Danyil 8:11 - Hanunuu

¹¹ Kinilala niya kay sadili mas makapangyarihan kaysa Takinan manga taga langit pag sundalu. Inampara niya ti sirang-sirang pag handug sa Balay Diyus, ag inuringan niya ti Balay Diyus.

Danyil 8:11 Iomraidhean Croise

Isayas 37:23

Si unu lugud kanmu pagpuyaan ag paglabagun? Si unu lugud kanmu pag paabwatan busis ag pagpayabangan? Unman aw aku, ti Banal pag Diyus Israil?

Isayas 37:29

Dahil nadnugan niku kanmu pangagalit sa kangku hanggan kanmu pagpayabang sa kangku, paulian niku barung kanmu irung ag pungtun niku kanmu bibig, bag-u guyudun kawu pabalik sa kanmu nag-uryanan, sa kanmu linakawan pag dalan.”

Hirimyas 48:26

“Languhun niyu ti Muab dahil naglaban siya sa kangku. Milubi siya sa kay sadili suka ag bumaliw karasarin-an.

Hirimyas 48:42

Mawayak gid ti Muab dahil sa paglaban niya sa Panginuun.

Isikil 46:14

Ipaamut sa inda pag karanidu ti handug pasalamat upat ka kilu arina, ag usa ka litru lana ulibu panlahuk sa arina. Inda pag surundanun tungkul sa handug pasalamat kailangan tupadun tugka aban.

Danyil 11:22

Mayamu pag kalaban sundalu kay matyun hanggan yi ti pangulu manughandug.

Danyil 11:31

“Suguun hari Sirya ti manga sundalu hampay uringan ti Balay Diyus sangput alad batu. Paapasun niya ti sirang-sirang pagsagda ag ipauli ti mayagting pag bagay imaw kay kadahilanan mapabay-anan ti Balay Diyus.

Danyil 12:11

“Lumawuy ti 1,290 ka sirang ginan sa udas pag-ampara sa sirang-sirang pag handug ag pagpauli manga mayagting pag bagay imaw ti kadahilanan pabay-anan ti Balay Diyus tugka sa rumas-ug ti katapusan.

Danyil 5:23

Bagkus ngap binwat nimu kanmu sadili abwat man sa Panginuun sa langit. Ipinab-ul nimu ti manga irinman ginan sa Balay Diyus ag ininman niyu inda kaibahan kanmu matinudukun pag manga bisita, manga asawa, ag iba waya asawa panawuhun. Bukud waya siyun, sinamba nimu ti manga diyus buwat sa pilak, gintu, galang, baul, kayu, ag batu — manga unman maghiling pag diyus, unman magdungug, ag unman makaintindi. Dapat unman nimu dinayaw ti Diyus, ti maghiyaput kanmu buhi ag magpapalad sa tanan nimu pagbuwatun.

Danyil 7:25

Bumagaw siya manga bagaw laban sa Kaabwat-abwatan pag Diyus, ag unu-unuhun niya ti manga pinili Diyus hampay maging banal. Pilitun niya bag-uhun ti manga pista ag kasuguan. Ag ipasirung sa kanya ti manga pinili Diyus hampay maging banal, sa sulud tulu ka timpu may tunga.

Danyil 8:12

Sa tunda pag binwat niya, ipinasirung sa kanya ti manga taga langit pag sundalu hanggan ti sirang-sirang pag handug. Binul-an kabuluhan niya ti katutuuhanan, ag nagpanalu siya sa kay manga binwat.

Danyil 8:24

Magmakapangyarihan siya, dapat balaw parihu sa inmuna sa kanya pag hari. Manlingut ti manga tawu sa kay buwatun pagruris, ag manalu siya una hintay kay buwatun. Rurisun niya ti manga makapangyarihan pag tawu hanggan ti manga pinili Diyus maging banal pag nasakupan.

Danyil 8:25

Dahil sa kay kakayahan, bumaliw marapanalu siya sa kay magpandaya. Ipadayaw niya kay sadili, ag mayamu tawu kay panmatyun sa daya. Labanan niya hanggan ti Takinan manga takinan. Dapat sa uryan, rurisun siya balaw sa kapangyarihan tawu nu ud sa kamaskihan Diyus.

Danyil 9:25

“Kailangan nimu maintindihan ag masalman ginan sa udas nagsugu kuntay patindugan maan ti Hirusalim tugka sa pagras-ug pinili Diyus pag takinan, makalawuy dap ti 49 ka timpu. Ag sa sulud 434 ka timpu utru maan ipatindug ti Hirusalim may manga buruybuyahan hanggan palalan-iban. Bumaliw magulu sa tunda katpung pag udas.

Bilang 28:3

Inda ti handug sa panab-anan apuy kanyu ihandug sa Panginuun sirang-sirang: duwa ka karanidu usa ka timpu kay idad ag unman may alangan.

Lukas 21:24

Matyun sida manga sundalu may armas baladaw, kay iba bihagun darahun tag sa una naan pag nasyun. Tatatataan manga balaw Hudiyu ti Hirusalim hanggan sa udwaya lumawuy ti kaudasan kapangyarihan manga balaw Hudiyu.”

2 Tisalunika 2:4

Siya yi gid ti Manuglaban. Magpalabi-labi siya laban sa tanan pag-ingarnan manga tawu kuntay diyus hanggan sa tanan pag manga pagsambahun nida. Pagka dugay ipaabwat niya kay sadili, sumaka siya sa Balay Diyus, tumukaw siya ati akuun niya kuntay Diyus siya.

Hibriyu 2:10

Linalang Diyus ti tanan bagay angay sa kay gayak niya kagustuhan. Nakan ngani ipinalakaw niya si Hisus sa kakurian kay inagwanta hampay lubus tupadun niya ti kagustuhan Diyus, ag hampay mayamu tawu kay mataban sa kadayawan.

Ipinakakit 17:14

Girahun nida ti Anak Karanidu dapat matalu diman sida dahil ti Anak Karanidu Panginuun manga panginuun, siya diman ti Hari manga hari. May kahuray aban sa kay panalu ti manga tinawag, ti manga pinili ag ti manga matinupadun pag manga magsunud sa kanya.”