Danyil 2:12 - Hanunuu

¹² Dahil sa kanda isinagut, masyadu gid kay pangagalit hari. Bag-u nagsugu siya kuntay panmatya ti tanan manga dunungin sa Babilunya.

Danyil 2:12 Iomraidhean Croise

Hub 5:2

Ti pangagalit hanggan ti pangimun magmatay sa balaw may intindi pag tawu hanggan sa unman may kadunungan.

Kanta 76:10

Pihu kanmu pangagalit sa manga tawu makapakaun kadayawan sa kanmu; pagpigilan waya nimu ti nasawad nimu pangagalit.

Kabagawan 16:14

Nu mangisug ti hari mahimu may matyun siya, nakan ti madunung pag tawu magsikap gid balaw magalit ti hari.

Kabagawan 19:12

Ti pangagalit hari parihu sa ngurub liyun, dapat kay kaayadan parihu sa tun-ug magpakaun danum sa manga halaman.

Kabagawan 20:2

Nu magkaisug ti hari parihu siya sa mag-ngurub liyun. Nakan nu galitun nimu siya, matyun gid niya kawu.

Kabagawan 29:22

Ti tawu madali magalit makapaumpisa sa kaguluhan, ag pirmi lang siya magsalan.

Danyil 2:24

Bag-u binmalik si Danyil sa kan Aryuk, imaw ti sinugu hari sa pagmatay sa manga dunungin pag manga tawu sa Babilunya. Nagbagaw si Danyil sa kanya, “Danga dapu pagmatya ti dunungin pag manga tawu, nu unman ibahi dapu aku sa hari bag-u itultul niku sa kanya kay ibug sabihun niya tagin-up.”

Danyil 2:5

Magkun ti hari sa kanda, “Inda kang pasya: Nu balaw niyu mahulaan nu hintay kang tagin-up ag kay ibug sabihun inda, pamulud-puludun niku kanyu manga bilug ag ipadaut kanyu manga balay.

Danyil 3:13

Pagka tunda nadnugan hari masyadu gid kay pangagalit. Nakan ipinatawag niya sida ni Sadrak, ni Misak, ag ni Abidnigu.

Danyil 3:19

Dahil sa kanda sagut, nag-amat di kay pangagalit hari sa kanda, ag makitan inda sa kay uyahun. Nakan nagsugu siya kuntay painita waya gid ti pugun makapitu ka bisis.

Danyil 5:19

Dahil sa kapangyarihan ipinakaun Diyus sa kanya, nadala ti manga tawu sa kanya sa tuhay-tuhay pag nasyun hanggan linahi, ag pamagaw. Mahimu niya matyun una si unu kay gustu matyun. Mahimu diman niya balaw matyun una si unu ti balaw niya gustu matyun. Maipaabwat niya ti katungkulan tawu nu gustu niya ipaabwat; maipaababa diman niya ti katungkulan tawu nu gustu niya paababaun.

Matiyu 2:16

Pagka naalaman ni Hirudis siya maaw pinudilan manga madunung pag tawu, nagalit siya masyadu. Nagsugu siya manga sundalu kay ipinamatay ti tanan manga anak lalaki sa banwa Bitlihim hanggan sa kay manga kalibut ginan sa lapsag hanggan sa duwa tugka ka timpu angay sa udas kay pinaingana sa manga madunung pag tawu.

Matiyu 5:22

Dapat kang pagsabihun sa kanyu, ti kada magkutub daut sa kay patar-ari, parusahan diman. Una si unu ti magpuya sa kay patar-ari, daka kay saragtun sa atubangan Katipunan manga Pinunu. Una si unu ti magsabi sa kay patar-ari, ‘Buang kawu’ iyamut gid siya sa impirnu.