Diyuturunumiyu 1:33 - Hanunuu

³³ ti manuggiya sa kanyu maglakaw sa panab-anan apuy nu yabi bag-u rurum nu sirang. Hinanapan niya kamu manga rugar kampuhan bag-u itinudlu sa kanyu nu naan kamu pag lumakaw.

Diyuturunumiyu 1:33 Iomraidhean Croise

Nihimyas 9:12

Sa sirang, pag giyahan nimu kanmu nasakupan sa panab-anan rurum ga tulduk, ag nu yabi sa panab-anan apuy ga tulduk, hampay pakan-an rayaw sa kanda paglakawan.

Kanta 105:39

Pagka naglakaw yi ti manga Israilita, nagpauli ti Diyus rurum maghamuy sa kanda ag apuy pagpakaun rayaw sa kanda sa yabi.

Kanta 77:20

Sa panab-anan ni Muysis ag ni Aarun giniyahan nimu kanmu nasakupan parihu sa manga karanidu.

Kanta 78:14

Nu sirang, paggiyahan niya sida sa panab-anan rurum, ag nu yabi, sa panab-anan rayaw apuy.

Pag-ighit 14:24

Dapat igu magkasurip yi, binantayan Panginuun ti manga sundalu taga Ihiptu ginan sa rurum ga tulduk ag apuy ga tulduk, bag-u ipinabuyu niya sida.

Hirimyas 31:2

Aku, ti Panginuun, magsabi alagaan niku ti manga nasawad buhi sa kanda habang magbaklay sida sa pangawakawaan. Bumalik aku hampay pakan-an paraharyan ti Israil.”

Isikil 20:6

Ati katpung nagsumpa aku ipalwas niku sida sa Ihiptu ag darahun sa pinili niku pag daga para sa kanda — usa ka marinu ag abunda pag daga, ti pinakamarinu pag daga sa tanan.

Sakaryas 2:5

Magkun ti Panginuun siya gid ngap ti bumaliw apuy pag alad sa palibut banwa Hirusalim, ag siya diman ti bumaliw kapangyarihan sa inda pag banwa.”

Bilang 10:33

Nakan nighit ngani sida ginan sa bantud Panginuun, naglakaw sa sulud tulu ka sirang. Mag-una sa kanda ti Kaban Kasunduan hampay manhanap rugar kanda mapaharyan.

Bilang 14:14

Nu rurisun nimu kanmu nasakupan, itultul inda manga taga Ihiptu sa manga mag-uli sa Kanaan. Nadnugan yi manga Kananiyu kawu, Panginuun mag-iba sa manga Israilita, ag magpakakit sa kanda sa panab-anan rurum maggiya sa kanda. Pagpangunahan nimu sida nu sirang sa panab-anan rurum ga tulduk, ag nu yabi sa panab-anan apuy ga tulduk.