Diyuturunumiyu 1:7 - Hanunuu

⁷ nakan ngani pag-ighit yi kamu. Pag-atag kamu sa kabantudan manga Amuriyu hanggan sa manga rugar sa kay kalibut — sa Karatagan Hurdan, sa manga kabantudan, sa tagudtud sa isalpan, sa Nigib hanggan sa manga rugar sa baybay dagat. Pag-atag kamu sa daga Kanaan hanggan sa Libanun, tugka sa daka Sapa Iyupratis.

Diyuturunumiyu 1:7 Iomraidhean Croise

Gimpuunan 12:9

Ud dinmugay, napahalin maan sida. Naparargu maan sida sa kanda lakaw atabug sa Nigib.

2 Samwil 8:3

Nanlaban diman si Dabid sa kan Hari Hadadisir taga Suba, kay anak ni Rihub, habang atabug si Hadadisir sa daga arani sa Sapa Iyupratis hampay bawiun tunda.

1 Krunika 18:3

Nanlaban diman si Dabid kan Hari Hadadisir taga Suba, tugka sa Hamat, pagka naglakaw si Hadadisir hampay sakupun ti manga daga arani sa Sapa Iyupratis.

1 Krunika 27:29

Si Sitray taga Sarun imaw ti magpamahala sa manga baka magharab sa paraharaban sa Sarun. Si Sapat anak ni Adlay imaw ti magpamahala sa manga baka sa manga karatagan.

1 Krunika 5:9

Ag dahil nagyamu kanda hayup ati sa Gilyad, nangulian sida tugka sa butlakan, sa saruy pangawakawaan atabug sa Sapa Iyupratis.

Pag-ighit 23:31

“Pagpihuun niku ti katugkaan daga niyu umumpisa sa Dagat Marara tugka sa Dagat Miditiranyu, ag ginan sa pangawakawaan sa salatan tugka sa Sapa Iyupratis. Ipatalu niku sa kanyu ti manga magpangulian sa tunda pag daga, ag tabugun niyu sida.

Amus 2:9

Dapat kang binwat para sa kanda sa manga taga Israil, rinuris niku ti manga Amuriyu una parihu sida sa puun kayu sidru kay abwat ag mapag-un ga puun kayu insina. Rinuris niku sida tanan tugka sa unman may nasawad buhi.

Bilang 10:12

Nighit ti manga Israilita sa pangawakawaan Sinai ag naparargu kanda lakaw tugka sa nagpat-ung ti rurum sa Paran pag pangawakawaan.

Diyuturunumiyu 1:19

“Angay sa pag-isugu Panginuun nita Diyus, nighit kita ginan sa Bantud Sinai, bag-u naglakaw sa maluang ag madala pag pangawakawaan kanyu gid nakitan, bag-u inmatag kita sa kabantudan manga Amuriyu. Pagras-ug nita sa Kadis Barnia,

Diyuturunumiyu 11:11

Dapat ti maapu niyu pag daga may manga bantud ag manga ratag pirmi magkauranan.

Diyuturunumiyu 11:24

Ti tanan matat-an niyu pag daga kanyu yi: ginan sa pangawakawaan atabug sa Libanun, bag-u ginan sa Sapa Iyupratis tugka sa Dagat Miditiranyu.

Huswi 1:4

Inda kanyu katugkaan ulian: ginan sa pangawakawaan sa salatan tugka sa kabantudan Libanun sa kanaway, ag ginan sa daka Sapa Iyupratis sa butlakan tugka sa Dagat Miditiranyu sa isalpan, hanggan ti daga manga Hitiyu.

Huswi 10:40

Nakan nasakup ni Huswi ti buu daga — ti manga kabantudan, ti Nigib, ti manga tagudtud sa isalpan, hanggan sa lawud pag manga kabantudan, kaibahan kanda manga hari. Rinuris nida ti tanan mag-uli ati, ag unman gid may nasawad buhi. Binwat nida inda angay sa sugu Panginuun, ti Diyus Israil.

Huswi 24:15

Dapat nu dayu kamu manirbi sa Panginuun, mamili kamu taynguna pag sirang nu si unu kanyu sirbihan. Manirbi aw lugud kamu sa manga diyus pag sirbihan niyu manga ginurang sa baliw dipay Sapa Iyupratis, ngatay sa manga diyus manga Amuriyu kanda daga taynguna kanyu pag-ulian. Dapat aku inda hanggan kang magtal-anakan mansirbi sa Panginuun.”

Huswi 9:1

Taynguna, nasaydan tanan hari sa isalpan Hurdan ti pagpanalu manga Israilita. (Inda imaw ti manga hari manga Hitiyu, Amuriyu, Kananiyu, Pirisiyu, Hibiyu, ag manga Hibusiyu.) Mag-uli sida sa manga kabantudan, sa manga tagudtud sa isalpan, ag sa baybay Dagat Miditiranyu tugka sa Libanun.

Ipinakakit 9:14

Magkun siya sa ikan-um pag anghil may budyung, “Palpasi yi nimu ti upat ka anghil magapusan sa pangpang daka pag sapa Iyupratis.”