Danyil 3:6 - Hanunuu

⁶ Una si unu ti balaw sumamba iyamut sa maglabdaban pag pugun.”

Danyil 3:6 Iomraidhean Croise

Gimpuunan 19:28

Binantayan niya ti Suduma ag Gumura, hanggan ti buu karatagan. Nakitan niya ti anus mag-atabug tungud ginan sa daga bilang ga anus ginan sa usa ka daka pag hurnu.

Pag-ighit 20:5

Danga gid niyu inda pagsirbihi ngatay sambahun, dahil aku, ti Panginuun niyu Diyus, balaw gid magkaibug may pagsambahun kamu tuhay. Pagparusahan niku ti manga magkasala sa kangku, hanggan kay manga anak tugka sa ikatlu ag sa ikap-at pag sinulput manga magdayu sa kangku.

Isayas 44:17

Kay iba ka pulud kayu pagbuwatun niya diyus-diyusan. Magluhud siya ag magsamba sa tunda pag diyus-diyusan, bag-u magdarangin siya magkun, “Iribri nimu aku, dahil kawu kang diyus.”

Hirimyas 29:22

Dahil sa kanda, ti tanan bihag sa Babilunya manga taga Huda manaad kaindaay sa kanda kaparihu, ‘Mana matyun kawu Panginuun parihu sa kanda ni Sidikyas ag ni Akab sinunug hari Babilunya.’

Danyil 2:5

Magkun ti hari sa kanda, “Inda kang pasya: Nu balaw niyu mahulaan nu hintay kang tagin-up ag kay ibug sabihun inda, pamulud-puludun niku kanyu manga bilug ag ipadaut kanyu manga balay.

Danyil 3:11

ag ti unman sumamba iyamut sa maglabdaban pag pugun?

Danyil 3:15

Taynguna pagbilinan niku kamu pagsamba sa tinawu-tawu nu masaydan niyu ti tunug manga pamatunug. Dahil nu unman, iyamut kamu sa maglabdaban pag pugun. Bantayan nita nu may diyus manribri sa kanyu ginan sa kang kamang.”

Danyil 3:21

Nakan ginapus ngani sida balaw linukas kanda rutay, ag iyinmut sa maglabdaban pag pugun.

Danyil 3:7

Nakan pagka nasaydan nida ti tunug manga pamatunug, nagluhud sida ag nagsamba sa tinawu-tawu gintu.

Danyil 5:19

Dahil sa kapangyarihan ipinakaun Diyus sa kanya, nadala ti manga tawu sa kanya sa tuhay-tuhay pag nasyun hanggan linahi, ag pamagaw. Mahimu niya matyun una si unu kay gustu matyun. Mahimu diman niya balaw matyun una si unu ti balaw niya gustu matyun. Maipaabwat niya ti katungkulan tawu nu gustu niya ipaabwat; maipaababa diman niya ti katungkulan tawu nu gustu niya paababaun.

Danyil 6:7

Kami bilang manga manugpaanyu, manga miyur, manga gubirnadur, manga manughusay, ag manga manug-asikasu sa kanmu kaharian nagkausa manpakihampang sa kanmu kuntay pamuwat kawu usa ka sugu, sa sulud tatlumpulu ka sirang kailangan unman gid may mandarangin una sa kantapu pag diyus ngatay tawu nu unman sa kanmu lang. Ag kailangan tupadun gid inda, dahil una si unu ti lumabag sa inda pag sugu iyamut sa may liyun kali.

Matiyu 13:42

bag-u iyamut sida sa maglabdaban pag apuy. Ati sida pag man-nguruynguyan ag mangubut kanda manga ngipun.

Matiyu 13:50

Bag-u iyamut nida ti manga makasalanan sa labdaban pag apuy. Ati sida pag man-nguruynguyan ag mangubut kanda manga ngipun.”

Matiyu 4:9

Sinabi diyablu sa kan Hisus, “Ti tanan tunda kanmu nakitan kang ipakaun sa kanmu, nu kawu lumuhud sumamba sa kangku.”

Markus 6:27

Sinugu hari ti usa sa kay manga bantay pag sundalu kay sinabi magkun, “Daran-a sitay tag kay ulu ni Huwan.” Bag-u nag-ati ti sundalu, pinlud niya kay liug ni Huwan sa pirisuhan.

Ipinakakit 14:11

Ti apuy magpakuri sa kanda, magtalimbuuk ti anus hanggan waya aban. Sirang yabi unman may pahari sa kakurian ti manga nagsamba sa hayup malangas ag sa kay tawu-tawu ag una hintay ti nagtanggap sa kay marka.”

Ipinakakit 9:2

Binukasan pamgasan ti kaabasad-basadan bag-u linmuwang ti anus nangagiw parihu ga sa tumpuk daka kay nanganus, nakan nagdulum ti init hanggan ti panungaan langit daga.