Danyil 8:8 - Hanunuu

⁸ Nagmakapangyarihan waya gid ti kambing. Dapat sa masyadu gid pag kapangyarihan, napuud kay daka pag sungay. Dapat may tinmubu upat ka tuhay pag sungay kay turunu sa upat ka suuk kalibutan.

Danyil 8:8 Iomraidhean Croise

2 Krunika 26:16

Dapat pagka nag makapangyarihan yi siya, nag padayaw siya. Ag inda ti nakapaababa sa kanya. Unman siya sinmunud sa Panginuun niya Diyus, dahil sinmulud siya sa Balay Diyus Panginuun ag nagsadili nagsunug kamangyan sa harandugan.

Istir 9:4

Dahil makapangyarihan yi si Murdukyu sa balay hari ag pagkilalan-un sa buu kaharian. Ag mag-amat di magdugang kay kapangyarihan.

Hirimyas 49:36

Girahun ti Ilam manga kalaban ginan sa tanan bahagi, ag wayakun niku kay manga nasakupan sa tanan rugar. Ag bihagun sida sa tanan nasyun sa buu kalibutan.

Hirimyas 5:27

Parihu sa puguan punu manga manuk, ti balay daut pag tawu punu manga kayamanan ginan sa pandaraya. Nakan yinmaman sida ag nagbaliw makapangyarihan.

Isikil 16:7

Pinadaka niku kawu parihu sa usa ka halaman sa tanman. Nagdaka kawu ag nagbaliw daraga. Naglaun kanmu dubdub ag nagtubu kanmu buhuk, dapat uba diman kawu.

Isikil 28:9

Malu, makasabi aw waya nimu, ‘Usa ka diyus aku,’ sa atubangan manga manmatay sa kanmu? Para sa kanda tawu lang kawu ag balaw usa ka diyus.

Danyil 11:4

Nu makapangyarihan yi siya, madaut kay kaharian ag matunga sa upat ka suuk kalibutan, dapat balaw kay manga katawuhan ti humari. Ti manga umilis sa kanya pag hari balaw yi pumarihu sa kanya pag pamahala. Bul-un kay kaharian ag iayaw sa iba.

Danyil 4:31

Udwaya ngani siya magkatapus sa kay magbagaw, may binmagaw ngap ginan sa langit magkun, “Hari Nabukudunusur, pagpatingi kawu: Pagbawiun yi niku sa kanmu ti karampatan bilang hari.

Danyil 5:20

Dapat dahil sa kay nagpayabang ag nagpadayaw, pinaighit siya sa kay katungkulan bilang hari

Danyil 7:2

“Usa ka yabi, may nakitan aku sa kang pangakakitun usa ka malapad pag dagat paghampakun mabisug pag durus ginan sa upat ka puun durus.

Danyil 7:6

“Bag-u nakitan niku ti ikatlu pag hayup ga liyupardu. May upat tunda ka pakpak ag upat ka ulu. Pinakan-an siya kapangyarihan hampay magdumara.

Danyil 8:22

Ti upat ka sungay nagtubu pagka napunggal ti un-an pag sungay kay kahulugan upat ka kaharian Grisya naayaw-ayaw. Dapat kanda manga hari unman magmakapangyarihan parihu sa un-an pag kaharian.

Danyil 8:5

Habang pagbantayan niku tunda, kadaka lang may rinmas-ug kambing ginan sa isalpan. Nagpalibut inda sa kalibutan unman mag-idna kay manga lulud sa daga sa subra bisug. May tuhay siya pag sungay sa tab-anan niya manga mata.

Danyil 8:7

Sa kay masyadu pangaisug, ud kay inapasan kay pinakasungay ti karanidu tugka sa napunggal kay duwa ka sungay. Unman yi makalaban ti karanidu, nakan nagpu inda ag tinatatataan lang kambing. Unman gid may nanbawi sa kanya.

Matiyu 24:31

Suguun niya kay manga anghil may budyung daka hampay tipunun nida ti manga pinili Diyus ginan sa upat ka puun durus, ginan sa bilug kalibutan.”

Markus 13:27

Nu sumitay siya, suguun niya kay manga anghil hampay kanda tipunun ti manga pinili Diyus ginan sa upat ka puun durus, ginan sa bilug kalibutan.”

Diyuturunumiyu 31:20

Darahun niku sida sa marinu ag abunda pag daga kang itinaratu ipakaun sa kanda manga ginurang. Ati mangabuhi sida abunda; mangaun sida tanan nida pagkaibgan pag karan-unun, ag mabsug sida. Dapat patlikudan nida aku ag mansamba sa iba pag manga diyus. Lapastanganun nida kang kasunduan.

Ipinakakit 7:1

Tunda ginan may nakitan maan aku upat ka anghil. Sida upat nagtimbangan sa bilug kalibutan. Inampara nida ti upat ka puun durus hampay unman dapu humuyup sa daga, sa dagat una hanggan sa naan pag puun kayu.