Danyil 12:2 - Hanunuu

² Buhiun ti tanan nagkaramatay. Ti iba sa kanda makatanggap buhi unman may katapusan, dapat ti iba saadan ag ipauli sa kakay-ahan unman may katapusan.

Danyil 12:2 Iomraidhean Croise

Kabagawan 12:8

Pagdayawun ti madunung pag tawu, dapat pagpuyaan ti tawu liku kay naisipan.

Isayas 26:19

Dapat utru mabuhi kanmu manga nasakupan namatay. Bumangun kanda manga bangkay ag kumanta sa kabayaan. Nu kabitay ti tun-ug magparamig sa daga, kawu diman Panginuun ti utru bumuhi sa manga namatay.

Isayas 66:24

Sa pagluwas manga nagsamba sa kangku sa Hirusalim, makitan nida ti manga bangkay manga tawu naglaban sa kangku. Ti magkaun sa kanda pag manga sapat balaw magkamatay hanggan ti sumunug pag apuy sa kanda ud magkapsa. Ag kurim-udan sida tanan tawu.”

Hirimyas 20:11

Dapat kaibahan duy niku kawu, Panginuun. Kawu ga sundalu maisug ag makamaskihan, nakan matalu ti manga mag-unuunu sa kangku. Midamhak sida ag mangay-a, una kapira, unman malimtan ti kakay-ahan nida.

Isikil 37:12

Nakan sabihi sida aku, ti Panginuun Diyus, magkun: Nasakupan niku, bukasan niku kanyu manga lulubngan ag buhiun niku kamu, bag-u ibalik sa daga Israil.

Husyas 13:14

Iribri aw niku kamu sa kamatayan? Unman! Sumabi waya ngani aku, ‘Kamatayan, naan yi kanmu manga sarut? Naan yi kanmu kaparusahan para sa inda pag manga tawu?’ “Balaw gid niku kamu kaawaan.

Matiyu 25:46

Tulakun sida tabug sa kaparusahan unman may katapusan. Dapat ti manga matadlung tumanggap tutuu pag buhi unman may katapusan.”

Binwat 24:15

Parihu diman sa kanda mag-asa aku sa Diyus buhiun maan niya ti tanan tawu, ti manga matadlung hanggan ti manga unman matadlung.

Binwat 7:60

Nagluhud siya bag-u nanawag daka magkun, “Panginuun, danga ipakaun nimu sa kanda inda pag kasalanan nida.” Pagka sinabi niya katida, naugtasan yi siya arup.

Ruma 9:21

Unman aw madunung ti manugpanday anglit magbuwat usa ka mahalaga pag anglit, bag-u kay usa basta-basta lang, ginan sa usa lang ka pinkul daga?

1 Tisalunika 4:14

Nagpaniwala kita si Hisus namatay bag-u nabuhi siya uman. Nakan ngani katunda diman kita magpaniwala tungkul sa tanan manga magsarig sa kan Kiristu, nu sida namatay yi, buhiun waydi sida Diyus hampay sida minsan yi sa kan Hisus.

Ipinakakit 20:12

Nakitan niku matindugan sa atubangan tukawan hari ti manga namatay, manga may kangaranan ag manga unman. Bag-u binuklad ti manga ribru. Binuklad ti usa waya ka ribru, imaw ti ribru kabuhian. Pinila ti manga matadlung ginan sa manga balaw matadlung angay sa kanda manga binwat parihu sa isinurat sa manga ribru.