Diyuturunumiyu 1:17 - Hanunuu

¹⁷ Kailangan unman kamu may baliwahan sa kanyu magsintinsiya; parihu niyu patingihan ti manga makuri hanggan ti mayaman. Danga kamu magkadala una sa kantapu, dahil ginan di sa Diyus ti manga pasya niyu pagbuwatun. Nu makuri sa kanyu ti kasu, daran-a niyu sa kangku bag-u aku yi ti bahala sumintinsiya.’

Diyuturunumiyu 1:17 Iomraidhean Croise

Gimpuunan 18:25

Bilang ga unman nimu mahimu mabwat tunda rurisun ti manga matadlung kaibahan manga makasalanan. Balaw mahimu parihu kanmu magpakiusa sa kanda. Kawu ti magsintinsiya sa buu kalibutan, kabay mana buwatun nimu nu hintay ti mayad?”

2 Samwil 14:14

Mamatay kita tanan; bumaliw kita parihu sa danum nauyang sa daga ag balaw yi mahimu mab-ul. Dapat balaw lang basta-basta pagbul-un Diyus ti buhi tawu, pagsikapun niya makabalik ti manga tawu nikarayu sa kanya.

2 Krunika 19:5

Nagpauli siya manga manughusay sa kada may alad batu pag banwa sa Huda.

2 Krunika 19:6

Magkun siya sa kanda, “Pag-isip dapu kamu kaayad bag-u kamu magpihu dahil balaw kamu mamihu para sa tawu nu unman para sa Panginuun, imaw siya ti asan-sakanyu sa kada kamu mamakaun pagpihu.

Hub 31:34

Balaw aku namat-ungan lang aw ngatay nagpatagu dahil sa magkadala nu hintay ti pagsabihun manga tawu.

Kanta 82:2

Magkun siya, “Tugka waya lugud kapira kamu manhusay balaw matadlung? Tugka waya lugud kapira niyu pag paangayan ti manga daut?

Pag-ighit 18:18

Subra nimu pagpakurianan kanmu sadili hanggan ti manga tawu. Mabuyat inda para sa kanmu; unman nimu inda mabuwat kawu lang usa.

Pag-ighit 18:22

Manirbi sida bilang manga manughusay sa tanan pag udas. Sida ti maghusay sa maragaan pag kasu, dapat daran-un nida sa kanmu ti marabuyat pag kasu. Sa kainda pag palakaw, gumaan ti buruwatun nimu dahil maawatan kawu nida.

Pag-ighit 18:26

Nagsirbi sida sa manga tawu bilang manga manughusay sa tanan pag udas. Sida ti maghusay sa maragaan pag kasu, dapat nu marabuyat pagdaran-un nida inda sa kan Muysis.

Kabagawan 18:5

Balaw mayad tigkampi sa nagkasala ag ti unman pag-ayaw katadlungan sa unman may kasalanan.

Kabagawan 24:23

Inda waya gid ti iba ka manga kabagawan madunung pag tawu: Balaw mayad ti may pagpiliun sa pagpihu sa katadlungan.

Kabagawan 28:21

Balaw mayad nu may pagkilingan kawu. Dapat may manga tawu magbuwat inda dahil magkadara sida sa suhul, una diit lang inda.

Kabagawan 29:25

Mahawag nu madalain kita. Dapat nu magsarig lang kita sa Panginuun, balaw gid kita maunu.

Hirimyas 1:17

Hirimyas, ialistu nimu kanmu sadili. Pag-ati kawu, sabihun nimu sa kanda ti tanan niku pagsabihun sa kanmu. Danga kawu magkadala sa kanda. Dahil nu kawu madala, lalu kawu kang padalaun sa atubangan nida.

Libitiku 19:15

Kailangan hustu ag matadlung kanyu maghusay; danga niyu pagkampihi ti mayaman ngatay ti pugri.

Malakyas 2:9

Nakan pinahintulutan niku puyaan kamu ag pakay-ahun tanan tawu dahil unman niyu sinunud kang manga palakaw ag may pagkilingan waya kamu sa kanyu manga magtudlu.”

Matiyu 22:16

Nakan sinugu nida kanda manga tuludluan hanggan manga napakampi sa kan Hirudis, sinabi nida sa kan Hisus, “Maisturu, alam nimi kawu matinupadun. Pag-itudlu nimu ti buu katutuuhanan hampay tupadun manga tawu ti kagustuhan Diyus. Unman kawu magkadala una sa kantapu pag tawu, dahil kawu balaw may pag-apihun.

