Danyil 3:2 - Hanunuu

^2-3 Pagkatapus ipinatawag ni Hari Nabukudunusur ti manga gubirnadur, manga miyur, manga kumisyunir, manga manugpaanyu, manga tagahamnu, manga manughusay, manga takinan, ag ti iba waya manga manugtarabahu sa manga banwa hampay manluwang sa pagtalaga sa tinawu-tawu. Pagka siyun yi sida matindugan sa atubangan tinawu-tawu,

Danyil 3:2 Iomraidhean Croise

1 Hari 12:32

Nagpaumpisa diman siya pista pag-idaus kada 15 pag sirang sa ikawalu pag bulan, parihu sa pista sa Huda. Sa tunda pag sirang, nanhandug siya manga handug sa harandugan para sa manga gintu baka kay ipinabwat ati sa Bitil. Ag ati siya pag nagpili manga manughandug hampay itigana niya sumirbi sa manga simbahan sa abwat pag rugar kay ipinabwat.

Kabagawan 29:12

Nu ti usa ka takinan magpaniwala sa manga kapudilan, ti tanan niya manga manugsirbi bumaliw daut.

Danyil 3:27

Bag-u nagtiripun sa kanda ti manga gubirnadur, manga miyur, manga kumisyunir, ag ti iba waya pag manga takinan hari. Ag nakitan nida unman sida nairub apuy. Una ngani kanda buhuk hanggan rutay unman gid nairub, una di hungaw anus unman gid.

Bilang 25:2

Ginarya sida manga babayi manhandug sa kanda manga diyus-diyusan, nangaun sida sa tunda pag manga handug ag nansamba sa tunda pag manga diyus-diyusan.

Ipinakakit 17:2

Sa tunda pag babayi pag nagpauragin ti manga hari sa babaw daga, ga nalangu ti tanan tawu sa bilug kalibutan sa kay pinagkaalak niya, sa magpanguragin.”

Talaghusay 16:23

Usa ka bisis, nagtiripun maan ti manga takinan manga Pilistiyu hampay mandaus ag mamakaun mayamu pag manga handug sa kanda diyus si Dagun. Sa kanda magdaus magkanta sida: “Pinanalu kita nita diyus laban sa kan Samsun kanta kalaban.”