Diyuturunumiyu 10:12 - Hanunuu

¹² “Bag-u taynguna, nasakupan Israil, ti paghilingun lang sa kanyu Panginuun niyu Diyus paggalang kamu sa kanya, pagpangabuhi angay sa kay manga kagustuhan, mahala siya, pagsirbi sa kanya sa buu niyu tagipusuun hanggan karadwa,

Diyuturunumiyu 10:12 Iomraidhean Croise

1 Hari 3:3

Ipinakakit ni Sulumun kay pagmahal sa Panginuun sa panab-anan pagtupad sa manga surundanun ibinilin niya ama ni Dabid. Dapat ay maghandug diman siya manga handug hanggan magtuub manga kamangyan sa manga simbahan sa abwat pag manga rugar.

2 Hari 10:31

Dapat unman nagtupad si Hihu sa kasuguan Panginuun, ti Diyus Israil, sa buu niya tagipusuun. Ag kay sinunud ti manga kasalanan ni Hirubuam, imaw ti pinun-an kasalanan manga taga Israil.

2 Hari 18:3

Mayad kay binuwat ni Isikyas sa magbantay Panginuun, parihu sa binuwat niya ginurang ni Dabid.

2 Hari 18:6

Matinupadun gid siya sa Panginuun, ag unman gid nag-apas sa pagsunud sa kanya. Ag sinunud niya ti ipinakaun Panginuun sa kan Muysis pag manga sugu.

1 Krunika 28:9

“Ag kawu, Sulumun anak niku, kilalan-a ag sirbihi ti Diyus ga kanmu ama sa buu nimu tagipusuun ag kaisipan, dahil mag-akitan Panginuun ti kada tagipusuun ag alam niya kanta gayak ag pag-isipun. Nu magdangup kawu sa kanya, awatan kawu niya; dapat nu mamugya kawu sa kanya, dayuun kawu niya tugka aban.

2 Krunika 15:12

Nagbuwat sida kasunduan kuntay mandangup sida sa Panginuun, ti Diyus nida manga ginurang, sa buu nida tagipusuun ag karadwa.

Hub 36:11

Nu sumunud sida ag sumirbi sa kanya, mabuhi sida abunda ag masulung sa buu nida buhi.

Kanta 119:2

Mapalad ti manga tawu magsunud sa manga kasuguan Diyus, magsunud sa kanya sa kanda buu tagipusuun.

Kanta 128:1

Mapalad kamu pag manga maggalang sa Panginuun, magkabuhi sa kay manga sugu.

Kanta 145:20

Pagbantayan nimu ti tanan magmahal sa kanmu, dapat ti tanan pag daut rurisun nimu.

Kanta 18:1

Pagmahalun niku kawu, Panginuun. Kawu kang kabisugan.

Kanta 34:9

Igalang niyu ti Panginuun, kamu kay matinupadun pag nasakupan. Dahil ti manga maggalang sa kanya balaw gid kurangun sa tanan pangangailangan.

Kanta 81:13

Nu magpatingi lang mana kamu ag magsunud sa kang manga kagustuhan,

Kanta 81:14

rargu parusahan ag taluhun niku kanyu manga kalaban.

Pag-ighit 23:25

Sambaha niyu aku, ti Panginuun niyu Diyus, ag pakan-an niku kamu abunda pag karan-unun ag danum. Paayadun niku kanyu mag-asaydan,

Manugtudlu 12:13

Taynguna nabasa nimu inda tanan, inda kang uryan patigayun: Paggalang kawu sa Diyus ag sunda kay manga sugu, dahil imaw inda ti katungkulan kada tawu.

Isikil 11:20

Tupadun yi niyu kang manga sugu ag manga surundanun. Bumaliw nasakupan niku kamu, ag aku bumaliw kanyu Diyus.

Mikas 6:8

Sinmagut si Mikas: “Tinudluan yi kita Panginuun nu hintay ti mayad. Inda ti gustu niya buwatun nita: Buwatun nita ti matadlung, palabihun nita ti maawaun sa iba ag pagmapinakumbabaun kita sa pagsunud sa kanta Diyus.”

