Danyil 5:7 - Hanunuu

⁷ Nakan nagringgit siya tawaga ti madunung pag manga tawu sa Babilunya: ti manga pandaniwan, ti manga manughula, hanggan ti manga tihulan. Pagka rinmas-ug sida, magkun siya sa kanda, “Nu si unu ti makabasa tunda sa nakasurat ag makatultul kay kahulugan, parutayan niku panrutayun hari ag paunuan gintu. Bag-u buwatun niku ikatlu siya sa pinakaabwat pag takinan sa kang kaharian.”

Danyil 5:7 Iomraidhean Croise

Gimpuunan 41:8

Pagka surip, magkaarimputu ti naisipan hari tungkul sa kay manga tagin-up, nakan ipinatawag niya ti tanan manughula hanggan ti madunung pag manga tawu sa Ihiptu. Itinultul niya sa kanda kay tagin-up, dapat una di usa sa kanda unman may nakatultul nu hintay kay ibug sabihun tunda pag tagin-up.

Istir 3:1

Siyun ginan pag manga nangyari, inabwat ni Hari Aswiru ti katungkulan ni Haman kay anak ni Hamidata usa ka Agagiyu. Binwat siya pinagkatakinan sa kay kaharian.

Pag-ighit 7:11

Ipinatawag waydi hari Ihiptu kay manga dunungin pag tawu hanggan manugsalumangka. Sa panab-anan nida salumangka, nabwat diman nida ti katida pag makadululaw.

Kabagawan 1:9

dahil makapakaun inda kadayawan parihu sa sangbaw binwat sa busang kayu ag makaparinu parihu sa unu sa liug.

Kanta ni Sulumun 1:10

Pagkarinu kanmu pingi, pinarinu waya gid nimu manga aritus. Pagkarinu diman kanmu liug may unu.

Isayas 47:13

Pagbudlayun yi kawu sa mayamu nimu paraan. Pagpaawat kawu sa kanmu manga tawuhan mag-adal tungkul sa manga pamgasan hanggan manughula kada bulan tungkul sa magpangyari sa kanmu.

Hirimyas 50:35

“Aku, ti Panginuun, magsabi ti baladaw kadamhakan mitama sa manga taga Babilunya hanggan sa manga takinan ag madunung pag tawu niya!

Isikil 16:11

Pinasulungan niku kawu manga pamarinu: manga ugsung sa kamang ag unu sa liug.

Danyil 1:20

Sa tanan ipinaingana hari sa kanda, nakitan niya kanda kadunungan sampulu ka dubli sa kadunungan manga manugsalumangka hanggan pandaniwan sa buu niya kaharian.

Danyil 1:4

Kailangan inda sida marinu gid, makurasug, madunung, maliksi ag madali tudluan, hampay angay sida sa pagsirbi sa hari. Binilinan diman niya si Aspinas kuntay tudlui sida pamagaw hanggan panurat manga taga Babilunya.

Danyil 2:2

Ipinatawag niya kay manga manugsalumangka, pandaniwan, pangiwaan, hanggan manga manughula, hampay itultul nida ti manga tagin-up niya.

Danyil 2:27

Sinmagut si Danyil, “Mahal Hari, unman may una si unu pag madunung, una pandaniwan, una manugsalumangka, ngatay manughula ti makatultul sa kanmu tagin-up.

Danyil 2:48

Bag-u inayawan hari si Danyil mayamu mararinu pag manga pamakaun. Bag-u ipinauli diman niya siya sa abwat pag katungkulan bilang takinan sa buu banwa Babilunya ag takinan tanan manga madunung ati.

Danyil 2:6

Dapat nu mahulaan niyu kang tagin-up ag mitultul kay ibug sabihun inda, pirimyuhan niku kamu ag pakan-an daka pag kadayawan. Ta, hulai yi niyu ag tultulan kay ibug sabihun.”

Danyil 4:14

Nagringgit siya, ‘Pukana niyu ti kayu ag pamulda kay manga sanga. Bul-a kay manga labung ag yamtan kay manga burak. Bugawa diman niyu ti manga hayup magpahamuy sa kay sirung hanggan ti manga manuk magpugad sa kay manga sanga.

Danyil 5:11

dahil may usa ka tawu sa kanmu kaharian ati sa kanya ti ispiritu banal manga diyus. Katpung panahun nimu ama ni Hari Nabukudunusur, inda pag tawu nagpakakit kay kadunungan parihu sa kadunungan manga diyus. Siya ti binwat nimu ama takinan manga manugsalumangka, manga tihulan, manga manughula ag manga pandaniwan.

Danyil 5:15

Ipinatawag yi niku ti manga madunung, hanggan ti manga pangiwaan hampay ipabasa ag ipaliwanag sa kanda ti kahulugan tunda pag nisurat sa alad batu, dapat unman nida naalaman.

Danyil 5:16

Dapat nabaritaan niku madunung kawu mag-alam manga kahulugan, ag kaya diman nimu alamun ti manga makuri pag manga kakurian. Bag-u nu mabasa nimu tunda pag nisurat ag mitultul kay kahulugan tunda, parutayan niku kawu panrutayun hari ag paunuan gintu. Ag buwatun niku kawu ikatlu sa pinakaabwat pag takinan sa kang kaharian.”

Danyil 5:29

Pagkatapus bagaw ni Danyil, nagsugu si Bilsasar kuntay pasulungi si Danyil panulungun hari pag rutay ag paunui gintu. Bag-u ibinantala si Danyil bilang ikatlu sa pinakaabwat pag manugpamahala sa kaharian Babilunya.

Bilang 22:17

Bayadan niku kawu una mahal ag buwatun niku una hintay kanmu pagkaibgan. Pag-ataytag yi kawu, saadi inda pag manga tawu para sa kangku.’ ”

Bilang 22:7

Nakan linmakaw ti manga takinan Muab hanggan Midyan may dara pamayad sa kan Balaam. Itinultul nida sa kanya ti ibinilin ni Balak.

Bilang 24:11

Pag-uli yi lang kawu! Nanaratu aku upahan niku kawu mahal, dapat balaw nagpasnu ti Panginuun matanggap nimu inda.”

1 Samwil 17:25

Nanharampangan sida, “Nakitan aw niyu tunda pag lalaki magdalada hampay akatun ti Israil? Pakan-an hari daka pag pirimyu una si unu ti makamatay sa kanya. Balaw lang tunda, nu unman ipaasawa waya niya kay anak sa kanya, ag balaw yi pabayadun buhis sa Israil kay magtal-anakan.”