Danyil 5:4 - Hanunuu

⁴ Habang mag-irinuman sida, pagdayawun nida ti manga diyus binwat ginan sa gintu, pilak, galang, baul, kayu, ag batu.

Danyil 5:4 Iomraidhean Croise

1 Hari 1:49

Pagka nasaydan inda manga bisita ni Aduniyas, nagtirindug sida sa masyadu pag kadalaan, ag nagkanya-kanya sida lakaw.

Isayas 42:17

Dapat ti manga magsarig sa diyus-diyusan, hanggan ti manga magpaniwala diyus kanda manga tinawu-tawu, malagiw gid dahil sa kakay-ahan.”

Isayas 42:8

Aku si Yawi, ti Panginuun! Tunda kang ngaran! Balaw niku iayaw una sa kantapu ngatay sa manga diyus-diyusan kang kagalangan hanggan ti manga pagdayaw para sa kangku.

Danyil 1:8

Dapat nagpasya si Danyil balaw siya mangaun karan-unun hari hanggan manginum kay irinmun, hampay balaw siya mauringan. Nakan nagpakihampang siya sa kan Aspinas kuntay danga siya pagpakan-i tunda pag karan-unun hanggan irinmun.

Danyil 4:37

Nakan taynguna pagdayawun niku ag pagkilalan-un ti Hari langit, dahil hustu ag matadlung ti tanan niya pagbuwatun, ag pag-ipaababa niya ti una si unu ti magpadayaw-dayaw.”

Danyil 5:23

Bagkus ngap binwat nimu kanmu sadili abwat man sa Panginuun sa langit. Ipinab-ul nimu ti manga irinman ginan sa Balay Diyus ag ininman niyu inda kaibahan kanmu matinudukun pag manga bisita, manga asawa, ag iba waya asawa panawuhun. Bukud waya siyun, sinamba nimu ti manga diyus buwat sa pilak, gintu, galang, baul, kayu, ag batu — manga unman maghiling pag diyus, unman magdungug, ag unman makaintindi. Dapat unman nimu dinayaw ti Diyus, ti maghiyaput kanmu buhi ag magpapalad sa tanan nimu pagbuwatun.

Danyil 5:5

Siyun ginan kadaka lang may nakitan kamang ti hari magsurat sa alad batu balay hari arani sa may sulul-an.

Amus 6:7

Nakan kamu pag manga takinan imaw ti un-an bihagun, bag-u umapas yi kanyu kasayahan hanggan masalimpayaan.

Habakuk 2:19

Kaawaawa kamu pag manga magsabi sa diyus-diyusan kayu ngatay batu, “Pag-ipulaw kawu ag awati kami.” Unman ngani inda makatudlu sa kanyu. Una pinahaklupan inda gintu ag pilak, unman waydi may buhi.

Binwat 17:29

“Kita ngani manga anak Diyus. Nakan danga nita isipun ti Diyus parihu sa gintu, una pilak, una batu binwat diyus-diyusan, lunsay pinathaw lang isip tawu bag-u binwat niya kamang.