Sipanyas 3:9

Pagkatapus, bag-uhun niku ti manga tawu, hampay magpakarani sida tanan sa kangku ag magkarausa mansirbi sa kangku.

Matiyu 22:37

Sinmagut si Hisus, “Ilubus nimu kanmu tagipusuun, kanmu karadwa hanggan kanmu pag-iisip sa kanmu pagmahal sa kanmu Panginuun Diyus.

Lukas 10:27

Sinmagut siya magkun, “Ilubus nimu kanmu tagipusuun, kanmu karadwa, kanmu kabisugan hanggan kanmu pag-iisip sa kanmu pagmahal sa kanmu Panginuun Diyus. Mahala nimu kanmu kaparihu tawu ga kanmu diman pagmahal sa kanmu sadili.”

Lukas 11:42

“Dapat anung kaawaawa kamu pag manga Parisiyu, dahil kamu magpakaun ikasampulu manga pamanglu sa upi hanggan tanan manga urupiun, dapat kanyu kinalimtan ngap ti katadlungan hanggan ti pagmahal sa Diyus. Kailangan kanyu tupadun ti katadlungan hanggan ti pagmahal sa Diyus, dapat danga waydi paglimti ti manga ikasampulu, pagpakaun di.

Binwat 9:31

Nakan ngani may kahusayan maan dapu ti iglisya sa buu daga Hudiya, sa Galiliya hanggan sa Samarya. Pinarig-un Ispiritu Banal ti iglisya. Nagyamu ti manga nagsarig sa kan Hisus. Mag-ugali sida maggalang sa Panginuun.

Ruma 1:9

Pirmi diman kamu kang pag-idarangin. Inda alam di gid Diyus imaw kang pagsirbihan buu niku tagipusuun sa kang magtudlu sa Mayad pag Barita tungkul sa kay Anak.

Ruma 8:28

Alam nita sa tanan manga bagay ti Diyus minsan magbuwat sa manga magmahal sa kanya sa kanda ikaayad. Dahil sida pinili niya angay sa kay turunu.

Diyuturunumiyu 10:11

Nagbagaw siya sa kangku, ‘Lakaw yi, panguluhi ti manga Israilita sa pagsulud ag pag-apu sa daga kang itinaratu iayaw sa kanyu manga ginurang.’

Diyuturunumiyu 10:13

ag pagtupad sa kay manga sugu hanggan manga surundanun ti pag-ipakaun niku sa kanyu taynguna pag sirang hampay sa kanyu ikaayad.

Diyuturunumiyu 11:1

“Mahala niyu ti Panginuun niyu Diyus ag tupada kay manga sugu ag surundanun, hanggan palakaw ag kasuguan.

Diyuturunumiyu 11:13

“Nakan nu tupadun lang niyu pirmi ti pag-ipakaun niku pag manga sugu sa kanyu kainda kuntay mahalun niyu ti Panginuun niyu Diyus ag sirbihan niyu buu tagipusuun ag buu karadwa,

Diyuturunumiyu 26:16

“Pagsuguun kamu kainda Panginuun niyu Diyus tupada niyu ti tanan pag sugu hanggan surundanun. Sunda gid niyu inda kaayad sa buu niyu tagipusuun ag karadwa.

Diyuturunumiyu 27:10

Sunda niyu ti Panginuun niyu Diyus ag tupada ti tanan niya manga sugu hanggan surundanun kang pag-ipakaun sa kanyu taynguna.”

Diyuturunumiyu 30:16

Pagsuguun niku kamu kainda mahala niyu ti Panginuun niyu Diyus, pagpangabuhi kamu angay sa kay manga palakaw, ag pagsunud sa kay manga sugu hanggan surundanun. Nu buwatun niyu inda, mangabuhi kamu dugay ag yumamu, bag-u papaladan kamu Panginuun niyu Diyus ati sa ulianan ag apuun niyu pag daga.

