Danyil 6:3 - Hanunuu

³ Si Danyil ti mas tuhay gid sa kanda tanan dahil sa kay tuhay pag kakayahan, nakan naggayak ti hari buwatun manug-asikasu siya sa buu kaharian.

Danyil 6:3 Iomraidhean Croise

Isra 4:22

Buwata niyu inda kadali hampay balaw mipadamhak kang kaharian.”

Nihimyas 7:2

Ipinakaun niku ti katungkulan sa pagdumara sa Hirusalim sa kang patar-ari sa kan Hanani kaibahan si Hananiyas kumandir manga guwardiya sa mapag-un pag kampu. Pinili niku si Hananiyas dahil magkapiyaran siya ag maggalang sa Diyus higit sa tanan.

Istir 10:3

Si Murdukyu pangadwa sa kan Hari Aswiru. Bantug gid siya sa kay kaparihu manga Hudiyu. Pag-igalang siya dahil binwat niya ti ikaayad niya kasimanwa Hudiyu ag siya ti tagahampang sa hari nu sida may kailangan.

Kabagawan 17:27

Magdahan sa baragawun ti madunung pag tawu ag balaw magkadaldali.

Kabagawan 22:29

Ti tawu mayad magtarabahu sumirbi sa hari ag balaw sa kay kaparihu lang tawu.

Manugtudlu 2:13

Ag nakitan niku mayad ti kadunungan kaysa kalukuhan, katunda diman ti karayawan mayad waya kaysa kadudulman.

Danyil 5:12

Siya si Danyil iningarnan nimu ama si Biltisasar. May tuhay siya pag kakayahan ag kadunungan. May kakayahan siya magtultul kahulugan manga tagin-up, magpintu manga pirintuun, ag mag-alam manga makuri pag manga kakurian. Nakan ipatawag nimu siya ag itultul niya ti kahulugan nakasurat ati sa alad batu.”

Danyil 5:14

Nabaritaan niku ti ispiritu manga diyus asan sa kanmu ag may tuhay kawu pag kakayahan hanggan kadunungan.

Danyil 5:7

Nakan nagringgit siya tawaga ti madunung pag manga tawu sa Babilunya: ti manga pandaniwan, ti manga manughula, hanggan ti manga tihulan. Pagka rinmas-ug sida, magkun siya sa kanda, “Nu si unu ti makabasa tunda sa nakasurat ag makatultul kay kahulugan, parutayan niku panrutayun hari ag paunuan gintu. Bag-u buwatun niku ikatlu siya sa pinakaabwat pag takinan sa kang kaharian.”

Danyil 9:23

Sa kabag-u di waya nimu darangin may ipinaburayhaw yi ti Diyus, nakan nag-ataytag aku hampay itultul sa kanmu, dahil pagmahalun kawu Diyus. Nakan pagpatingi kawu ag intindiha kang sabihun sa kanmu.