Diyuturunumiyu 10:8 - Hanunuu

⁸ Ati pag udas, pinili Panginuun ti lahi ni Libi sa pagdara sa Kaban Kasunduan Panginuun, hampay mansirbi sa kay atubangan, ag hampay papaladan ti manga tawu sa ngaran niya. Taynguna tugka katida kanda buruwatun.

Diyuturunumiyu 10:8 Iomraidhean Croise

1 Hari 8:6

Bag-u dinara manga manughandug ti Kaban Kasunduan Panginuun sa rugar ati sa pinakasulud Balay Diyus sa Pinakabanal pag Sulud-sulud, sa sirung pakpak manga kirubin.

1 Krunika 15:2

Bag-u magkun si Dabid, “Unman may dumara sa Kaban nu ud sa manga Libita, dahil pinili sida Panginuun mandara sa Kaban Panginuun ag sumirbi sa kay atubangan tugka aban.”

1 Krunika 15:26

Ag dahil inawatan Diyus ti manga Libita katpung dinara nida ti Kaban Kasunduan Panginuun, nansagda sida pitu ka tudu baka ag pitu ka karanidu.

1 Krunika 23:13

Kay manga anak lalaki ni Amram si Aarun ag si Muysis. Ipinablag si Aarun hanggan kay manga linahi para sa pagtalaga sa pinaka banal pag manga bagay, sa pagpakaun manga handug sa Panginuun, sa pagsirbi sa kanya, ag sa pagbasbas sa nasakupan niya ngaran. Imaw inda kanda katungkulan hanggan aban.

1 Krunika 23:26

Taynguna, balaw yi kailangan manga Libita daradarahun waya ti Turda Tiripnan hanggan ti manga kagamitan siyun.”

2 Krunika 29:11

Nakan manga pagmahalun, danga yi kamu magpabaya. Kamu ti pinili Panginuun hampay tumindug sa kay atubangan, sa pagsirbi hanggan sa pagsagda.”

2 Krunika 30:27

Pagkatapus, nagtindug ti manga manughandug ag ti manga Libita ag pinapaladan nida ti manga tawu. Ag pinatingihan inda Diyus sa langit, sa kay banal pag-ulian.

Kanta 134:1

Abala kamu, dayawa niyu ti Panginuun, tanan kamu magsirbi sa Panginuun sa kay Balay nu yabi.

Kanta 134:2

Paabwatan niyu kanyu manga kamang sa kanyu magdarangin sa sulud Balay Diyus, ag dayawa niyu ti Panginuun.

Kanta 135:2

magsirbi sa Balay Diyus Panginuun kanta Diyus.

Hirimyas 15:19

Nakan magkun sa kangku ti Panginuun, “Nu umampu kawu, pabalikun maan niku kawu sa arani niku hampay parargu di kawu makasirbi sa kangku. Nu mamagaw kawu manga matadlung pag bagay ag amanan ti manga bagay unman may pulus, buwatun maan niku kawu kang manugbagaw. Kailangan sida ti pumakarani sa kanmu, ag balaw kawu ti pakarani sa kanda.

Isikil 44:11

Mahimu sida makasirbi sa kang banal pag Balay bilang manga manugguwardiya sa sabian ag manug-iyaw manga handug ag iba waya pag manga handug sa manga tawu. Ag mahimu diman sida makasirbi sa manga tawu sa Balay Diyus.

Isikil 44:15

“Dapat ti manga manughandug ginan sa lahi ni Libi hanggan manga linahi ni Saduk, ti matinupadun sa pagsirbi sa kang banal pag Balay katpung nagpatlikud sa kangku ti manga Israilita, mahimu di makasirbi sa kangku. Sida ti manhandug sa kangku taba ag dugu. Aku, ti Panginuun Diyus, ti magsabi inda.

Libitiku 8:9

Bag-u ipinasulung niya ti pantaung sa ulu ni Aarun, ag isinab-it sa sarangwan pantaung ti midalya gintu tanda pagtalaga sa kan Aarun para sa Panginuun. Binwat inda tanan ni Muysis angay sa sugu Panginuun.

