Danyil 6:4 - Hanunuu

⁴ Nakan ngani, ti duwa niya ka kaibahan manugpaanyu ag ti manga gubirnadur nanhanap salan sa pagdumara ni Danyil agud may ibangdan sida laban sa kanya. Dapat unman gid sida may nakitan salan dahil masarigan gid si Danyil ag mayad kay magdumara.

Danyil 6:4 Iomraidhean Croise

Gimpuunan 41:38

Magkun siya sa kay manga takinan, “Unman yi kita may makitan tawu parihu sa kan Husi paggiyahan Ispiritu Diyus.”

Gimpuunan 43:18

Nadala ti magtar-arian pagka dinara sida sa balay ni Husi dahil mag-isip sida, “Barang dinara kita sitay tag dahil sa ibinalik kuwarta sa kanta manga saku sitay sa kabag-u nita pag-ataytag. Barang dakpun nida kita, bag-u bul-un nida kanta manga asnu ag buwatun kita manga suruguun.”

Kabagawan 29:27

Pagkadat-an manga matadlung ti manga daut, ag pagkadat-an manga daut ti manga matadlung.

Manugtudlu 4:4

Nakitan diman niku ti tawu magpangabudlay ag magbuwat gid sa kay kakayahan dahil maghirak siya sa kay kaparihu. Unman diman inda may pulus; ga parihu lang sa maglagas kawu durus.

Hirimyas 18:18

Bag-u magkun ti manga tawu, “Abala kamu, mamuwat kita paraan hampay maampara nita si Hirimyas! May manga manughandug diman manudlu kasuguan sa kanta, ag may mamaanyu diman manga madunung pag tawu sa kanta, hanggan may manga purupita diman magpaliwanag bagaw Diyus sa kanta. Nakan mamuwat kita manga tultulanun laban sa kanya, danga yi kita magpatingi sa kay manga pagsabihun.”

Hirimyas 18:23

Dapat alam duy nimu Panginuun ti tanan nida gayak manmatay sa kangku. Nakan danga duy nimu sida pagpatawada sa manga kasalanan ag kadautan nida. Pabay-ani sida matalu nida manga kalaban habang mabantayan lang kawu. Ipasamit nimu sa kanda kanmu pangagalit.”

Hirimyas 20:10

Nasaydan niku ti magpuya manga tawu. Pag-ulitun nida kang manga pagsabihun magkumun, “Madala ti nakasangput sa kanta! Isumbung nita siya!” Una kang manga kakilala mag-alagad sa kang kadamhakan. Pagsabihun nida, “Barang abi madaya nita siya. Nu mangyari tida, manalu kita ag mabalusan nita siya.”

Hirimyas 29:7

Pag-awat kamu hampay sa kaayadan ag kaalwanan banwa dinarahan sa kanyu. Idarangin niyu inda dahil nu umalwan inda, umalwan diman kamu.”

Danyil 3:8

Sa tunda pag udas, may pira ka taga Babilunya ti nagpakarani sa hari ag isinumbung nida ti manga Hudiyu.

Danyil 5:12

Siya si Danyil iningarnan nimu ama si Biltisasar. May tuhay siya pag kakayahan ag kadunungan. May kakayahan siya magtultul kahulugan manga tagin-up, magpintu manga pirintuun, ag mag-alam manga makuri pag manga kakurian. Nakan ipatawag nimu siya ag itultul niya ti kahulugan nakasurat ati sa alad batu.”

Danyil 6:22

Unman aku inunu manga liyun, dahil nagpadara kang Diyus manga anghil hampay hirumun ti bibig manga liyun. Binwat inda Diyus dahil alam niya matadlung kang buhi ag unman aku may nabwat daut laban sa kanmu.”

Matiyu 26:4

Ginayak nida ipadakup si Hisus sa daya bag-u kanda ipamatay.

Matiyu 27:18

Dahil alam ni Pilatu maghirak sida, nakan kanda ipinabahala si Hisus sa kanya.