Markus 12:14

Nag-ati sida sa kan Hisus bag-u kanda sinabi sa kanya, “Maisturu, alam nimi kawu matinupadun. Unman kawu magkadala una sa kantapu pag tawu dahil kawu balaw may pag-apihun. Alam nimi pag-itudlu nimu ti buu katutuuhanan hampay pagtupadun manga tawu ti kagustuhan Diyus. Angay aw nguna sa Kasuguan Diyus nu bumuhis ti tawu sa Pangulu Hari aw ngatay unman? Ngatay kailangan mamuhis kami, aw ngatay unman?”

Lukas 20:21

Ipinaingana nida sa kanya, “Maisturu, alam nimi kanmu bagaw hanggan tudlu tama gid ag unman kawu may pag-apihun. Pag-itudlu nimu ti katutuuhanan hampay pagtupadun manga tawu ti kagustuhan Diyus.

Ruma 2:11

Dahil ti Diyus balaw may pag-apihun.

Ipisu 6:9

Kamu pag manga amu, pagpasunaid kamu sa kanyu manga panawuhun, danga waydi niyu pagpakapadalaa, dahil alam di niyu parihu lang waydi kamu panawuhun usa lang ka Panginuun sa langit, ud may pag-apihun sa kanyu tanan.

Diyuturunumiyu 10:17

Dahil ti Panginuun niyu Diyus imaw ti Diyus manga diyus ag ti Panginuun manga panginuun. Makamaskihan siya ag makadululaw pag Diyus. Unman siya may pagpalabihun angay sa kahamtangan tawu ag unman magtanggap suhul.

Diyuturunumiyu 16:19

Kailangan danga nida paglubaga ti matarung ag kailangan balaw sida may pagkampihan sa pagsintinsiya. Danga sida magtanggap suhul dahil ti suhul makabuta sa madunung hanggan sa matadlung, ag makapasalan sa kanda magpasya.

Diyuturunumiyu 24:17

“Pakan-an niyu matarung ti manga ilu hanggan ti manga balaw Israilita mag-ulian kaibahan niyu. Danga niyu pag bul-a ti kulimpay buranday babayi bilang pilinda sa kay utang.

Diyuturunumiyu 25:1

“Nangus may magtalaluhan duwa ka tawu ag dinara nida kanda kasaba sa talaghusay, ag sinabi manga manughusay nu si unu sa kanda duwa ti may kasalanan ag ti unman may kasalanan.

Kulusas 3:25

Ti makasalanan bay parusahan Diyus angay sa kanda manga kasalanan, dahil ti Diyus balaw may pag-apihun.

1 Tisalunika 2:4

Dahil pinili kami Diyus bag-u kay yi iinintirga sa kanmi ti Mayad pag Barita. Nakan ngani kami magpanudlu una abi balaw pagbayaun tawu basta kami pumakaun kabayaan sa Diyus, imaw tig-usisa sa kanta manga tagipusuun.

Santiyagu 2:9

Dapat nu kamu may pagpiliun tawu, kamu magkasala. Kay ibug sabihun kamu manga maglabag sa Kasuguan.

1 Pidru 1:17

Unman may pagpiliun ti Diyus. Pagpihuun niya ti kada tawu nu daut nu mayad angay sa kay binwat. Nakan paggalang kamu sa Diyus hanggan kamu sitay waya sa babaw daga. Dahil siya kanyu pag-ingarnan kanyu Ama.

1 Samwil 16:7

Dapat magkun ti Panginuun sa kan Samwil, “Danga kawu magbantay sa kay abwat ngatay sa kay rinu dahil balaw siya kang pinili. Kangku pag pamantay balaw parihu sa pamantay tawu. Ti tawu kay pagbantayan kay lang panluwas pag rinu, dapat aku sa tagipusuun di gid tawu pag magbantay.”

1 Samwil 2:25

Magkun waya gid si Ili, “Nu ti usa ka tawu magkasala laban sa kay kaparihu, mahimu ti Diyus di ti manab-anan sa kanda. Dapat nu ti usa ka tawu magbuwat kasalanan laban sa Panginuun, si unu waya ti manab-anan sa kanda?” Dapat madi katida kay tamyaw nida ama, unman diman naniwala sa kanya kay manga anak, dahil paggayakun yi Panginuun matyun sida.