Libitiku 9:22

Pagka natapus kay maghandug ni Aarun, ipinaabwat niya kay manga kamang sa manga tawu ag idinarangin niya sida, bag-u nagdugsun siya ginan sa harandugan.

Bilang 3:31

Sida ti may katungkulan mag-asikasu sa Kaban Kasunduan, sa lamisa, sa burugtangan sulul-an, sa harandugan, sa manga kagamitan paggamitun manga manughandug sa kanda magsirbi hanggan sa limbun. Sida ti may katungkulan sa tanan manga buruwatun may kinalaman sa tunda pag manga kagamitan.

Bilang 3:6

“Paataytaga ti lahi ni Libi, daran-a sida sa manughandug, sa kan Aarun hampay mangawat sa kanya.

Bilang 4:15

“Pagka natakluban ni Aarun hanggan niya manga anak ti Turda Taragbuan ag ti tanan kagamitan, daran-un inda magtal-anakan ni Kuhat nu umighit yi kamu sa kanyu pagkampuhan. Dapat balaw gid nida hiyaptan ti manga banal pag bagay hampay balaw sida magkaramatay. “Tunda ngani ti manga kagamitan Turda Taragbuan daran-un manga magtal-anakan ni Kuhat.

Huwan 15:16

Balaw duy kamu ti nagpili sa kangku. Aku ngap ti pinmili sa kanyu, kang ipinablag kamu ginan sa kalibutan hampay kamu umatag tumupad sa buruwatun ag hampay udyi madura hanggan aban ti pakinabang niyu manga binudlayan; ipakaun Ama sa kanyu una hintay kanyu hagadun sa kanya dahil kamu napasakup sa kangku.

Binwat 13:2

Sa kanda magpauray sa samba nida sa Panginuun, sinabi Ispiritu Banal sa kanda magkun, “Ipablag niyu sida ni Birnabi ni Saulu dahil sida kang pinili hampay tumupad sida sa kang buruwatun kang ihinanda para sa kanda.”

Ruma 1:1

Ti may surat inda si Pablu kay panawuhun ni Kiristu Hisus. Kay pinili aku Diyus hampay kay apustul, kay gid ibinukud hampay manudlu sa kay Mayad pag Barita Diyus.

Ruma 12:7

Nu kay ipinakaun Diyus sa kanta para manugsirbi sa kay buruwatun, pagsirbi yi kita. Pagtudlu yi nu kay tinanggap pag pakaun para manugtudlu.

2 Kurintu 6:17

Nakan ngani pagpakarayu kamu ginan sa kanda, pagpablag kamu ginan sa kanda. Magkun ti Panginuun, danga kamu maggaraw sa una hintay pag mayagting hampay kamu kang tanggapun.”

Galasya 1:15

Dapat dahil sa kay pangaawa Diyus nakan daan yi pinili niya aku bag-u iinanak. Kay tinawag niya aku hampay kay yi suruguun.

Diyuturunumiyu 17:12

Ti unman magtanggap sa pasya manughusay pag tawu ngatay sa manughandug Balay Diyus magsirbi sa tunda pag udas sa Panginuun niyu Diyus kailangan matyun. Kailangan duraun niyu inda pag kadautan sa Israil.

Diyuturunumiyu 18:5

Dahil sa tanan linahi Israil, sida hanggan kanda manga katawuhan imaw ti pinili Panginuun niyu Diyus sumirbi sa kanya hanggan waya aban.

Diyuturunumiyu 21:3

Bag-u ti manga manugpamahala sa tunda pag banwa bumuul tarnida baka balaw waya gid ginamit pantarabahu ngatay pan-aradu.

Diyuturunumiyu 21:5

Kailangan sumiyun diman ti manga manughandug Balay Diyus pag manga lahi ni Libi, dahil pinili sida Panginuun niyu Diyus sumirbi ag pumakaun basbas sa ngaran Panginuun, bag-u maghusay sa tanan kasaba.

Diyuturunumiyu 31:9

Isinurat ni Muysis inda pag manga sugu ag ipinakaun sa manga manughandug Balay Diyus manga lahi ni Libi, ti tagadara Kaban Kasunduan Panginuun, hanggan sa tanan takinan Israil.