Lukas 20:20

Nakan nag-alagad waya sida. Sinugu nida manga tawu kanda inupahan hampay mamabalhinguun pag paingana sa kan Hisus hampay pasalanun siya sa kay bagaw bag-u ipabahala nida siya sa kapangyarihan gubirnadur.

Lukas 20:26

Dayu siya mapasalan nida sa kay bagaw sa atubangan manga tawu. Naglingut gid sida sa kay sagut, udyi sida nag-ingay.

Lukas 22:2

Pag-isipan yi manga pangulu manughandug hanggan manga manugtudlu Kasuguan nu kabitay kanda maipapatay si Hisus. Dahil magkadala sida sa manga tawu.

Huwan 19:4

Nagluwas maan si Pilatu bag-u kay sinabi sa manga tawu magkun, “Malu duy, pag-ipalwang maan niku siya tag sa kanyu hampay maalaman niyu unman aku may nakitan dapat ikaparusa sa kanya.”

2 Kurintu 11:12

Dapat iparargu di gid niku kang pagbuwatun inda hampay balaw masabi manga magpadayaw sa kanda buruwatun kuntay kanda pagsirbi parihu diman sa kanmi pagbuwatun.

Pilipus 2:15

Sa kanyu manga kalibut may manga tawu unman mayad kay ugali ag daut kay pagbuwatun. Kailangan kamu pag manga anak Diyus ga mustara sa manga iba tawu malumpiyu kanyu ugali, unman may ikasabi sa kanyu. Nu katunda magduag yi kamu sa kanda karaw-an parihu ga manga pamgasan magrayaw sa langit.

1 Timutiyu 5:14

Nakan ngani nu sa kangku, mayad waya nu mangasawa maan ti manga buranday nu udwaya dugay kay idad hampay magkaanak bag-u nu alagaan nida kanda sadili magtal-anakan hampay unman may ikalibak ti manga maglaban sa kanta.

Titu 2:8

Pagpirmi gid hustu angay sa katutuuhanan ti kanmu pagsabihun hampay unman may ikasabi una si unu sa kanmu pagbagawun. Nu katida mangay-a kanta manga kalaban dahil unman may tultulun sida laban sa kanta.

1 Pidru 2:12

Kailangan pag may kaayusan kanyu ugali sa karaw-an manga unman magsarig sa Panginuun. Una abi kamu kanda pagbangdanan sa buwat daut, makitan di nida kanyu mayad pag buwat hampay dumayaw di aban sida sa Diyus nu kaudasan yi karas-ugan ni Kiristu.

1 Pidru 3:16

Dapat pagmaalumanay kamu paggalang nu kamu magpaliwanag. Pag-ugali kamu sa malumpiyu kanyu tagipusuun hanggan naisipan hampay mangay-a ti manga magmuransa sa kanyu hanggan ti manga mag-away sa kanyu mayad ugali, dahil ngani kamu kay suruguun ni Kiristu.

Talaghusay 14:4

Balaw alam manga gurang ni Samsun kay pasya kagustuhan maaw Panginuun. Dahil maghanap ti Panginuun pagkakataun lumaban sa manga Pilistiyu, dahil sa ati katpung ti Israil sakup manga Pilistiyu.

1 Samwil 12:4

Sinmagut ti manga tawu, “Balaw duy kawu nandaya sa kanmi, unman diman nakagipit sa kanmi, unman diman waydi nakaapu kawu una kantapu pag kasiyunan.”

1 Samwil 18:14

Magpanalu gid si Dabid sa tanan niya pagbuwatun dahil kaibahan niya ti Panginuun.

1 Samwil 22:14

Sinmagut si Ahimilik, “Balaw aw lugud kabay si Dabid kanmu manugang ag tapat gid nimu pag suruguun? Bukud waya siti, siya duy ti takinan manga guwardiya niyu ag paggalangun siya niyu magtal-anakan.