Danyil 7:7 - Hanunuu

⁷ “Sa tunda diman pag yabi, nakitan niku sa kang pangakakitun ti ikap-at pag hayup. Madala gid inda bantayun ag mabisug gid. May manga daraka pag manga ngipun baul. Pagtukbun ag paggus-abun niya kay magkablay, ag nu may sawad waya, pagtatatataan niya. Tuhay siya sa tulu ka hayup, may sampulu siya ka sungay.

Danyil 7:7 Iomraidhean Croise

2 Samwil 22:43

Rinunut niku sida tugka sa nagbaliw wadi galbuk pagpalidun durus, bag-u tinatatataan niku sida ga lutuk sa dalan.

Hub 41:14

Si unu lugud ti makapanganga sa kanya? Dahil kay manga ngipun maradala!

Danyil 2:19

Sa ati pag yabi, ipinaalam Diyus sa kan Danyil ti tagin-up hari hanggan kay ibug sabihun sa panab-anan pangakakitun. Ag dinayaw ni Danyil ti Diyus sa langit.

Danyil 7:13

“Bag-u nakitan niku ti ga anyu tawu sinangputan rurum. Nagpakarani siya sa Diyus Buhi unman may Katapusan.

Danyil 7:2

“Usa ka yabi, may nakitan aku sa kang pangakakitun usa ka malapad pag dagat paghampakun mabisug pag durus ginan sa upat ka puun durus.

Danyil 8:10

Nagmakapangyarihan waya siya tugka sa langit, ag pinanragdag niya ti manga taga langit pag sundalu hanggan ti manga pamgasan, bag-u kay tinatatataan lang.

Danyil 8:22

Ti upat ka sungay nagtubu pagka napunggal ti un-an pag sungay kay kahulugan upat ka kaharian Grisya naayaw-ayaw. Dapat kanda manga hari unman magmakapangyarihan parihu sa un-an pag kaharian.

Sakaryas 2:1

Pagka namantay aku, may nakitan aku lalaki may dara panukat.

Ipinakakit 12:3

Bag-u may usa waya gid maan ka tanda mag-akitan sa langit, may marara pag daragun daka masyadu. Tunda pag daragun may pitu ka ulu bag-u may sampulu waya ka sungay. Kay pitu ka ulu pasay may sangbaw hari.

Ipinakakit 13:1

Bag-u nakitan niku ti usa ka hayup malangas magpatakas ginan sa dagat, sampulu kay sungay ag pitu kay ulu. Kada usa ka sungay may sangbaw hari, kada ulu may nakasurat ngaran manga lapastangan sa Diyus.

Ipinakakit 17:12

“Ti sampulu ka sungay kanmu nakitan kay kahulugan sampulu waydi ka hari udwaya nakahari dapat humari sida aban sa sulud usa ka udas kanda karampatan minsan sa hayup malangas.

Ipinakakit 17:7

Pinmaingana ti anghil sa kangku magkun, “Hayga duy kawu magkadulaw? Itultul niku sa kanmu nu hintay kay kahulugan tunda pag babayi, hanggan tunda pag hayup malangas kay sarakyan may pitu ka ulu, kay sungay sampulu.

Ipinakakit 17:8

Ti kanmu nakitan pag hayup malangas buhi nu kaybi, kainda bay udyi dapat lumuwang maan uman ginan sa kaabasad-basadan bag-u midamhak di gid maan siya aban. Ti manga tawu magkabuhi sa babaw daga ag kanda ngaran unman nakalista sa ribru kabuhian ginan waya sa gimpuunan kalibutan, tunda pag manga tawu lumingut nu makitan nida ti hayup malangas. Dahil kaybi buhi, siyun ginan udyi siya, dapat aban lumuwang maan.