Danyil 7:9 - Hanunuu

⁹ “Bag-u nakitan niku may ipinauli manga tukawan, ag tinmukaw sa kay tukawan ti Diyus Buhi unman may Katapusan. Masilaw kay rutay hanggan kay buhuk dahil sa kalagtian. Maglabdab kay tukawan may manga gulung.

Danyil 7:9 Iomraidhean Croise

1 Hari 22:19

Magkun waya si Mikaya, “Patingihi ti tultulanun Panginuun! Nakitan niku ti Panginuun matukawan sa kay tukawan, may matindugan manga taga langit pag manga sundalu sa kay wala ag sikun.

2 Krunika 18:18

Magkun waya si Mikaya, “Patingihi ti tultulanun Panginuun! Nakitan niku ti Panginuun matukawan sa kay tukawan, may matindugan manga taga langit pag manga sundalu sa kay wala ag sikun.

Kanta 45:8

Kanmu rutay mabanglu pamanglu mira, aluwi ag kasya. Pagpasulungun kawu tunug manga pamatunug sa kanmu balay hari may magsinglaw pag pamarinu.

Kanta 90:2

Sa udwaya nimu linalang ti manga bantud hanggan ti kalibutan, kawu yi ti Diyus, ag kawu diman ti Diyus sa unman may katapusan.

Kanta 93:2

Hari yi kawu ginan waya sa kabag-u, dahil asan yi kawu kaybi waya.

Isayas 6:1

Kaybi katpung timpu pagkamatay ni Hari Usyas, nakitan niku ti Panginuun matukawan sa abwat pag turukawan. Kay aba niya rutay magtaklub sa buu Balay Diyus.

Isayas 9:6

Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Hirimyas 49:38

Matyun niku ti hari hanggan ti manga takinan Ilam, bag-u ipatindug niku ati kang tukawan hari.

Isikil 1:26

May imaw ati ga tukawan hari binwat ginan sa batu sapiru, ag may matukawan ga tawu sa inda pag tukawan hari.

Danyil 7:13

“Bag-u nakitan niku ti ga anyu tawu sinangputan rurum. Nagpakarani siya sa Diyus Buhi unman may Katapusan.

Danyil 7:22

Bag-u rinmas-ug ti Buhi unman may Katapusan, ti Kaabwat-abwatan pag Diyus, ag nansintinsiya siya baliwa sa kay manga pinili. Ag rinmas-ug ti kaudasan paghari manga banal.

Mikas 5:2

Magkun ti Panginuun, “Bitlihim Iprata, una usa kawu sa pinakadiit pag banwa Huda, ginan sa kanmu pag tawu ti sumirbi sa kangku bilang takinan sa Israil. Kay manga kaumputan bantug kaybi sa un-an pag panahun.”

Habakuk 1:12

Magkun si Habakuk, “Panginuun, kawu ti Diyus ginan sa kabag-u. Kawu kang banal pag Diyus ag unman kawu may kamatayan. Panginuun, palalan-iban pag batu, pinili nimu ti manga taga Babilunya hampay pumarusa sa kanmi.

Matiyu 17:2

Pagka sida siyun nakitan nida nagtuhay gid kay histuda ni Hisus. Kay uyahun nagsinglaw ga init, kay manga rutay ga magsiriak-siak yi sa kay kalagti.

Matiyu 28:3

Kay histuda bilang ga kilat kay pagkasilaw, kay rutay ga burak kay pagkalagti.

Markus 9:3

Kay manga rutay pasay marakintab, malagti gid masyadu. Una hintay tigpalagti sa rutay sitay sa babaw daga udyi may humuwad katida kay kalagti.

Binwat 2:30

Siya purupita nakan naalaman niya may marig-un pag taratu ti Diyus sa kanya magkun, ginan sa kay linahi usa aban ti humari parihu sa kanya.

Binwat 2:33

Dinara siya tabug sa langit ipinatukaw siya Diyus sa kay sikun baliwa minsan sa kay karampatan maghari. Tinanggap niya angay sa itinaratu Diyus ti Ispiritu Banal ginan sa Ama. Bag-u ilinubus niya ipinakaun ti Ispiritu Banal sa kanmi ga kanyu nakitan ag nadnugan taynguna.

Pilipus 3:9

ag hampay aku lubus magpakiusa sa kanya. Udyi aku pagkilalan-un Diyus kuntay aku matadlung dahil lang sa kang magtupad sa Kasuguan ni Muysis. Pagkilalan-un aku Diyus kuntay matadlung dahil aku magsarig sa kan Kiristu. Inda pag katadlungan ginan ngani sa Diyus dahil sa kang pagsarig.

1 Timutiyu 6:16

Siya lang ti ud may kamatayan, siya ti mangulian sa dayu masumpung pag karayawan. Unman may nakakit sa kanya ag unman may kumakit sa kanya una kainda. Sa kanya ti kadayawan hanggan ti unman may katapusan pag kamaskihan. Amin.

1 Huwan 1:5

Inda ti barita niya Anak sa kanmi, imaw diman kanmi pag-ipadakit maan sa kanyu magkun, ti Diyus pasay yi karayawan ag udyi gid may kaduluman sa kanya.

Ipinakakit 1:14

Malagti kay buhuk, ga burak kay kalagti ngatay ga snow, bag-u magduag ga apuy kay manga mata.

Ipinakakit 19:18

pagtinduk kamu manga nayi hari, hanggan nayi pangulu sundalu una nayi manga sundalu, nayi manga kabayu hanggan kay manga sakay. Tinduka niyu ti tanan nayi tawu una manga panawuhun una manga balaw panawuhun, manga may kangaranan una unman.”

Ipinakakit 20:4

Nakakit aku may manga tukawan hari. Ti manga nakatukaw ati pinakan-an karampatan hampay pumihu sa daut sa mayad. Nakitan diman niku ti karadwa manga tawu pinugutan ulu dahil sa kanda magsarig sa kan Hisus hanggan sa kanda magpadakit Bagaw Diyus. Unman nagsamba sida sa hayup malangas una sa kay tawu-tawu. Unman sida nagtanggap manga marka hayup malangas sa kanda bangas una sa kanda kamang. Binuhi sida hampay maghari kaibahan ni Kiristu sa sulud usa ka libu ka timpu.

Ipinakakit 4:2

Kadaka sinuldan aku Ispiritu Banal bag-u nakitan niku sa langit ti usa ka tukawan hari ag nakitan diman niku may matukawan siyun.