Diyuturunumiyu 1:8 - Hanunuu

⁸ Bantayi niyu! Pag-iayaw niku inda pag daga sa kanyu. Paglakaw yi kamu bag-u apua yi tunda pag daga ti itinaratu niku sa kanyu manga ginurang, sa kanda ni Abraham, ni Isaak, hanggan ni Hakub, tugka waya sa kanda manga sinulput.’ ”

Diyuturunumiyu 1:8 Iomraidhean Croise

Gimpuunan 12:7

Bag-u napakakit ti Panginuun sa kan Abram ag magkun, “Inda pag daga ipakaun niku sa kanmu manga linahi.” Nakan nagbuwat harandugan si Abram para sa Panginuun imaw ti napakakit sa kanya.

Gimpuunan 15:16

Lumawuy dap ti upat ka sinulput bag-u di makabalik sitay kanmu manga linahi, dahil udwaya kang-ud ti kasalanan manga Amuriyu para parusahan sida ag palayasun sa inda pag daga.”

Gimpuunan 15:18

Sa tunda diman pag sirang, nagbuwat kasunduan ti Panginuun sa kan Abram. Magkun siya, “Ipakaun niku sa kanmu manga linahi inda pag daga ginan sa may sapa katugkaan Ihiptu tugka sa may daka sapa Iyupratis.

Nihimyas 9:15

Pagka linun-us sida, pinakan-an nimu sida karan-unun ginan sa langit, pagka inuwaw, pinainum nimu danum ginan sa batu. Sinabihan nimu sida sulda ag apuun ti daga kanmu itinaratu kuntay ipakaun nimu sa kanda.

Pag-ighit 23:31

“Pagpihuun niku ti katugkaan daga niyu umumpisa sa Dagat Marara tugka sa Dagat Miditiranyu, ag ginan sa pangawakawaan sa salatan tugka sa Sapa Iyupratis. Ipatalu niku sa kanyu ti manga magpangulian sa tunda pag daga, ag tabugun niyu sida.

Pag-ighit 33:1

Magkun ti Panginuun sa kan Muysis, “Pag-ighit yi kawu sitay pag rugar kaibahan ti ipinalwas nimu pag manga nasakupan ginan sa Ihiptu, pag-ati kamu sa kang itinaratu pag daga sa kanda ni Abraham, ni Isaak ag ni Hakub. Magkun aku sa kanda kaybi ipakaun niku inda pag daga sa kanda linahi.

Hirimyas 32:22

Ipinakaun duy nimu sa kanda ti marinu ag abunda pag daga imaw kanmu itinaratu ipakaun sa kanda manga ginurang.

Isikil 47:14

Kailangan pari-parihu kanyu paghuray sa daga, dahil nagsumpa aku sa kanyu manga ginurang ipakaun niku inda sa kanda ag manahun niyu.

Bilang 32:11

‘Dahil unman sida nagsunud sa kang kagustuhan, unman gid una di usa sa kanda ti ginan sa Ihiptu may idad 20 ginan ka timpu paabwat ti makakit sa itinaratu niku pag daga sa kan Abraham, sa kan Isaak, hanggan sa kan Hakub

Diyuturunumiyu 1:11

Mana ti Panginuun, ti Diyus niyu manga ginurang, ti higit waya pumayamu sa kanyu linibu ka ulit ag papaladan niya kamu angay sa kay itinaratu.

Diyuturunumiyu 10:11

Nagbagaw siya sa kangku, ‘Lakaw yi, panguluhi ti manga Israilita sa pagsulud ag pag-apu sa daga kang itinaratu iayaw sa kanyu manga ginurang.’

Diyuturunumiyu 11:24

Ti tanan matat-an niyu pag daga kanyu yi: ginan sa pangawakawaan atabug sa Libanun, bag-u ginan sa Sapa Iyupratis tugka sa Dagat Miditiranyu.

Diyuturunumiyu 11:9

Nu sumunud kamu, mabuhi kamu dugay ati sa marinu ag abunda pag daga, ti itinaratu Panginuun ipakaun sa kanyu manga ginurang hanggan sa kanda manga sinulput.

Diyuturunumiyu 2:29

parihu sa binwat manga linahi ni Isaw magpangulian sa Siir hanggan manga Muabita magpangulian sa Ar. Pasnui niyu kami tugka sa makadipay kami sa Sapa Hurdan atabug sa daga pag-iayaw Panginuun nimi Diyus sa kanmi.’

Diyuturunumiyu 26:15

Bantayi nimu kami ginan sa kanmu banal pag ulian sa langit, ag papaladan nimu kanmu nasakupan manga Israilita hanggan ti marinu ag abunda pag daga kanmu ipinakaun sa kanmi angay sa kanmu itinaratu sa kanmi manga ginurang.’

Diyuturunumiyu 26:3

Pag-atag kamu sa manughandug Balay Diyus magsirbi sa tunda pag udas ag pagsabi sa kanya, ‘Sa panab-anan inda pag handug, pagkilalan-un niku kainda pag sirang kuntay ti Panginuun nita Diyus imaw ti nagdara sa kangku sa inda pag daga kay itinaratu sa kanta manga ginurang iayaw sa kanta.’

