Danyil 2:41 - Hanunuu

⁴¹ Ti manga lulud diyus-diyusan buwat sa baul ag lutuk kay ibug sabihun madwa ti kaharian. Dapat pumirmaminti inda mapag-un, dahil nakitan nimu kay manga lulud diyus-diyusan may lakay baul.

Danyil 2:41 Iomraidhean Croise

Danyil 2:40

Bag-u kay sunud imaw ti ikap-at pag kaharian parihu sa baul. Imaw ti baul magrunut sa tanan, inda pag kaharian manrunut sa iba ka manga kaharian.

Danyil 2:42

Ti manga ituturu baul ag lutuk pag lulud kay ibug sabihun inda may bahagi kaharian mapag-un ag may bahagi waydi kaharian balaw magpag-un.

Danyil 7:24

Ti sampulu ka sungay imaw ti sampulu ka hari humari sa tunda pag kaharian. Umilis ti usa ka hari tuhay sa kanda ag taluhun niya ti tulu ka hari.

Danyil 7:7

“Sa tunda diman pag yabi, nakitan niku sa kang pangakakitun ti ikap-at pag hayup. Madala gid inda bantayun ag mabisug gid. May manga daraka pag manga ngipun baul. Pagtukbun ag paggus-abun niya kay magkablay, ag nu may sawad waya, pagtatatataan niya. Tuhay siya sa tulu ka hayup, may sampulu siya ka sungay.

Ipinakakit 12:3

Bag-u may usa waya gid maan ka tanda mag-akitan sa langit, may marara pag daragun daka masyadu. Tunda pag daragun may pitu ka ulu bag-u may sampulu waya ka sungay. Kay pitu ka ulu pasay may sangbaw hari.

Ipinakakit 13:1

Bag-u nakitan niku ti usa ka hayup malangas magpatakas ginan sa dagat, sampulu kay sungay ag pitu kay ulu. Kada usa ka sungay may sangbaw hari, kada ulu may nakasurat ngaran manga lapastangan sa Diyus.

Ipinakakit 17:12

“Ti sampulu ka sungay kanmu nakitan kay kahulugan sampulu waydi ka hari udwaya nakahari dapat humari sida aban sa sulud usa ka udas kanda karampatan minsan sa hayup malangas.