Danyil 5:12 - Hanunuu

¹² Siya si Danyil iningarnan nimu ama si Biltisasar. May tuhay siya pag kakayahan ag kadunungan. May kakayahan siya magtultul kahulugan manga tagin-up, magpintu manga pirintuun, ag mag-alam manga makuri pag manga kakurian. Nakan ipatawag nimu siya ag itultul niya ti kahulugan nakasurat ati sa alad batu.”

Danyil 5:12 Iomraidhean Croise

Kanta 16:3

Nu tungkul sa kanmu marig-un pag nasakupan sa daga Israil manga kadayaw-dayaw gid sida. Daka gid kang kabayaan sa kanda.

Kabagawan 12:26

Ti matadlung pag tawu makagiya sa kay kakilala, dapat makapatalang ti daut pag tawu.

Kabagawan 17:27

Magdahan sa baragawun ti madunung pag tawu ag balaw magkadaldali.

Isikil 28:3

Mag-isip kawu mas madunung waya kawu kaysa kan Danyil, balaw may lihim unman nimu magkaalaman.

Danyil 1:17

Pinakan-an Diyus inda pag upat ka kan-akan kadunungan lalu yi gid sa tuhay-tuhay pag manga barasahun ag manga kaalaman. Bukud waya sa inda, pinakan-an niya si Danyil kadunungan sa pagtultul manga pangakakitun hanggan manga tagin-up.

Danyil 1:7

Inilisan ni Aspinas kanda manga ngaran. Si Danyil si Biltisasar, si Ananiyas si Sadrak, si Misail si Misak, ag si Asariyas si Abidnigu.

Danyil 2:26

Pinaingana hari si Danyil pag-ingarnan diman Biltisasar, “Itultul aw nimu sa kangku nu hintay kang tagin-up ag sabihun kay ibug sabihun?”

Danyil 4:19

Nataranta ag nadala gid si Danyil (pag-ingarnan diman Biltisasar). Nakan magkun ti hari sa kanya, “Biltisasar, danga kawu magkaaburidu sa kang tagin-up ag sa kay kahulugan.” Nagsagut si Biltisasar, “Mahal Hari, mana kanmu tagin-up ag kay kahulugan mangyari sa kanmu manga kalaban danga sa kanmu.

Danyil 4:8

“Pagka sa uryan, nag-atag si Danyil sa kangku. (Iningarnan siya Biltisasar imaw kay ngaran niku diyus. Ag asan sa kanya ti ispiritu banal pag manga diyus.) Itinultul niku sa kanya kang tagin-up.

Danyil 5:14

Nabaritaan niku ti ispiritu manga diyus asan sa kanmu ag may tuhay kawu pag kakayahan hanggan kadunungan.

Danyil 5:16

Dapat nabaritaan niku madunung kawu mag-alam manga kahulugan, ag kaya diman nimu alamun ti manga makuri pag manga kakurian. Bag-u nu mabasa nimu tunda pag nisurat ag mitultul kay kahulugan tunda, parutayan niku kawu panrutayun hari ag paunuan gintu. Ag buwatun niku kawu ikatlu sa pinakaabwat pag takinan sa kang kaharian.”

Danyil 6:3

Si Danyil ti mas tuhay gid sa kanda tanan dahil sa kay tuhay pag kakayahan, nakan naggayak ti hari buwatun manug-asikasu siya sa buu kaharian.

Danyil 6:4

Nakan ngani, ti duwa niya ka kaibahan manugpaanyu ag ti manga gubirnadur nanhanap salan sa pagdumara ni Danyil agud may ibangdan sida laban sa kanya. Dapat unman gid sida may nakitan salan dahil masarigan gid si Danyil ag mayad kay magdumara.

Kulusas 1:29

Nakan purus yi gid aku sa kang magpakibudlay angay sa daka gid pag kamaskihan kay pakaun ni Kiristu sa kangku.