Danyil 2:44 - Hanunuu

⁴⁴ “Sa ati pag panahun manga hari, ti Diyus sa langit pumatindug usa ka kaharian unman gid magpu hanggan aban. Balaw gid inda matalu iba kaharian, nu unman papasun waya ngap niya ti tanan kaharian ag pihu pumirmaminti inda hanggan aban.

Danyil 2:44 Iomraidhean Croise

Gimpuunan 49:10

Parargu kawu magpangulu, Huda. Ginan sa kanmu linahi ti bumaliw manga takinan. Nakan pumakaun buhis sa kanmu ti manga nasyun ag sumunud sa kanmu.

2 Samwil 7:13

Siya ti pumatindug Balay Diyus para sa kang kadayawan, ag pihuun niku kay linahi ti humari hanggan aban.

2 Samwil 7:16

Pumarargu kanmu kaharian hanggan aban; kanmu linahi pumarargu humari sa unman may katapusan.’ ”

Kanta 145:13

Kanmu maghari hanggan aban. Panginuun, matinupadun gid kawu sa kanmu manga taratu, ag mapagmahal kawu sa tanan nimu linalang.

Isayas 60:12

Dahil lubus mawayak ti manga nasyun hanggan kaharian balaw sumirbi sa kanmu.

Isikil 37:25

Mangulian sida sa daga niku ipinakaun sa kang suruguun sa kan Hakub, ti daga nu naan nangulian kanda manga ginurang. Ati sida hanggan kanda manga linahi pag mangulian tugka aban, bag-u humari sa kanda ti hari ginan sa linahi niku suruguun si Dabid sa unman may katapusan.

Danyil 2:28

Dapat may Diyus sa langit makapaliwanag manga madalum pag katutuuhanan. Mahal Hari, sa panab-anan nimu tagin-up, ipinaalam Diyus sa kanmu nu hintay ti mangyari sa aratubangun. Taynguna itultul niku sa kanmu ti manga pangakakitun kanmu nakitan sa tagin-up.

Danyil 2:34

Habang mabantayan kawu sa tinawu-tawu, may usa ka batu nagipak, balaw tawu ti naggipak. Nidugsak inda pag batu sa baul ag lutuk pag lulud diyus-diyusan, bag-u narunut kay manga lulud.

Danyil 2:35

Rargu nidugsak ti tinawu-tawu buwat sa baul, lutuk, galang, pilak, ag gintu. Bag-u nagbaliw wadi upa sa girik-an pag-ipayag durus una naan tag. Dapat ti batu nidugsak sa lulud diyus-diyusan nagbaliw daka pag bantud nagsakup sa buu kalibutan.

Danyil 2:37

Mahal Hari, kawu ti pinakaabwat sa tanan pag hari. Binwat kawu hari nita Diyus sa langit, ag pinakan-an niya kawu kapangyarihan hanggan kabisugan, ag kadayawan.

Danyil 2:43

Ti pagminsan baul ag lutuk kay ibug sabihun waydi magkausa kay manga takinan sa inda pag kaharian sa panab-anan pag-arasawan-an. Dapat balaw dumugay kanda pagkarausa, parihu ngani sa baul ag lutuk balaw mahimu minsanun.

Danyil 4:3

Lilingutan kay kamaskihan ag makadululaw ti ipinakakit Diyus! Maghari siya unman may katapusan.

Danyil 4:34

“Pagkalawuy pitu ka timpu, aku, si Nabukudunusur, nagdangup sa Diyus, ag nagbalik kang daan pagkaisipan. Nakan dinayaw niku ag kinilala ti Kaabwat-abwatan pag Diyus buhi sa unman may katapusan. Nagkumun aku, ‘Kay paghari unman may katapusan.

Danyil 6:26

“Pag-isugu niku sa tanan manga tawu sakup niku kaharian pagkadala ag paggalang sa Diyus ni Danyil. Dahil siya ti buhi pag Diyus ag magkabuhi unman may katapusan. Parargu kay paghari hanggan aban, ag unman may makadaug sa kay kaharian.

Danyil 6:27

Magribri siya ag magbuwat makadululaw ag lilingutan pag manga tanda sa langit hanggan sitay sa babaw daga. Irinibri niya si Danyil sa manga liyun.”

Danyil 7:27

Bag-u iayaw sa banal pag manga nasakupan Kaabwat-abwatan pag Diyus ti pagdumara hanggan kapangyarihan sa manga kaharian buu kalibutan. Nakan humari sida hanggan aban, ag pasakup sa kanda ti tanan kaharian.

Danyil 8:25

Dahil sa kay kakayahan, bumaliw marapanalu siya sa kay magpandaya. Ipadayaw niya kay sadili, ag mayamu tawu kay panmatyun sa daya. Labanan niya hanggan ti Takinan manga takinan. Dapat sa uryan, rurisun siya balaw sa kapangyarihan tawu nu ud sa kamaskihan Diyus.

Hagay 2:22

Duraun niku ti manga kaharian hanggan kanda kapangyarihan. Magkaragpu kanda manga kalisa hanggan kay manga sakay. Magkaramatay kanda manga kabayu ag manmaratyan kanda manugkabayu.

Hagay 2:7

Tandugun niku ti tanan nasyun hampay daran-un nida kanda manga kasiyunan sa kang Balay. Nakan mapnu inda pag Balay niku manga mahalaga pag bagay.

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Huwan 12:34

Nagsabi ti manga tawu sa kanya magkun, “Naalaman nimi sa kanmi Kasuguan magkun, ti Pinili Diyus Manugribri pag Hari unman gid mamatay hanggan aban. Kabitay duy kanmu pagsabihun kuntay kailangan mamatay ti Anak Tawu? Si unu nguna tunda pag Anak Tawu?”

Hibriyu 12:28

Nakan pagpasalamat gid kita dahil dayu gid matandug ti kaharian kanta tinanggap sa Diyus. Pagsamba kita sa Diyus, pagdahan kita paggalang hampay pagbayaun niya kita.

Ipinakakit 11:15

Pagka inyup ikapitu pag anghil kay budyung, may manga namaragawan daraka ginan sa langit magkun, “Kanta Panginuun hanggan ti Pinili Diyus Manugribri pag Hari nag-aku yi lubus sa paghari sa bilug kalibutan. Humari siya hanggan waya aban.”