Danyil 12:1 - Hanunuu

¹ Magkun waya ti ga tawu, “Sa ati pag udas, rumas-ug si Mikail, ti makapangyarihan pag takinan mag-apin sa kanmu manga kasimanwa. Makuri gid ti kahamtangan sa ati pag udas. Tunda pag kakurian udwaya nalakawan ginan sa nitindug ti nasyun Israil. Dapat iribri di sa kakurian kanmu manga kasimanwa kay ngaran nakalista sa ribru.

Danyil 12:1 Iomraidhean Croise

Kanta 56:8

Alam nimu kang magkabung-anan. Pagtandaan nimu kang manga maglumi. Unman aw ilinista nimu inda sa kanmu libru?

Kanta 69:28

Panasa kanda manga ngaran sa ribru listahan manga buhi; danga sida paglistahan kaibahan sa manga matadlung.

Isayas 4:3

Ingarnan banal ti manga nasawad buhi sa Siun, ti nailista sa banwa Hirusalim.

Isayas 9:7

Unman may katapusan kay pagdumara mayad ag may kahusayan. Siya ti mumana kay kaharian ni Dabid. Parig-unun niya inda ag humari ti katadlungan ag ti katuwiran hanggan aban. Siguraduhun Panginuun Makamaskihan matupad inda.

Hirimyas 30:10

“Nakan danga kamu magkadala, ngatay magpanlubay, kamu manga linahi ni Hakub kang manugsirbi. Aku, ti Panginuun, magsabi bul-un niku kamu asan gin sa arayu pag rugar nu naan kamu pag binihag. Sa kanyu pagbalik, mangabuhi yi kamu mahusay, mahim-ung, bag-u udyi may pagkadalaan.

Hirimyas 30:7

Masyadu gid madala nu rumas-ug yi tida pag sirang, unman gid inda may kaparihu. Udas kakurian manga lahi ni Hakub, dapat maribri sida sa uryan baliwa ginan sa tida pag kahamtangan.

Isikil 13:9

Parusahan niku inda pag manga purupita kanda pangakakitun balaw tutuu ag kanda pag-ihula kapudilan. Balaw sida kilalan-un sakup sa kang nasakupan ag kanda manga ngaran balaw isurat sa listahan nasakupan Israil, ag balaw diman sida makasulud sa daga Israil. Bag-u maalaman niyu aku ti Panginuun Diyus.

Isikil 34:24

Aku, ti Panginuun, bumaliw kanda Diyus, ag ti linahi niku suruguun ni Dabid imaw ti manug-alaga sa kanda. Aku, ti Panginuun, ti magbagaw inda.

Isikil 5:9

Dahil sa kanyu mayagting pag manga pagbuwatun, buwatun niku sa kanyu ti balaw waya niku nabwat ag ti balaw yi niku buwatun uman.

Danyil 10:13

Dapat balaw aku rargu nakaras-ug sitay dahil sa sulud 21 ka sirang inampara aku takinan kaharian Pirsiya. Mayad lang inawatan aku ni Mikail, takinan manga anghil, dahil aku lang ti naglaban sa takinan Pirsiya.

Danyil 10:21

Nagsitay aku hampay itultul sa kanmu ti nakasurat sa Ribru Katutuuhanan. Sa kang maglaban, unman may iba nangawat sa kangku nu unman si Mikail lang gid, ti takinan Israil.

Danyil 11:45

Mamatindug siya marinu pag turda hari sa tab-anan dagat ag banal pag bantud. Dapat mamatay siya unman gid may mangawat sa kanya.”

Danyil 7:10

Ag may magbulus apuy ginan sa kanya. Linibu ag minilyun manga anghil ti magsirbi sa kanya. Handa yi siya sa pagsintinsiya, nakan binukasan ti manga ribru.

Danyil 9:12

Tinupad nimu kanmu pagsabihun laban sa kanmi hanggan sa kanmi manga takinan kuntay parusahan nimu kami masyadu gid. Nakan ti nangyari sa Hirusalim unman gid may kaparihu sa buu kalibutan.

Huwil 2:2

Marurum ag madulum sa ati aban pag sirang. Ti kagadhan ag makapangyarihan pag manga apan rumas-ug ag mamululagan sa kabantudan parihu sa singgit init nu magbutlak sa surip. Udwaya may nangyari ga kainda ginan kaybi, ag balaw yi may mangyari ga kainda tugka aban.

Malakyas 3:16

Bag-u ti manga maggalang sa Panginuun nanharampangan. Namatingi sa kanda ti Panginuun ag nasaydan niya kanda paghampangan. Isinurat kanda manga ngaran sa ribru ati sa atubangan Panginuun, hampay maalaala niya sida maggalang maaw ag mag-alaala pirmi sa kanya.

