Danyil 4:8 - Hanunuu

⁸ “Pagka sa uryan, nag-atag si Danyil sa kangku. (Iningarnan siya Biltisasar imaw kay ngaran niku diyus. Ag asan sa kanya ti ispiritu banal pag manga diyus.) Itinultul niku sa kanya kang tagin-up.

Danyil 4:8 Iomraidhean Croise

Gimpuunan 41:38

Magkun siya sa kay manga takinan, “Unman yi kita may makitan tawu parihu sa kan Husi paggiyahan Ispiritu Diyus.”

Isayas 46:1

Ti manga diyus-diyusan Babilunya sida ni Bil ni Nibu mahuwayan nu pag-ikarga sa kalisa pagguyudun manga asnu. Mabuyat sida, makargahan sa manga budlay yi pag hayup.

Isayas 63:11

Dapat sa uryan naala-ala nida ti manga nakalawuy pag panahun, katpung ipinalwas ni Muysis kay manga nasakupan sa Ihiptu. Nagpaingana sida, “Naan yi ti Panginuun, ti nagpadipay sa kanta sa dagat kaibahan kanta takinan si Muysis parihu sa usa ka manug-alaga manga karanidu? Naan yi ti Panginuun nagpadara sa kanta kay Ispiritu Banal?

Hirimyas 50:2

“Ipadakit sa manga nasyun ti barita sa unman may pag-ilihim! Ag paabwatan ti bandira tanda pagkawasak Babilunya! Marunut ag mangay-a ti manga diyus-diyusan niya hanggan kay diyus-diyusan si Bil ag si Marduk.

Danyil 1:7

Inilisan ni Aspinas kanda manga ngaran. Si Danyil si Biltisasar, si Ananiyas si Sadrak, si Misail si Misak, ag si Asariyas si Abidnigu.

Danyil 2:11

Makuri gid kanmu paghagadun, Mahal Hari. Ti manga diyus lang gid ti makabwat katida, dapat unman sida mag-uli kaibahan sa manga tawu.”

Danyil 2:26

Pinaingana hari si Danyil pag-ingarnan diman Biltisasar, “Itultul aw nimu sa kangku nu hintay kang tagin-up ag sabihun kay ibug sabihun?”

Danyil 3:14

Pagka rinmas-ug sida, pinaingana sida hari, “Tutuu aw unman kamu maggalang sa kang manga diyus ag unman kamu magsamba sa kang ipinatindug pag tinawu-tawu gintu?

Danyil 4:18

“Imaw tunda kang tagin-up. Nakan aku, si Hari Nabukudunusur, magkun kan Biltisasar, ‘Tultuli aku kay kahulugan inda dahil unman gid una di usa sa manga dunungin sa kang kaharian ti makapaliwanag sa kangku kay kahulugan inda. Dapat makapaliwanag kawu dahil ti ispiritu banal pag manga diyus asan sa kanmu.’ ”

Danyil 4:9

Magkun aku, ‘Biltisasar, takinan manga manugsalumangka, alam niku asan sa kanmu ti ispiritu banal pag manga diyus, ag madali nimu maalaman ti manga madalum pag manga kahulugan. Nakan tultulan sa kangku nu hintay ti kahulugan manga pangakakitun kang nakitan sa kang tagin-up.

Danyil 5:14

Nabaritaan niku ti ispiritu manga diyus asan sa kanmu ag may tuhay kawu pag kakayahan hanggan kadunungan.