Danyil 9:2 - Hanunuu

² Katpung un-an timpu niya paghari, naalaman niku sa manga Kasuratan mamirmaminti daut ti Hirusalim sa sulud pitumpulu ka timpu, angay sa sinabi Panginuun sa kan purupita Hirimyas.

Danyil 9:2 Iomraidhean Croise

2 Krunika 36:21

Nakan natupad ti sinabi Panginuun sa panab-anan ni Purupita Hirimyas bumaliw mapung-aw ti daga ag makapahari inda sa sulud pitumpulu ka timpu.

Isra 1:1

Sa un-an timpu kay maghari ni Sayrus sa Pirsiya, tinandug Panginuun kay tagipusuun ni Sayrus sa pagsurat usa ka paalam ipabantala sa buu niya kaharian. Nangyari inda hampay matupad ti sinabi Panginuun sa panab-anan ni Hirimyas.

Kanta 119:24

Kanmu manga tudlu imaw ti magpakaun kabayaan sa kangku; imaw inda ti magpatigayun sa kangku.

Isayas 64:10

Ti manga banal pag banwa nimu hanggan ti Hirusalim nagbaliw ga pangawakawaan unman may mag-ulian.

Hirimyas 1:1

Inda ti manga tultulanun ni Hirimyas kay anak ni Hilkiyas. Si Hilkiyas usa sa manga manughandug ati sa Anatut sa daga ni Binhamin.

Hirimyas 25:18

Pinainum niku ti Hirusalim hanggan ti manga banwa sa Huda kaibahan kanda manga hari ag manga may kangaranan agud midamhak sida. Madiklahan ti manga tawu sa mangyari sa kanda. Puyaan ag saadan sida parihu sa pagbuwatun sa kanda taynguna.

Hirimyas 26:18

“Katpung si Isikyas ti hari sa Huda, nagbagaw si Mikas taga Murisit tungkul sa pag-ipasabi Panginuun sa tanan taga Huda. Magkun siya, ‘Magkun ti Panginuun Makamaskihan wayakun niya ti Siun, ti banwa Hirusalim. Inda miparihu sa inaradu pag tanman, tap-ukan manga nagkaragba daraka balay ag bumaliw katalunan ti bantud nagpatindugan Balay Diyus.’

Hirimyas 26:6

dautun niku inda pag Balay Diyus parihu sa binuwat niku sa Silu. Inda pag banwa saadan tanan nasyun sa buu kalibutan!”

Hirimyas 27:7

Ti tanan nasyun sumirbi sa kanya, sa kay anak, hanggan sa kay laki tugka sa marangga ti kaharian Babilunya. Bag-u ti Babilunya maan ti sumirbi sa mayamu pag nasyun hanggan sa manga makapangyarihan pag hari.

Hirimyas 29:10

Aku, ti Panginuun, magsabi pagkalawuy 70 ka timpu kay nagsakup Babilunya, balikan niku kamu ag tupadun niku kang taratu kuntay ibalik niku kamu sa kanyu daga.

Hirimyas 7:34

Amparahun yi niku ti kasulungan ag kabayaan sa manga baklayan Hirusalim. Ag udyi madnugan sa manga banwa Huda ti manga masulung pag busis manga bag-u ipinaasawa. Dahil bumaliw mapung-aw inda pag daga.”

Karukuan 1:1

Mapanglaw yi ti banwa Hirusalim, sa kabag-u mayamu tawu. Bantug inda kaybi sa buu kalibutan, dapat kainda parihu sa usa ka babayi buranday. Sa kabag-u imaw inda ti magpanguna pag banwa, dapat taynguna panawuhun yi.

Isikil 29:11

Unman may tawu ngatay hayup ti lumakaw sitay, unman diman may mangulian sa sulud upatpulu ka timpu.

Danyil 9:3

Dahil siyun, nagpakarani aku sa Panginuun Diyus ag nandarangin. Unman aku naghandum karan-unun, nanrutay aku saku ag namauli dapug sa kang ulu.

Mikas 3:12

Nakan dahil sa kanyu dautun ti Siun, ti banwa Hirusalim. Bumaliw parihu sa inaradu tanman, ag bumaliw tumpuk manga nagkarapugdak batu. Ag bumaliw kapuruan ti bantud nabungsudan Balay Diyus.”

Sakaryas 1:12

Magkun ti anghil Panginuun, “Panginuun Makamaskihan, tugka duy kapira pag pakurianan nimu ti Hirusalim hanggan ti manga iba waya banwa sa Huda? May 70 yi ka timpu duy kawu magkagalit sa kanda?”

Sakaryas 7:5

“Sabihi nimu ti tanan manga tawu mag-uli sa Israil hanggan ti manga manughandug, kanda pagpamauray ag panrukuan sa kada ikalima ag ikapitu pag bulan sa sulud pitumpulu ka timpu unman nida pagbuwatun para sa kangku.

Matiyu 24:15

Magkun si Hisus, “Makitan niyu aban mangyari sa Balay Diyus ti lapastangan unman may pumarihu imaw ti pagsabihun ni Purupita Danyil. (Kailangan intindihun manga manugbasa).

Markus 13:14

Magkun si Hisus, “Makitan niyu aban ti lapastangan ud may pumarihu mag-apu sa rugar balaw dapat ulian niya (kailangan intindihun manga manugbasa). Nu mangyari tunda ti manga tawu sa Hudiya pagpalagiw yi tabug sa bantud.

Binwat 8:34

Bag-u namaingana ti pinunu sa kan Pilipi magkun, “Kang gustu mana maalaman sa kanmu, si unu nguna ti pagturunuhun ni Purupita Isayas, ngatay kay sadili aw ngatay iba tawu?”

1 Timutiyu 4:13

Hanggan sa udwaya aku rumas-ug asan, kada may udas pagpirmi kawu pagbasa Banal Kasuratan sa madnugan manga iba. Pagtudlu kawu ag pagpaliwanag.

Ipinakakit 1:3

Papaladan Diyus ti manugbasa inda pag ribru hanggan ti manga magpatingi sa inda pag ipinurupita tungkul sa manga mangyari aban lalu nu matinupadun sa inda pag isinurat. Dahil inda tanan balaw yi dugay mangyari yi.