Diyuturunumiyu 28:11

Papaladan kamu Panginuun ati sa itinaratu niya pag daga sa kanyu manga ginurang kay iayaw sa kanyu. Payamuun niya kanyu manga anak, kanyu manga hayup hanggan kanyu manga patubas.

Diyuturunumiyu 29:12

Tinmindug kamu sitaay hampay manupad kasunduan sa Panginuun niyu Diyus. Nagsumpa ti Panginuun sa inda pag kasunduan kay binuwat sa kanyu taynguna pag sirang,

Diyuturunumiyu 30:20

Mahala niyu ti Panginuun niyu Diyus. Sunda niyu siya ag pagsa kanya di gid kamu, dahil siya kanyu buhi. Nu buwatun niyu inda, mabuhi kamu dugay ati sa daga kay itinaratu iayaw sa kanyu manga ginurang sa kanda ni Abraham, ni Isaak ag ni Hakub.”

Diyuturunumiyu 31:7

Bag-u tinawagan ni Muysis si Huswi ag sinabihan sa atubangan tanan Israilita, “Pagpakarig-un kawu ag pag matutum, dahil kawu ti pumangulu sa inda pag manga tawu atabug sa daga itinaratu Panginuun iayaw sa kanda ginurang. Kailangan hurayun nimu inda sa kanda bilang mana nida.

Diyuturunumiyu 34:4

Bag-u nagsabi ti Panginuun sa kan Muysis, “Tunda ngani pag daga ti itinaratu niku sa kan Abraham, sa kan Isaak, hanggan sa kan Hakub, bag-u sinabi niku kang iayaw inda sa kanda manga linahi. Ipinakakit niku inda sa kanmu, dapat balaw kawu makaati.”

Diyuturunumiyu 4:1

Bag-u magkun si Muysis sa manga Israilita, “Patingihi niyu kaayad ti pag itudlu niku sa kanyu pag manga sugu hanggan surundanun. Sunda niyu inda hampay mabuhi kamu ag makapangulian sa pag-ipakaun Panginuun pag daga sa kanyu, ti Diyus niyu manga ginurang.

Diyuturunumiyu 6:10

“Darahun yi kamu Panginuun niyu Diyus atabug sa daga kay itinaratu iayaw sa kanyu manga ginurang sa kanda ni Abraham, ni Isaak ag ni Hakub. Inda pag daga may daraka ag abunda pag manga banwa balaw kamu ti nagpatindug.

Diyuturunumiyu 7:12

Nu tupadun ag sundun niyu mayad inda pag manga sugu, tupadun diman waydi Panginuun niyu Diyus kay kasunduan kuntay mahalun niya kamu, angay sa kay itinaratu sa kanyu manga ginurang.

Diyuturunumiyu 7:13

Mahalun ngani niya kamu, papaladan ag payamuun. Pakan-an niya kamu mayamu pag manga anak, paabundahun kanyu manga ani sa kanyu daga: kanyu manga tirigu, irinmun ubas hanggan lana ulibu. Payamuun niya kanyu manga hayup ati sa kay itinaratu pag daga iayaw sa kanyu manga ginurang hanggan diman sa kanyu.

Diyuturunumiyu 7:8

Pinili niya kamu dahil sa kay pagmahal sa kanyu ag pagtupadun niya kay itinaratu sa kanyu manga ginurang. Nakan ngani ipinaluwas niya kamu sa Ihiptu sa panab-anan niya kamaskihan, ag binawi sa pagkapanawuhun sa hari Ihiptu.

Diyuturunumiyu 8:1

“Sunda gid niyu ti tanan pag-ipakaun niku pag sugu sa kanyu kainda, hampay parargu kamu mabuhi dugay ag yumamu, ag makapangulian sa itinaratu Panginuun pag daga kay iayaw sa kanyu manga ginurang.

Diyuturunumiyu 9:5

Apuun niyu kanda daga balaw dahil sa matadlung kamu ngatay mayad kamu pag manga tawu nu unman dahil daut sida, ag hampay matupad Panginuun kay itinaratu sa kanyu manga ginurang sa kanda ni Abraham, ni Isaak, ag ni Hakub.

Hibriyu 6:13

Sa kay nanaratu ti Diyus sa kan Abraham, nagsumpa siya sinampit niya kay sadili ngaran, dahil udyi may iba sampitun makamaskihan nu unman siya lang.

Hibriyu 6:14

Magkun siya, “Tutuu gid papaladan niku kawu ag payamuun kanmu linahi aban.”

Huswi 1:6

Pagpakarig-un ag pagmatutum kawu, dahil kawu ti pumanguna sa inda pag nasakupan sa pagsakup sa daga kang itinaratu ipakaun sa kanda manga ginurang.

Talaghusay 2:1

Nag-atag ti anghil Panginuun sa Bukim ginan sa Gilgal. Ag magkun siya sa manga Israilita, “Ilinwas niku kamu sa Ihiptu ag dinara sa daga kang itinaratu sa kanyu manga ginurang. Sinabi niku kaybi balaw niku dautun ti kasunduan niku sa kanyu.