Danyil 2:4 - Hanunuu

⁴ Nagsagut ti manga manughula sa hari sa pamagaw Aramiku, “Mahal Hari, mana lumawig kanmu buhi. Tultuli kami kanmu manga manugsirbi sa kanmu tagin-up, ag sabihun nimi sa kanmu kay ibug sabihun.”

Danyil 2:4 Iomraidhean Croise

Gimpuunan 31:47

Iningarnan ni Laban ti tinumpuk manga batu Higar Sahaduta. Dapat pinangaranan inda ni Hakub Gal-id.

Gimpuunan 41:8

Pagka surip, magkaarimputu ti naisipan hari tungkul sa kay manga tagin-up, nakan ipinatawag niya ti tanan manughula hanggan ti madunung pag manga tawu sa Ihiptu. Itinultul niya sa kanda kay tagin-up, dapat una di usa sa kanda unman may nakatultul nu hintay kay ibug sabihun tunda pag tagin-up.

1 Hari 1:25

Taynguna pag sirang, naghandug siya mayamu pag manga tudu baka, pinatabul ibun baka, hanggan manga karanidu. Ag binan-awan niya harus ti tanan nimu anak lalaki, ti kumandir nimu manga sundalu, hanggan si Manug-asiwa Abyatar. Magkaran-an sida mag-irinuman taynguna, bag-u magkun, ‘Mabuhi si Hari Aduniyas!’

1 Hari 1:31

Rargu linmuhud si Batsiba bilang paggalang sa hari, ag magkun, “Mahal Hari Dabid, mana mabuhi kawu dugay!”

2 Hari 18:26

Magkun sida ni Ilyakim, ni Sibna, ag ni Huwa tabug sa kumandir, “Mahimu aw bumagaw kawu sa kanmi pamagaw Aramiku, dahil magkasalman nimi inda. Danga kawu magbagaw Hibriyu dahil masaydan kawu manga tawu asan sa manga alad batu banwa.”

Isra 4:7

Ag una si Artasirsis yi ti hari sa Pirsiya, nagsurat diman sa kanya sida ni Bislam, ni Mitridat, ni Tabiil, ag ti iba waya nida manga kaibahan. Inda isinurat nida sa pamagaw Aramiku ag isinalin sa pamagaw taga Pirsiya.

Nihimyas 2:3

dapat nagsagut aku sa hari, “Umaba waya mana kanmu buhi, Mahal Hari! Magruku aku dahil ti banwa linubngan niku manga ginurang naguba hanggan kay manga sabian inda sunug apuy.”

Isayas 36:11

Magkun sida ni Ilyakim, ni Sibna ag ni Huwa sa kumandir manga sundalu, “Paghampang duy kawu sa kanmi sa pamagaw Aramiku, dahil magkasalman di nimi tunda pag pamagaw. Danga kawu magbagaw pamagaw Hibriyu dahil madnugan kawu manga tawu sa may alad batu banwa.”

Isayas 44:25

Ipinabuyu niku ti hula manga magpabalhingu purupita. Binwat niku busal ti manga manughula. Pagbaliskadun niku ti pagsabihun manga madunung, pagbuwatun niku ud may pulus kanda magkaalaman.

Danyil 1:4

Kailangan inda sida marinu gid, makurasug, madunung, maliksi ag madali tudluan, hampay angay sida sa pagsirbi sa hari. Binilinan diman niya si Aspinas kuntay tudlui sida pamagaw hanggan panurat manga taga Babilunya.

Danyil 2:7

Nagsagut maan sida sa hari, “Mahal Hari, sabihan lang sa kanmi kanmu tagin-up bag-u itultul nimi sa kanmu kay ibug sabihun.”

Danyil 3:9

Magkun sida sa kan Hari Nabukudunusur, “Mana lumawig kanmu buhi, Mahal Hari!

Danyil 4:19

Nataranta ag nadala gid si Danyil (pag-ingarnan diman Biltisasar). Nakan magkun ti hari sa kanya, “Biltisasar, danga kawu magkaaburidu sa kang tagin-up ag sa kay kahulugan.” Nagsagut si Biltisasar, “Mahal Hari, mana kanmu tagin-up ag kay kahulugan mangyari sa kanmu manga kalaban danga sa kanmu.

Danyil 4:7

Pagkarinmas-ug ti manga manugsalumangka, pandaniwan, manughula, hanggan pangiwaan, itinultul niku sa kanda kang tagin-up, dapat unman nida mag-itultul kay ibug sabihun.

Danyil 4:9

Magkun aku, ‘Biltisasar, takinan manga manugsalumangka, alam niku asan sa kanmu ti ispiritu banal pag manga diyus, ag madali nimu maalaman ti manga madalum pag manga kahulugan. Nakan tultulan sa kangku nu hintay ti kahulugan manga pangakakitun kang nakitan sa kang tagin-up.

Danyil 5:10

Dapat pagka nasaydan ina hari kanda magbaragawan, nagpakarani siya sa kanda magkun, “Mahal Hari, mana lumawig kanmu buhi. Danga kawu magkadala ag magkaaburidu,

Danyil 5:8

Nagpakarani ti manga madunung sa tunda pag surat sa alad batu. Dapat unman nida magkabasa ngatay mag-itultul sa hari kay kahulugan inda.

Danyil 6:21

Nagsagut si Danyil, “Mana lumawig kanmu buhi, Mahal Hari!

Danyil 6:6

Nakan nag-atag sida sa hari ag magkun, “Mana lumawig kanmu buhi, Mahal Hari!

Danyil 6:7

Kami bilang manga manugpaanyu, manga miyur, manga gubirnadur, manga manughusay, ag manga manug-asikasu sa kanmu kaharian nagkausa manpakihampang sa kanmu kuntay pamuwat kawu usa ka sugu, sa sulud tatlumpulu ka sirang kailangan unman gid may mandarangin una sa kantapu pag diyus ngatay tawu nu unman sa kanmu lang. Ag kailangan tupadun gid inda, dahil una si unu ti lumabag sa inda pag sugu iyamut sa may liyun kali.

Matiyu 21:9

Kayamuan manga tawu ti nagkuyug sa kanya, ti iba mag-una, ti iba magdasun. Nanarawagan sida magkun, “Dayawun ti linahi ni Dabid. Dayawun ti magsitay sa ngaran Panginuun. Dayawun siya una ati sa langit.”

1 Samwil 10:24

Sinabi ni Samwil sa tanan tawu magkun, “Inda yi ngani duy ti pinili Panginuun. Unman may pumarihu sa kanya sa buu Israil.” Bag-u nanriringgitan ti tanan tawu magkun, “Mabuhi ti hari!”