Danyil 11:4 - Hanunuu

⁴ Nu makapangyarihan yi siya, madaut kay kaharian ag matunga sa upat ka suuk kalibutan, dapat balaw kay manga katawuhan ti humari. Ti manga umilis sa kanya pag hari balaw yi pumarihu sa kanya pag pamahala. Bul-un kay kaharian ag iayaw sa iba.

Danyil 11:4 Iomraidhean Croise

Kanta 39:6

ngatay parihu lang sa aninu magkalyam. Magkahilig ti tawu sa manga buruwatun unman may pulus. Magtipun siya kasiyunan, dapat balaw niya alam nu si unu ti manginabang inda nu mamatay yi siya.

Manugtudlu 4:8

May usa ka tawu usa-usa magpangabuhi. Unman siya may anak ngatay patar-ari, dapat unman may apas kay magpangabudlay, ag unman siya magbaya sa kay kayamanan. Magbagaw siya sa kay sadili, “Udyi aku makabaya dahil sa masyadu pagpangabudlay. Dapat unman diman aku may matayakan kang pinamudlayan.” Unman inda may pulus! Maruku inda pag kalasi magpangabuhi!

Hirimyas 12:15

Dapat aban sa uryan, kaawaan di maan niku tunda pag manga nasyun bag-u ibalik di niku sida sa sadili nida ulian.

Hirimyas 12:17

Dapat ay una naan pag nasyun nu balaw sumunud sa kangku palayasun niku sida ginan sa kanda manga daga bag-u rurisun. Aku, ti Panginuun ti magsabi inda.”

Hirimyas 18:7

Nu sabihun niku ti usa ka nasyun ngatay kaharian marangga ngatay mawayak,

Hirimyas 31:40

Ti buu luung pagyamtan manga bangkay ag manga paruk nakatigana sa kangku, hanggan ti tanan manga tanman sa Luung Kidrun tugka sa sabian pag-ingarnan Kabayu sa butlakan. Inda pag banwa balaw yi gid mawayak ngatay magba maan.”

Hirimyas 45:4

“Baruk, inda waya ti sinabi Panginuun ‘Wasakun niku inda pag nasyun kang ipinatindug. Ayitun niku kang itinanum. Ag buwatun niku inda sa buu daga.

Hirimyas 49:36

Girahun ti Ilam manga kalaban ginan sa tanan bahagi, ag wayakun niku kay manga nasakupan sa tanan rugar. Ag bihagun sida sa tanan nasyun sa buu kalibutan.

Isikil 37:9

Magkun ti Panginuun sa kangku, “Anak tawu, sabihi ti durus aku, ti Panginuun Diyus, magkun: Durus, pag-uyup kawu ginan sa upat ka bahagi, sa pagpakaun arup sa inda pag manga namatay hampay mabuhi sida.”

Danyil 7:2

“Usa ka yabi, may nakitan aku sa kang pangakakitun usa ka malapad pag dagat paghampakun mabisug pag durus ginan sa upat ka puun durus.

Danyil 7:6

“Bag-u nakitan niku ti ikatlu pag hayup ga liyupardu. May upat tunda ka pakpak ag upat ka ulu. Pinakan-an siya kapangyarihan hampay magdumara.

Danyil 7:8

“Habang pagturunun niku ti manga sungay, nakitan niku may magbusngil diit pag sungay ag napunggal ti tulu ka sungay. Inda pag sungay may mata parihu sa tawu ag may bibig magpadayaw.

Danyil 8:22

Ti upat ka sungay nagtubu pagka napunggal ti un-an pag sungay kay kahulugan upat ka kaharian Grisya naayaw-ayaw. Dapat kanda manga hari unman magmakapangyarihan parihu sa un-an pag kaharian.

Danyil 8:8

Nagmakapangyarihan waya gid ti kambing. Dapat sa masyadu gid pag kapangyarihan, napuud kay daka pag sungay. Dapat may tinmubu upat ka tuhay pag sungay kay turunu sa upat ka suuk kalibutan.

Sakaryas 2:6

Magkun ti Panginuun sa manga Israilita, “Pinanwayak niku kamu una naan tag baliwa sa buu kalibutan. Dapat taynguna, pag-ighit yi kamu, hanggan kamu pag manga binihag sa Babilunya, ag pagbalik kamu sa Siun.”

Sakaryas 6:5

Magkun siya sa kangku, “Inda sida imaw ti upat ka durus sa kapawaan langit ginan sa atubangan Panginuun sa buu kalibutan.

Matiyu 12:25

Alam di ni Hisus kanda pag-isipun, nakan kay sinabi sa kanda magkun, “Marangga ti kada kaharian nu udyi magkarausa maglalabanan wadi. Mawayak yi ti banwa una ti magtal-anakan nu udyi magkarasunduan kay manga tawu sa kanda ginan nangarawayan.

Lukas 12:20

Dapat kay sabi Diyus sa kanya, ‘Kawu pag tawu ga ud may namuangan. Sab yabi bul-un yi niku kam buhi. Kanmu itinigana hamnu kantapu yi nguna aban tida?’ ”

Ipinakakit 7:1

Tunda ginan may nakitan maan aku upat ka anghil. Sida upat nagtimbangan sa bilug kalibutan. Inampara nida ti upat ka puun durus hampay unman dapu humuyup sa daga, sa dagat una hanggan sa naan pag puun kayu.