Matiyu 24:21

Dahil ati katpung aban ti manga tawu makalakaw sa subra yi gid pag kakurian unman waya nalakawan manga tawu ginan waya sa pagkalalang kalibutan hanggan waya taynguna tugka, dayi malakawan maan hanggan waya aban.

Markus 13:19

Dahil ati katpung aban ti manga tawu makalakaw sa subra yi gid pag kakurian unman waya nalakawan manga tawu ginan waya sa kay pagkalalang Diyus sa kalibutan hanggan waya taynguna tugka ag dayi malakawan maan hanggan waya aban.

Lukas 10:20

Dapat duy danga kamu magbaya dahil ti manga labang magpaniwala sa kanyu. Lalu ngap kamu pagbaya dahil kanyu manga ngaran ilinista yi Diyus sa langit.”

Ruma 11:15

Pagka sida dinayu Diyus bag-u pinaunyun ngap Diyus ti manga nasyun taga kalibutan tabug sa kanya. Nu bay tanggapun maan Diyus ti manga Hudiyu, tunda ga magpakaun buhi sa namatay.

Ruma 11:26

Nu katunda, miribri di aban ti usa ka nasyun Israil, angay sa isinurat sa Banal Kasuratan magkun, “Aban ginan sa Siun ti Manugribri, duraun niya ti tanan kadautan linahi ni Hakub.

Ipisu 1:21

Nakan ngani ti tanan manga naminunu, manga may kangaranan, manga kamaskihan hanggan manga magpamahala, una sa babaw daga una sa langit, sa sirung di kamaskihan ni Kiristu. Subra kay ngaran ni Kiristu balaw lang ga iba ngaran, balaw lang sa taynguna hanggan sa paratabgan.

Pilipus 4:3

Ag kawu duy usa ka mayad pag kaawat niku, kang pagsabihan diman kawu, awati nimu asan pag manga babayi hampay udyi sida mag-arawayan. Dahil manga masipag diman waydi sida kaibahan niku sa magpadakit Mayad pag Barita. Nagkarausa diman sida sa buruwatun tabug sa kan Kaluminti hanggan sa tanan niku pag manga kaibahan sa tarabahu. Kanda manga ngaran nisurat sa listahan pag ribru. Ati pag ilinista ti manga ngaran tawu pinakan-an buhi unman may katapusan.

Hudas 1:9

Sa kanda katpung magtalaluhan diyablu tungkul sa bangkay ni Muysis ti pangulu anghil si Mikail unman nagpanghas nagbangdan sa diyablu. Sinabi lang niya sa diyablu, “Tamyawun kawu Panginuun.”

Ipinakakit 1:5

Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.

Ipinakakit 12:7

Bag-u may gira sa langit. Ti pangulu anghil si Mikail, hanggan manga anghil naglaban sa daragun. Ti daragun hanggan kay manga kakampi pag manga anghil naglaban gid sa gira.

Ipinakakit 13:8

Sumamba sa kanya ti tanan tawu magkabuhi sa babaw daga, purya lang ti manga tawu kay ngaran nisurat yi sa ribru kabuhian ginan waya sa pagkalalang kalibutan. Tunda pag ribru kay apu ti Anak Karanidu imaw ti minatay.

Ipinakakit 17:14

Girahun nida ti Anak Karanidu dapat matalu diman sida dahil ti Anak Karanidu Panginuun manga panginuun, siya diman ti Hari manga hari. May kahuray aban sa kay panalu ti manga tinawag, ti manga pinili ag ti manga matinupadun pag manga magsunud sa kanya.”

Ipinakakit 20:12

Nakitan niku matindugan sa atubangan tukawan hari ti manga namatay, manga may kangaranan ag manga unman. Bag-u binuklad ti manga ribru. Binuklad ti usa waya ka ribru, imaw ti ribru kabuhian. Pinila ti manga matadlung ginan sa manga balaw matadlung angay sa kanda manga binwat parihu sa isinurat sa manga ribru.

Ipinakakit 20:15

Ayinmut waydi sa danaw apuy una si unu ti unman nisurat kay ngaran sa ribru kabuhian.

Ipinakakit 3:5

Ti manalu pag tawu imaw ti makasulung rutay malagti. Dayu bul-un niku kay ngaran ginan sa ribru kabuhian. Magkakilala niku siya sa atubangan niku Ama hanggan sa atubangan niya manga anghil.

Ipinakakit 7:14

Kang sagut magkun, “Tau duy, kawu ngap ti katanda.” Sinabi niya sa kangku magkun, “Sida ti nakalapus sa mahigpit pag unu-unu, linumpiyu nida kanda rutay linagti sa dugu Anak Karanidu.