Danyil 12:3 - Hanunuu

³ Tunda pag manga nakaintindi sa katutuuhanan ag magtudlu sa manga tawu mangabuhi sa matadlung dum-ag parihu sa manga pamgasan sa langit unman may katapusan.

Danyil 12:3 Iomraidhean Croise

Pag-ighit 34:35

ag magkasilaw yi maan ti manga Israilita sa kay uyahun. Nakan pagpatakipan maan ni Muysis kay uyahun tugka sa makabalik siya sa Turda Taragbuan hampay pumakihampang sa Panginuun.

Kabagawan 11:30

Ti manga pagbuwatun tawu matadlung makaawat sa iba agud mayad ag lumawig kanda buhi. Ag madara niya ti manga tawu sa kay kadunungan.

Kabagawan 3:35

Ti manga madunung pag pahalgaan, dapat ti manga kurang sa intindi pakay-ahun.

Kabagawan 4:18

Ti pangabuhi tawu matadlung parihu sa pagbutlak init mag-amat di magrayaw habang magdugay.

Manugtudlu 12:9

Tuhay waya sa madunung inda pag manugtudlu, pagtudluan diman niya ti manga tawu tungkul sa kay naalaman. Inadalan niya kaayad ti mayamu pag manga sanglitan kay banggitun sitay.

Isayas 53:11

Nu makitan niya kay burak niya kakurian, makabaya siya. Magkun ti Panginuun, “Sa panab-anan kadunungan niku matadlung pag manugsirbi, mayamu ti kilalan-un niya matadlung, mangagwanta siya para sa kanda manga kasalanan.

Hirimyas 23:22

Nu alam lang nida nu hintay ti sa isip niku, sinabi yi mana nida kang manga bagaw sa kang manga nasakupan, hampay patlikudan nida kanda daut pag ugali ag manga pagbuwatun.

Danyil 11:33

“Ti manga nakaintindi sa katutuuhanan manudlu sa mayamu tawu, dapat ay unu-unuhun sida sa sulud pira ka sirang. Ti iba sa kanda matyun sa baladaw ngatay sunugun, ag ti iba bihagun ngatay bul-un kanda manga kasiyunan.

Danyil 11:35

Unu-unuhun ti iba ka nakaintindi sa katutuuhanan hampay bumaliw lunsay ag malumpiyu kanda buhi tugka sa rumas-ug ti katugkaan itinagka pag panahun.

Danyil 12:10

Mayamu ti manga magkilala sa katutuuhanan ti lumpiyuhun kanda buhi, ag makaintindi sida sa manga pagsabihun niku pag bagay. Dapat ti manga daut pagparargu sa pagbuwat kadautan, ag unman sida makaintindi sa manga pagsabihun niku pag bagay.

Matiyu 13:43

Ti manga matadlung rumayaw ga init sa kaharian nida Ama. Ti may tuli kailangan pagpatingi.”

Matiyu 19:28

Sinabi ni Hisus sa kanda magkun, “Ungud duy kang pagsabihun sa kanyu, nu aku, ti Anak Tawu, tumukaw yi aban sa karampatan maghari sa bag-u pag daga, kamu pag sampulu may duwa ti nagkuyug sa kangku, makatukaw diman waydi sa karampatan hampay makapihu sa sampulu may duwa ka linahi Israil nu daut nu mayad.

Matiyu 24:45

Sinabi ni Hisus magkun, “Ti panawuhun nu matinupadun ag mapininsarun imaw ti pagpiyaran niya amu hampay pakan-an niya karan-unun kay kaparihu manga panawuhun, may bahaw, may yabas, may yapun.

Huwan 4:36

Ti manug-ani magtanggap yi kay patabig. Pagtipunun niya ti burak atag sa buhi unman may katapusan. Nakan nakabaya ti manugpamgas hanggan ti manug-ani.

Huwan 5:35

Sa kay magtudlu si Huwan parihu ga sulu nasul-an rinmayaw. Naibug diman kamu nakabaya ngalay-ngalay sa kay pag-itudlu ga sa marayaw.

Binwat 13:1

Sa iglisya sa Antiyukya may manga purupita hanggan manga manugtudlu Bagaw Diyus. Sida ngani ni Birnabi, ni Simyun kay palayaw si Nigir, si Lusyu taga Sirini, si Manain patar-ari sa tabid ni Gubirnadur Hirudis hanggan si Saulu.

1 Kurintu 3:10

Aku ti nagpatindug batu paratungtungan tulduk ga usa ka madunung magpatindug balay angay sa ipinakaun Diyus sa kangku. Iba maan tig batak bat-angan. Dapat pagdahan ti kada tawu nu kabitay kay bumuwat.

Ipisu 4:11

Siya diman ti may ipinakaun sa manga tawu. Kay iba pinakan-an niya katungkulan sa pagka-apustul, ti manga iba sa pagkapurupita, ti iba sa magtudlu Mayad pag Barita, ti iba pinakan-an niya katungkulan hampay mag-alaga sa iglisya, ti iba hampay manugtudlu.

Hibriyu 5:12

Dahil mana kamu kainda madunung yi magtudlu, dapat kailangan ngap may magtudlu waya maan sa kanyu tungkul sa kabag-u ginan pag umpisa adal Bagaw Diyus. Gatas maan kanyu kailangan, bukun maaw maganit pag karan-unun.

2 Pidru 3:15

Isipa gid duy niyu, nakan ngani magpadugay-dugay waya ti Panginuun hampay pakan-an waya kamu rugar agud miribri. Imaw diman kay isinurat ni Pablu, kanta mahal pag patar-ari, sa kay manga surat sa kanyu angay sa kadunungan kay ipinakaun Diyus sa kanya.

Ipinakakit 1:20

Inda kay kahulugan ti pitu ka pamgasan sa kang sikun pag kamang ag ti pitu ka sulu. Ti pitu ka pamgasan imaw ti manga anghil pitu ka iglisya ag ti pitu ka sulu gintu imaw ti pitu ka iglisya.”

Talaghusay 5:31

“Nakan Panginuun, mana maruris ti tanan nimu manga kalaban. Dapat mana ti manga magmahal sa kanmu bumaliw parihu sa init magsinggit marayaw gid.” Ag may kahusayan sa Israil sa sulud upatpulu ka timpu.