Danyil 4:16 - Hanunuu

¹⁶ Sa sulud pitu ka timpu naduraan siya isip mayad bilang tawu, kay kaisipan bumaliw ga kaisipan hayup.

Danyil 4:16 Iomraidhean Croise

2 Samwil 18:32

Nagpaingana sa kanya ti hari, “Kumusta si Absalum pag kan-akan niku? Balaw aw siya naunu?” Sinmagut ti tawu, “Ti nangyari duy sa kanya mana mangyari sa tanan nimu kalaban, Mahal Hari.”

Isayas 6:10

Magkun waya siya, “Paganita nimu tunda pag manga tawu kay tagipusuun. Pabay-ani nimu sida magpabungul-bungul ag magpabuta-butaun, dahil barang makadnug sida, makakit, ag makaintindi. Dahil nu makaintindi sida, bumalik sida sa kangku, ag maayadan.”

Danyil 11:13

Dahil manipun maan ti hari Sirya mas mayamu waya gid pag manga sundalu kaysa kabag-u. Pagkalawuy pira ka timpu, man-gira maan siya kaibahan kay mayamu ag armadu gid pag manga sundalu.

Danyil 12:7

Ipinaabwat tawu nakarutay linu kay duwa ka kamang ag nasaydan niku nanumpa siya sa ngaran Diyus buhi unman may katapusan. Magkun siya, “Matapus inda pagkalawuy tulu ka timpu may tunga, nu matapus yi ti kakurian manga nasakupan Diyus.”

Danyil 4:23

Magkun waya si Danyil, “Nakitan diman nimu, Mahal Hari, ti usa ka anghil nagdugsun ginan sa langit nagringgit, ‘Pukana niyu ti kayu dapat pabay-ani lang niyu kay tuud hanggan kay gamut siyun sa karatagan magkahigtan baul ag galang. Pabay-ani lang inda mabasa tun-ug sa mailamnun kaibahan ti manga hayup sa talun sa sulud pitu ka timpu.’

Danyil 4:25

Palayasun kawu pakarayu sa manga tawu ag mangulian kawu kaibahan manga hayup sa talun. Manharab kawu ilamnun parihu sa baka ag mabasa pirmi kawu tun-ug. Pagkalawuy pitu ka timpu, kilalan-un nimu ti Kaabwat-abwatan pag Diyus imaw ti may kamaskihan sa kaharian manga tawu ag mahimu niya sida ipasirung una sa kantapu nu gustu niya.

Danyil 7:25

Bumagaw siya manga bagaw laban sa Kaabwat-abwatan pag Diyus, ag unu-unuhun niya ti manga pinili Diyus hampay maging banal. Pilitun niya bag-uhun ti manga pista ag kasuguan. Ag ipasirung sa kanya ti manga pinili Diyus hampay maging banal, sa sulud tulu ka timpu may tunga.

Danyil 7:28

“Imaw tunda kang tagin-up. Naaburidu gid aku ag nanlapsi sa dala. Dapat unman niku itinultul inda una sa kantapu.”

Hibriyu 1:11

Ti daga ag ti langit mipadamhak di aban. Dapat kawu unman may katapusan. Sida tanan maluma di parihu sa rutay.

Ipinakakit 12:14

Dapat ti babayi pinakan-an manga pakpak agila daka hampay makalayang siya tabug sa pangawakawaan. Ati siya pag alagaan sa sulud tulu ka timpu may tunga arayu ginan sa ulay.