Danyil 4:1 - Hanunuu

¹ Nagbuwat si Hari Nabukudunusur usa ka pabarita para sa tanan tawu sa tuhay-tuhay pag nasyun hanggan linahi, ag pamagaw sa kalibutan. Kaindaay ti nakasurat: “Pagsa kanyu ti kahusayan ag pag mayad gid kanyu kahamtangan.

Danyil 4:1 Iomraidhean Croise

1 Krunika 12:18

Bag-u sinuldan Ispiritu Diyus si Amasay pagka dugay siya yi ti takinan sa 30 ka maisug pag manga sundalu, ag magkun siya, “Sa kanmu di kami, Ungud Dabid anak ni Isai! Mana pumanalu kawu hanggan ti manga mag-awat sa kanmu, dahil kanmu Diyus mag-awat sa kanmu.” Nakan tinanggap sida ni Dabid binwat may kangaranan niya pag manga sundalu.

Isra 4:17

Inda ti ipinadara pag sagut hari: “Magpangumusta aku sa kanmu Gubirnadur Rihum, hanggan sa kanmu Simsay ti manugsurat, ag sa kanyu manga kaibahan mag-uli sa Samarya, hanggan sa iba waya manga rugar sa isalpan Iyupratis. “Mana mayad kanmu kahamtangan.

Istir 3:12

Nakan ati katpung sa ika-13 pag sirang sa un-an pag bulan, ipinatawag ni Haman ti tanan manga manugsurat hari. Nagpabuwat siya surat sa kanda para sa manga gubirnadur purubinsiya, sa manga banwa hanggan sa iba waya pag manga takinan sa buu kaharian, sa kanda sadili pamagaw. Ti surat binwat sa ngaran ni Hari Aswiru ag tinatakan singsing.

Istir 8:9

Nakan katpung ika-23 sa ikatlu pag bulan Siban, ipinatawag ti manga manugsurat hari. Isinurat nida ti tanan sinabi ni Murdukyu. Tunda pag surat para sa manga Hudiyu, sa manga gubirnadur, sa manga miyur-banwa, ag sa iba waya pag manga suruguun hari sa 127 ka purubinsiya, ginan sa Indiya tugka sa Itiyupya. Isinurat inda sa kada pamagaw tawu sa buu kaharian, hanggan diman sa pamagaw Hudiyu.

Danyil 3:29

Nakan pag-isugu niku una si unu pag tawu una naan pag nasyun hanggan linahi, ngatay pamagaw ti mamagaw daut laban sa Diyus nida ni Sadrak, ni Misak, ag ni Abidnigu pamuldun kay bilug ag dautun kay manga balay. Dahil unman gid may iba diyus manribri parihu ga kanda Diyus.”

Danyil 3:4

nanringgit ti manugbarita, “Kamu pag manga ginan sa tuhay-tuhay pag nasyun, ag linahi, hanggan pamagaw,

Danyil 6:25

Bag-u nagsurat si Hari Daryu sa tanan manga tawu sa tuhay-tuhay pag nasyun hanggan linahi, ag pamagaw sa kalibutan. Kaindaay ti nakasurat: “Pagsa kanyu mana ti kahusayan ag pag mayad gid kanyu kahamtangan.

Danyil 6:27

Magribri siya ag magbuwat makadululaw ag lilingutan pag manga tanda sa langit hanggan sitay sa babaw daga. Irinibri niya si Danyil sa manga liyun.”

Danyil 7:14

Kinilala siya ag pinakan-an karampatan maghari, ag sumirbi sa kanya ti tanan tawu sa tuhay-tuhay pag nasyun hanggan linahi, ag pamagaw. Parargu kay paghari sa unman may katapusan ag unman may makadaug sa kay kaharian.

Sakaryas 8:23

Ag sa ati pag sirang, sampulu ka day-uhan ginan sa tuhay-tuhay pag manga nasyun iba-iba kay pamagaw ti pumakarani sa usa ka Hudiyu ag sumabi, ‘Gustu gid nimi kumuyug sa kanyu, dahil nadnugan nimi ti Diyus kaibahan niyu.’ ”

Binwat 2:6

Pagka nadnugan nida ti ingay, nagtiripun ti kayamuan tawu. Naglingut gid sida dahil ti kada usa sa kanda nakadnug kanda sadili pamagaw pagbagawun manga magsarig.

Ruma 1:7

Inda kang surat tabug sa kanyu tanan sa manga pagmahalun Diyus asan sa banwa Ruma, kamu manga banal. Pagsa kanyu ti papalad hanggan ti kahusayan ginan sa kanta Diyus Ama hanggan ginan sa Panginuun Hisu-Kiristu.

Ipisu 1:2

Pagsa kanyu ti papalad hanggan ti kahusayan ginan sa kanta Diyus Ama hanggan ginan sa Panginuun Hisu-Kiristu.

1 Timutiyu 1:2

Inda pag surat tabug sa kanmu, Timutiyu, kawu kang pinagkaanak sa pagsarig sa kan Kiristu. Pagsa kanyu ti papalad, ti pangaawa hanggan ti kahusayan ginan sa kanta Diyus Ama hanggan ginan sa kanta Panginuun Hisu-Kiristu.

1 Pidru 1:2

Daan di inisip Diyus Ama kay pinili kamu, kay ipinasakup kamu sa Ispiritu hampay kamu masurundun yi sa kan Hisu-Kiristu ag hampay kamu malumpiyu yi sa dugu ni Hisus. Pagsa kanyu ti abunda pag papalad hanggan kahusayan.