Diyuturunumiyu 30:20

Mahala niyu ti Panginuun niyu Diyus. Sunda niyu siya ag pagsa kanya di gid kamu, dahil siya kanyu buhi. Nu buwatun niyu inda, mabuhi kamu dugay ati sa daga kay itinaratu iayaw sa kanyu manga ginurang sa kanda ni Abraham, ni Isaak ag ni Hakub.”

Diyuturunumiyu 4:29

Dapat nu ligawun niyu ti Panginuun niyu Diyus, makitan niyu siya, basta hanapun niyu siya buu tagipusuun.

Diyuturunumiyu 5:29

Mana pag magsunud pirmi sida sa kangku ag magtupad sa kang manga sugu hampay mayad ti kahamtangan nida hanggan nida manga sinulput hanggan waya aban.

Diyuturunumiyu 5:33

Pagkabuhi kamu angay sa sugu Panginuun niyu Diyus sa kanyu hampay mabuhi kamu dugay ag abunda ati sa manahun niyu pag daga.”

Diyuturunumiyu 6:13

“Galanga niyu ti Panginuun niyu Diyus; siya lang gid kanyu sirbihan ag pagtaratu kamu sa kay lang ngaran.

Diyuturunumiyu 6:2

hampay kamu hanggan kanyu manga anak ag manga kaumputan maggalang sa Panginuun niyu Diyus tugka buhi waya kamu. Nu sundun niyu ti tanan niya manga sugu hanggan surundanun ti ipinakaun niku sa kanyu, mabuhi gid kamu dugay.

Diyuturunumiyu 6:24

Sinugu kami Panginuun kuntay sundun nimi inda ti tanan manga surundanun ag paggalang sa kanya sa kanta Diyus, hampay pirmi kami abunda ag mabuhi dugay parihu sa magpangyari kainda.

Diyuturunumiyu 6:5

Mahala niyu buu tagipusuun ti Panginuun niyu Diyus, buu karadwa ag buu niyu kabisugan.

1 Timutiyu 1:5

Kailangan katida kanmu bilinan sida hampay may pagmahal sida ginan sa kanda malumpiyu pag tagipusuun ag ginan sa naisipan nu udyi may pag-alalahanun kasalanan, hanggan ginan sa kanda pagsarig balaw magpabalhinguun.

Hibriyu 12:28

Nakan pagpasalamat gid kita dahil dayu gid matandug ti kaharian kanta tinanggap sa Diyus. Pagsamba kita sa Diyus, pagdahan kita paggalang hampay pagbayaun niya kita.

Huswi 22:5

Dapat danga gid niyu pagkalimti tupadun ti manga sugu ag manga tudlu ipinakaun sa kanyu ni Muysis imaw ti manugsirbi Panginuun. Mahala niyu ti Panginuun niyu Diyus, pagpangabuhi kamu angay sa kay kagustuhan, tupada kay manga sugu, pagmarig-un sa kanya, ag sirbihi niyu siya buu tagipusuun hanggan karadwa.”

Huswi 24:14

Nakan magkun si Huswi, “Galanga niyu ti Panginuun ag sirbihi may katapatan. Bugyahi yi niyu ti manga diyus pagsambahun kaybi niyu manga ginurang sa baliw dipay Sapa Iyupratis ag sa Ihiptu, bag-u pagsirbi kamu sa Panginuun.

1 Huwan 2:15

Danga pagmayada ti ugali kalibutan. Danga pagkaibgi niyu ti manga bagay sa kalibutan. Una hintay tigmahal sa ugali kalibutan, unman mahimu magmahal waydi sa Ama.

1 Huwan 5:5

Ti tawu tigsarig kuntay si Hisus yi ngani ti Anak Diyus tunda lang waydi pag tawu ti magpanalu sa ugali kalibutan.

1 Samwil 12:20

Sinabi ni Samwil sa manga tawu magkun, “Danga kamu magkadala, tutuu yi gid inda kanyu binwat pag kadautan. Dapat kamu danga magbul-iw sa Panginuun. Ilubus niyu kanyu buu tagipusuun sa kanyu pagsirbi sa kanya.