Diyuturunumiyu 11:14 - Hanunuu

¹⁴ padarahan niya kamu uran sa kang-ud pag udas hampay makaani kamu tirigu, irinmun ubas hanggan lana ulibu.

Diyuturunumiyu 11:14 Iomraidhean Croise

Isayas 30:23

Pakan-an kamu Panginuun uran sa panahun tig-taranum, ag bumaliw abunda kanyu tubas. Kanyu manga hayup manharab sa maluang pag pasturan.

Hirimyas 14:22

Unman una di usa ka diyus-diyusan manga nasyun ti makapauran ngatay makapaanitay. Una ti langit ngapu unman diman makapauran. Kawu lang, Panginuun kanmi Diyus ti lubus makabuwat inda, nakan sa kanmu duy kami pag magsarig.

Hirimyas 5:24

Unman sida magbagaw ginan sa tagipusuun kuntay, ‘Dayawun nita ti Panginuun nita Diyus, ti mag-ayaw uran sa kanta sa pangudasun ag mag-ayaw patubas sa kanta sa udas tig-arani.’

Isikil 34:26

Papaladan niku sida hanggan ti manga rugar sa palibut niku banal pag bantud. Padarahan niku sida uran sa kang-ud pag panahun bilang papalad sa kanda.

Huwil 2:19

Bilang sagut sa kanda darangin sabihun niya sa kanda, “Pakan-an niku kamu manga ani, manga irinmun ubas, hanggan manga lana ulibu, ag mabsug yi kamu. Udyi niku pasnuan pakay-ahun kamu iba nasyun.

Libitiku 26:3

Nu sundun niyu kang manga surundanun ag manga sugu,

Libitiku 26:4

padaran-an niku kamu uran sa tama pag panahun hampay ti daga makapatubas bag-u ti manga kayu mamururak.

Malakyas 3:11

Balaw niku pahintulutan kan-un manga iyay kanyu manga pananum. Hanggan kanyu manga ubas balaw marabak.

Binwat 14:17

Madi katida kang-ud mana pag puruyba kay mayad niya buwat sa kanyu hampay makilala niyu siya. Kabay pinakan-an niya kamu uran ginan sa tungud hanggan abunda pag ani sa kay udas katpung. Pagpakan-an diman niya kamu kang-ud pag karan-unun hanggan kabayaan sa kanyu tagipusuun.”

Diyuturunumiyu 28:12

Padarahan kamu Panginuun uran sa tama pag udas ginan sa taraguan niya kayamanan sa langit, ag papaladan niya ti tanan niyu pagbuwatun. Mamaudam kamu sa mayamu pag nasyun, dapat kamu bay unman mangudam.

Santiyagu 5:7

Nakan ngani manga patar-ari, pag-agwanta sa alagad kamu hanggan sa ud rumas-ug ti Panginuun. Isipa duy niyu ti manugtanman. Tutuu yi gid maggagad sa kay ani, mag-agwanta siya sa alagad sa bag-u padna uran, hanggan sa tig bururak katpung pag uran.