niyu Diyus ag mansunud kamu sa iba pag manga diyus, hanggan mansamba ag sumirbi sa kanda, pihu gid maruris kamu.

Hibriyu 12:15

Pagdahan kamu hampay unman may pumatlikud sa kanyu tanan sa kay pakaun Diyus karibrihan. Barang may magtubu ga ilamnun mapait sa kanyu bag-u miabay ti mayamu ngap pag patar-ari sumimray sa katutuuhanan.

Hibriyu 2:1

Nakan kailangan intindihun gid nita ti manga bagay kanta nadnugan, hampay balaw kita tumalang sa katutuuhanan.

Hibriyu 3:12

Pagdahan kamu, manga patar-ari, barang una si unu sa kanyu may daut naisipan imaw ti magpalumuy sa kanyu pagsarig hanggan di sa magpablag yi ngap sa Diyus buhi.

Hibriyu 4:1

Hanggan taynguna tugka imaw diman pag taratu Diyus sa kanta, kita makaslud hampay may kaariwayahan sa kay arani. Inda ti dapat nita ingatan gid, bagay may tawu sa kanyu unman makahimu makaslud.

Santiyagu 1:26

Nu ti tawu maghantup sa kay sadili kuntay siya matadlung, bag-u unman waydi mapinigilun siya sa kay dila, pagdayaun lang ngap niya kay sadili, unman may pulus kay mayad pag buwat magsamba sa Diyus.

1 Huwan 5:21

Pag-aman kamu duy pag manga anak niku, sa manga diyus-diyusan.

Ipinakakit 12:9

Ti laun pag daragun imaw yi ti pagkumnun gurangun pag ulay, kay ngaran diyablu, imaw ti pagkumnun si Satanas, imaw tigdaya sa bilug kalibutan. Ayinmut siya atag sa daga hanggan kay manga kakampi pag manga anghil ayinmut waydi.

Ipinakakit 13:14

Dinaya niya ti tanan tawu sa babaw daga dahil sa manga tanda ipinabuwat sa kanya sa atubangan usa ka hayup malangas. Nagarya niya ti manga tawu hampay bumwat tawu-tawu ga hayup malangas, imaw ti nabiyagan baladaw dapat nag-ayad di maan.

Ipinakakit 20:4

Nakakit aku may manga tukawan hari. Ti manga nakatukaw ati pinakan-an karampatan hampay pumihu sa daut sa mayad. Nakitan diman niku ti karadwa manga tawu pinugutan ulu dahil sa kanda magsarig sa kan Hisus hanggan sa kanda magpadakit Bagaw Diyus. Unman nagsamba sida sa hayup malangas una sa kay tawu-tawu. Unman sida nagtanggap manga marka hayup malangas sa kanda bangas una sa kanda kamang. Binuhi sida hampay maghari kaibahan ni Kiristu sa sulud usa ka libu ka timpu.

1 Samwil 12:20

Sinabi ni Samwil sa manga tawu magkun, “Danga kamu magkadala, tutuu yi gid inda kanyu binwat pag kadautan. Dapat kamu danga magbul-iw sa Panginuun. Ilubus niyu kanyu buu tagipusuun sa kanyu pagsirbi sa kanya.

1 Samwil 12:21

Danga yi kamu magsunud sa manga diyus-diyusan unman makaawat, unman diman makaparibri sa kanyu dahil unman ngani may pulus.