Diyuturunumiyu 10:14 - Hanunuu

¹⁴ “Sa Panginuun niyu Diyus ti kalangitan, una ti pinakaabwat pag langit, hanggan ti kalibutan ag ti tanan siyun.

Diyuturunumiyu 10:14 Iomraidhean Croise

Gimpuunan 14:19

Pinapaladan niya si Abram magkun: “Abram, mana papaladan kawu Diyus Makamaskihan sa tanan ti naglalang langit ag daga.

Gimpuunan 14:22

Dapat magkun si Abram sa hari Suduma, “Magsumpa aku sa atubangan Panginuun, ti Diyus Makamaskihan sa tanan, ti naglalang langit ag daga,

1 Hari 8:27

“Diyus, makaulian gid aw waydi kawu sitay sa kalibutan? Unman ngani kawu magkang-ud sa langit, una sa pinakaabwat pag bahagi langit, sitay aw waya sa kang ipinatindug pag Balay Diyus?

2 Krunika 6:18

“Dapat makaulian gid aw ngani duy kawu, Diyus, sitay sa kalibutan kaibahan manga tawu? Unman ngani kawu magkang-ud una sa pinakaabwat pag langit, sitay aw waya nguna sa ipinatindug niku pag Balay Diyus?

Nihimyas 9:6

Kawu ti Panginuun. Binwat nimu ti kalangitan, ti daga, ti dagat hanggan ti tanan asan sa kanda. Pagpakan-an nimu buhi ti tanan nimu linalang ag pagsambahun kawu manga anghil sa langit.

Hub 41:11

Si unu ti makasabi kuntay may utang ililsan aku sa kanya? Ti tanan sitay sa kalibutan kangku.

Kanta 115:16

Ti kalangitan sa Panginuun, dapat ti kalibutan iinintirga niya sa manga tawu.

Kanta 148:4

Dayawun niyu siya, pinakaabwat pag langit ag danum sa kalayawan.

Kanta 24:1

Ti buu kalibutan hanggan ti tanan atay Panginuun ti may apu.

Kanta 50:12

Nu lun-usun aku balaw niku kamu hagadan karan-unun, dahil kangku ti kalibutan ag ti tanan asan.

Kanta 68:33

masakyan sa kalangitan asan yi sa kabag-u di waya. Patingihi niyu kay magkurarug pag busis.

Pag-ighit 19:5

Nu lubus niyu aku sundun ag tupadun kang kasunduan, piliun niku kamu sa tanan pag nasyun. Buwatun niku kamu kang mahalaga pag manga nasakupan. Kangku ti buu kalibutan,

Pag-ighit 9:29

Sinmagut si Muysis, “Nu nakalwas yi aku banwa, ipaabwat niku kang kamang ag mandarangin sa Panginuun. Bag-u umapas ti linti hanggan kilat, ag unman yi umuran yilu, hampay maalaman nimu Panginuun ti may apu kalibutan.

Isayas 66:1

Inda ti pagsabihun Panginuun, “Ti langit kang tukawan hari, ag ti daga kang tarat-an lulud. Nakan hintay pag kalasi balay ti ipatindug niyu para sa kangku? Naan niyu aku pag-ipahari pag rugar?

Binwat 17:24

Diyus ti naglalang sa daga hanggan sa tanan-tanan bagay sa babaw daga. Siya yi tig hari sa langit una sa daga, nakan unman siya nangulian sa manga balay simbahan binwat tawu kamang.

1 Kurintu 10:26

Dahil inda pag daga kasiyunan Panginuun hanggan tanan-tanan bagay sitay sa babaw daga kanya diman.

1 Kurintu 10:28

Dapat nu may magsabi sa kanyu, “Inda pag karan-unun ihinandug sa diyus-diyusan,” danga maggaraw duy magkaun, barang ngap patalangun nita ti nagban-aw, hampay balaw maghantup bagay kasalanan.

2 Kurintu 12:2

May kilala aku usa ka tawu napasakup sa kan Kiristu. Dinara siya atabug sa ikatlu pag langit, sampulu yi may upat ka timpu ti nakalawuy taynguna tugka. Unman lang niku mapihu nu ngatay ipinakakit Panginuun tunda aw ngatay tutuu tunda nangyari sa kanya. Diyus lang ti makaalam.

Diyuturunumiyu 10:13

ag pagtupad sa kay manga sugu hanggan manga surundanun ti pag-ipakaun niku sa kanyu taynguna pag sirang hampay sa kanyu ikaayad.

Diyuturunumiyu 33:26

Unman may kaparihu ti Diyus Israil. Masakyan siya sa manga rurum hampay awatan kamu. Sa kay kamaskihan magpaburayhaw siya sa kalangitan.