Danyil 9:6 - Hanunuu

⁶ Unman kami namatingi sa kanmu manugsirbi pag manga purupita, kanmu sinugu manhampang sa kanmi manga hari, manga takinan, manga paggurangunun hanggan sa tanan nasakupan Israil.

Danyil 9:6 Iomraidhean Croise

Danyil 9:10

Unman kami nagsunud sa kanmu dahil balaw nimi sinunud ti ipinakaun nimu pag manga sugu sa kanmi sa panab-anan nimu manga manugsirbi pag manga purupita.

Nihimyas 9:34

Kanmi manga hari, manga takinan, manga manughandug, hanggan manga ginurang unman magtupad sa kanmu Kasuguan. Unman nida binati kanmu manga sugu hanggan manga pasandam.

Isra 9:7

Ginan waya duy sa kaudasan nimi manga ginurang tugka taynguna, masyadu gid kanmi kasalanan; ag dahil siyun, kami ag kanmi manga hari hanggan manga manughandug pirmi pagsakupun manga hari iba manga nasyun. Pinanmatay nida ti iba sa kanmi, ag ti iba binihag, tinakawan ag pinakay-a, parihu sa nangyari sa kanmi taynguna.

Binwat 13:27

Ti manga taga Hirusalim hanggan kanda manga pinunu unman nakakilala sa kanya kuntay siya yi ti Manugribri. Unman diman naunawaan nida ti isinurat manga purupita kanda pagbasahun kada Sirang Pamahari. Dapat sida ngap ti nagtupad sa manga binagaw purupita sa kanda magsintinsiya sa kan Hisus sa kamatayan.

Matiyu 23:37

Sinabi ni Hisus, “Hirusalim, Hirusalim, pagpanmatyun nimu ti manga purupita, pagbatuhun nimu ti manga sinugu Diyus tabug sa kanmu. Kapira yi ginan kang hinanap ti manga mag-uli sa kanmu sulud, hampay kang likumun, parihu ga inaan manuk mag-ukub sa kay manga butu, dapat dayu di ngap kamu.

Hirimyas 44:16

“Balaw kami magpasnu sa manga pagsabihun nimu sa kanmi sa ngaran Panginuun!

Hirimyas 29:19

Dahil balaw nida pinatingihan kang manga bagaw ti pirmi niku pagsabihun sa kanda sa panab-anan niku manga manugsirbi pag manga purupita. Ag hanggan kamu pag manga binihag balaw diman naniwala.” Aku, ti Panginuun, ti magsabi inda.

Hirimyas 26:5

ag nu dayu kamu magpatingi sa pagsabihun manga manugsirbi niku pag purupita ti pirmi niku pagsuguun tag sa kanyu dapat unman niyu pagpatingihan,

Hirimyas 7:13

Habang pagbuwatun niyu ti daut pag manga bagay, paulit-ulit niku kamu pinaandaman, dapat unman kamu namatingi. Pagtawagan niku kamu, dapat ay unman kamu magsagut.

Nihimyas 9:32

“Kawu kanmi Diyus makamaskihan ag tutuu makadululaw gid. Pagtupadun nimu kanmu kasunduan ag pag-ipakakit nimu kanmu pagmahal. Taynguna, unman pagpahalagaan kanmi manga pag-agwanta. Nag-agwanta kami tanan kanmu nasakupan, hanggan kanmi manga hari, manga takinan, manga manughandug, manga purupita hanggan manga ginurang, ginan waya sa panahun pinakurian kami manga hari Asirya tugka kainda.

2 Krunika 33:10

Una pinasandaman Panginuun si Manasis ag kay manga nasakupan, unman diman sida namatingi sa kanya.

2 Hari 18:12

Nangyari inda sa manga taga Israil dahil unman sida nagsunud sa Panginuun nida Diyus. Linabag nida ti kasunduan Panginuun sa kanda — ti tanan pag sugu ipinakaun Panginuun sa panab-anan ni Muysis kay manugsirbi. Unman sida nagpatingi ngatay nagsunud sa tunda pag kasunduan.

Danyil 9:9

Dapat maawaun di gid kawu, Panginuun nimi Diyus, ag mapinatawadun una waya naglaban kami sa kanmu.

Nihimyas 9:30

Sa kayamuun pag timpu, inagwanta nimu sida, bag-u pinasandaman sida Ispiritu nimu sa panab-anan manga purupita. Dapat unman nida inda binati, nakan ipinabahala nimu sida sa manga nasakupan sa palibut nida.

Hirimyas 7:24

“Pat-ay unman sinunud nida ngatay pinansin kang manga pagkumnun sa kanda. Bagkus ngap, sinunud nida ti gustu maraganit ag daut nida tagipusuun. Bagkus ngap, lalu waya sida nagpakarayu sa kangku.