Diyuturunumiyu 1:11 - Hanunuu

¹¹ Mana ti Panginuun, ti Diyus niyu manga ginurang, ti higit waya pumayamu sa kanyu linibu ka ulit ag papaladan niya kamu angay sa kay itinaratu.

Diyuturunumiyu 1:11 Iomraidhean Croise

Gimpuunan 15:5

Bag-u dinara siya Panginuun sa luwas ag magkun, “Bantayi nimu ti manga pamgasan sa langit; bilanga nu kaya nimu. Katunda diman kay kayamu kanmu linahi.”

Gimpuunan 26:4

Payamuun niku kanmu manga linahi ga pamgasan sa langit kay kayamu, ag ipakaun niku sa kanda inda tanan pag daga. Ag sa panab-anan nida, papaladan niku ti tanan tawu sa kalibutan.

Gimpuunan 49:25

Siya ti Makamaskihan pag Diyus niyu manga ginurang, ti mag-awat ag magpapalad sa kanmu. Papaladan niya kawu uran ag danum sa manga bulbugan. Ag pakan-an niya kawu mayamu pag anak hanggan hayup.

2 Samwil 24:3

Dapat nagsagut si Huab sa hari, “Mana payamuun Panginuun kanmu nasakupan may 100 ka dubli, ag makitan mana niyu inda. Dapat, Mahal Hari, hayga gustu nimu buwatun inda pag bagay?”

1 Krunika 21:3

Dapat nagsagut si Huab, “Mana payamuun Panginuun kanmu nasakupan may 100 ka dubli. Dapat, Mahal Hari, hayga gustu nimu buwatun inda pag bagay? Balaw aw lugud manga sakup nimu sida? Bati, hayga dalahigun nimu sida sa kanmu buwatun kasalanan?”

Kanta 115:14

Mana kamu ag ti kanyu manga linahi payamuun Panginuun.

Pag-ighit 32:13

Alalahana duy nimu kanmu itinaratu sa kanmu manga manugsirbi sa kanda ni Abraham, ni Isaak, ag ni Hakub, kuntay kanmu payamuun kanda linahi parihu kay kayamu sa manga pamgasan sa langit, ag ipakaun nimu sa kanda lahi ti tanan kadagaan kanmu itinaratu sa kanda, bumaliw kanda yi inda hanggan aban.”

Isikil 16:7

Pinadaka niku kawu parihu sa usa ka halaman sa tanman. Nagdaka kawu ag nagbaliw daraga. Naglaun kanmu dubdub ag nagtubu kanmu buhuk, dapat uba diman kawu.

Bilang 22:12

Dapat magkun ti Diyus sa kan Balaam, “Danga kawu magkuyug sa kanda. Ag danga pagsaadi ti pagsabihun nida pag manga tawu, dahil pagpapaladan niku sida.”

Bilang 6:27

“Sa katida pag paraan maipaburayhaw nida sa manga Israilita nu si unu aku, ag papaladan niku sida.”

Diyuturunumiyu 1:10

Pinayamu kamu Panginuun niyu Diyus. Ag kainda, mayamu yi kamu ga manga pamgasan sa langit.

Diyuturunumiyu 1:12

Dapat ay kabitay niku ayusun mag-usa kanyu manga arawayan hanggan kakurian?

Diyuturunumiyu 1:8

Bantayi niyu! Pag-iayaw niku inda pag daga sa kanyu. Paglakaw yi kamu bag-u apua yi tunda pag daga ti itinaratu niku sa kanyu manga ginurang, sa kanda ni Abraham, ni Isaak, hanggan ni Hakub, tugka waya sa kanda manga sinulput.’ ”

Diyuturunumiyu 10:22

Katpung atabug kanyu manga ginurang sa Ihiptu, 70 lang sida tanan. Dapat kainda pinayamu kamu Panginuun niyu Diyus parihu sa pamgasan sa langit kay kayamu.

Diyuturunumiyu 28:62

Una parihu kamu ga pamgasan sa langit kay kayamu, pira lang ti masawad sa kanyu dahil unman kamu nagtupad sa Panginuun niyu Diyus.