Danyil 3:1 - Hanunuu

¹ Bag-u nagpabuwat si Hari Nabukudunusur tinawu-tawu gintu. 60 ka luk-an siku kay abwat ag 6 ka luk-an siku waydi kay lapad inda. Ipinatindug niya inda sa ratag Dura ati sa banwa Babilunya.

Danyil 3:1 Iomraidhean Croise

1 Hari 12:28

Nakan pagka natapus napayuhan si Hirubuam tungkul siyun, nagpabuwat siya duwa ka gintu baka. Magkun siya sa manga tawu, “Manga Israilita, makuri yi para sa kanyu ti umati sa Hirusalim. Atay di kanyu diyus ti nagpalwas sa kanyu sa Ihiptu.”

Istir 1:1

May usa ka hari sa Pirsiya kay ngaran si Aswiru. Ati siya pag mag-uli sa kay balay hari sa may alad batu sa may daka pag banwa Susa. Kay sakup niya 127 ka purubinsiya ginan sa Indiya tugka sa Itiyupya.

Kanta 135:15

Ti manga diyus-diyusan iba manga nasyun binwat lang waydi tawu ginan sa pilak ag gintu.

Pag-ighit 20:23

Nakan danga kamu magbuwat diyus-diyusan pilak ngatay gintu hampay sambahun kaibahan pagsamba sa kangku.

Pag-ighit 32:31

Nakan binmalik si Muysis sa Panginuun magkun, “Duy Panginuun, daka gid pag kasalanan ti binwat inda pag manga tawu. Namuwat sida gintu pag diyus.

Isayas 2:20

Sa ati pag sirang, ipanyamut nida tag sa manga angbu hanggan banug ti manga tawu-tawu pilak ag gintu kanda binwat hampay sambahun.

Isayas 30:22

Baliwun yi niyu mauring kanyu diyus-diyusan binwat sa pilak ag gintu. Iyamut niyu ga mauring pag paris ag sumabi, “Balaw yi niku pagkaibgan makitan kamu!”

Isayas 46:6

Ti iba pag manga tawu magbulwat kay manga gintu ngatay pilak pagbayadan nida ti panday-pilak hampay buwatun tunda tawu-tawu bag-u kanda luhudan ag sambahun.

Hirimyas 10:9

Namabuwat duy sida sa manga manugpanday hanggan sa panday-pilak diyus-diyusan pinahaklupan pilak ginan sa Tarsis ag gintu ginan sa Upas. Bag-u pinasulungan duy nida rutay malatuy bag-u kulay dungun tinahi madunung pag manga manugtahi.

Hirimyas 16:20

Ti tawu lugud makabuwat aw kay diyus? Nu makabuwat siya, balaw tida tutuu pag diyus!’ ”

Danyil 2:48

Bag-u inayawan hari si Danyil mayamu mararinu pag manga pamakaun. Bag-u ipinauli diman niya siya sa abwat pag katungkulan bilang takinan sa buu banwa Babilunya ag takinan tanan manga madunung ati.

Danyil 2:49

Hinampang ni Danyil ti hari kuntay buwatun sida ni Sadrak, ni Misak, ag ni Abidnigu manga kaawat niya sa pagpanguna sa banwa Babilunya. Bag-u nagpasnu diman ti hari. Si Danyil pirmaminti sa balay hari.

Danyil 3:14

Pagka rinmas-ug sida, pinaingana sida hari, “Tutuu aw unman kamu maggalang sa kang manga diyus ag unman kamu magsamba sa kang ipinatindug pag tinawu-tawu gintu?

Danyil 3:30

Ag pinakan-an hari sida ni Sadrak, ni Misak, ag ni Abidnigu mas abwat gid pag katungkulan sa banwa Babilunya.

Danyil 5:23

Bagkus ngap binwat nimu kanmu sadili abwat man sa Panginuun sa langit. Ipinab-ul nimu ti manga irinman ginan sa Balay Diyus ag ininman niyu inda kaibahan kanmu matinudukun pag manga bisita, manga asawa, ag iba waya asawa panawuhun. Bukud waya siyun, sinamba nimu ti manga diyus buwat sa pilak, gintu, galang, baul, kayu, ag batu — manga unman maghiling pag diyus, unman magdungug, ag unman makaintindi. Dapat unman nimu dinayaw ti Diyus, ti maghiyaput kanmu buhi ag magpapalad sa tanan nimu pagbuwatun.

Danyil 5:4

Habang mag-irinuman sida, pagdayawun nida ti manga diyus binwat ginan sa gintu, pilak, galang, baul, kayu, ag batu.

Husyas 2:8

“Balaw niya pag-isipun aku ti nagpakaun sa kanya manga ani, irinmun ubas, lana ulibu, hanggan mayamu pag pilak ag gintu binwat nida larawan ni Baal.

Husyas 8:4

Nagpili sida manga hari hanggan manga manugpamahala balaw niku pinili. Nagbuwat sida manga diyus-diyusan ginan sa kanda manga pilak ag gintu. Ag inda pag manga diyus-diyusan imaw ti nagdara kadamhakan sa kanda.

Habakuk 2:19

Kaawaawa kamu pag manga magsabi sa diyus-diyusan kayu ngatay batu, “Pag-ipulaw kawu ag awati kami.” Unman ngani inda makatudlu sa kanyu. Una pinahaklupan inda gintu ag pilak, unman waydi may buhi.

Binwat 17:29

“Kita ngani manga anak Diyus. Nakan danga nita isipun ti Diyus parihu sa gintu, una pilak, una batu binwat diyus-diyusan, lunsay pinathaw lang isip tawu bag-u binwat niya kamang.

Binwat 19:26

Taynguna tandai niyu ti kanyu nakitan ag nadnugan. Dahil tunda ngani pag tawu si Pablu magtudlu sa manga tawu magkun, ‘Ti manga diyus-diyusan binwat tawu kamang balaw ungud manga diyus, unman may kapangyarihan.’ Masyadu mayamu yi tawu ginarya yi ni Pablu, naniwala sida sa kay pagsabihun, una sitay sa banwa Ipisu una sa harus tanan rugar sa buu daga Asya.

Diyuturunumiyu 7:25

Sunuga niyu kanda manga diyus-diyusan, ag danga niyu pagkaibgi kanda manga gintu hanggan manga pilak masaputan sa inda pag manga diyus-diyusan. Danga gid niyu inda pagbul-a dahil bumaliw suduk inda sa kanyu. Amanan gid niyu inda dahil pagkadat-an inda Panginuun niyu Diyus.

Ipinakakit 9:20

Ti nasawad pag manga tawu, tunda manga unman namatay sa siyun pag manga kahigpitan unman nida ainampu kanda kasalanan. Unman kanda tinayakan, unman waydi inapasan nida kanda pagsamba sa manga labang hanggan sa manga diyus-diyusan, sa binwat lang nida manga kamang, manga tawu-tawu gintu, pilak, galang, batu hanggan kayu, unman waydi makahiling, unman makadungug, unman diman makalakaw.