Danyil 4:5 - Hanunuu

⁵ Dapat may tagin-up aku madala imaw ti nakapaaburidu sa kangku.

Danyil 4:5 Iomraidhean Croise

Gimpuunan 41:1

Pagkalawuy duwa ka timpu, nanagin-up ti hari Ihiptu matindugan kunu siya sa saruy Sapa Nilu.

Danyil 1:7

Inilisan ni Aspinas kanda manga ngaran. Si Danyil si Biltisasar, si Ananiyas si Sadrak, si Misail si Misak, ag si Asariyas si Abidnigu.

Danyil 2:1

Sa ikadwa pag timpu sa kay maghari ni Nabukudunusur, kapira ginan siya nanagin-up. Nagpaaburidu gid sa kanya kay manga tagin-up, nakan unman siya makaturug.

Danyil 2:3

Pagka rinmas-ug sida magkun ti hari sa kanda, “Nanagin-up aku ag magpaaburidu gid inda sa kangku, nakan ipinatawag niku kamu dahil gustu niku maalaman nu hintay kay ibug sabihun tunda pag tagin-up.”

Danyil 4:10

Inda kang nakitan sa pangakakitun niku habang maturugan aku: Nakitan niku ti usa ka abwat gid pag kayu sa karaw-an kalibutan.

Danyil 4:13

“Bag-u nakitan diman niku ti usa ka anghil nagdugsun ginan sa langit.

Danyil 4:15

Dapat pabay-ani lang niyu kay tuud hanggan kay gamut siyun sa karatagan magkahigtan baul ag galang.’ “Pabay-ani lang inda mabasa tun-ug sa mailamnun kaibahan ti manga hayup.

Danyil 4:19

Nataranta ag nadala gid si Danyil (pag-ingarnan diman Biltisasar). Nakan magkun ti hari sa kanya, “Biltisasar, danga kawu magkaaburidu sa kang tagin-up ag sa kay kahulugan.” Nagsagut si Biltisasar, “Mahal Hari, mana kanmu tagin-up ag kay kahulugan mangyari sa kanmu manga kalaban danga sa kanmu.

Danyil 5:10

Dapat pagka nasaydan ina hari kanda magbaragawan, nagpakarani siya sa kanda magkun, “Mahal Hari, mana lumawig kanmu buhi. Danga kawu magkadala ag magkaaburidu,

Danyil 5:11

dahil may usa ka tawu sa kanmu kaharian ati sa kanya ti ispiritu banal manga diyus. Katpung panahun nimu ama ni Hari Nabukudunusur, inda pag tawu nagpakakit kay kadunungan parihu sa kadunungan manga diyus. Siya ti binwat nimu ama takinan manga manugsalumangka, manga tihulan, manga manughula ag manga pandaniwan.

Danyil 7:1

Katpung un-an timpu kay paghari ni Bilsasar sa Babilunya, nakakit si Danyil manga pangakakitun sa kay tagin-up. Inda ti tagin-up kay isinurat:

Danyil 7:28

“Imaw tunda kang tagin-up. Naaburidu gid aku ag nanlapsi sa dala. Dapat unman niku itinultul inda una sa kantapu.”