Danyil 11:3 - Hanunuu

³ Bag-u may usa waya gid ka makapangyarihan pag hari ti rumas-ug. Mayamu nasyun kay sakupun ag buwatun niya kay gustu buwatun.

Danyil 11:3 Iomraidhean Croise

Danyil 11:16

Nakan buwatun hari Sirya ti una hintay kay gustu buwatun, ag unman gid may makaampara sa kanya. Sakupun niya ti marinu pag daga Israil, ag lubus inda ipasirung sa kay kapangyarihan.

Danyil 11:36

“Buwatun hari Sirya una hintay kay gustu buwatun. Kilalan-un niya kay sadili abwat man sa tanan diyus, ag puyaan niya ti Diyus abwat man sa tanan pag diyus. Magmarapanalu siya tugka sa udas ipakakit Diyus kay pangagalit, dahil kailangan gid mangyari ti manga bagay ihinanda Diyus mangyari.

Danyil 4:35

Ud may halaga ti manga tawu sa kalibutan nu ipaparihu sa kanya. Pagbuwatun niya kay gustu sa manga anghil sa langit hanggan sa manga tawu sa daga. Unman may makaampara ngatay makahadlang sa kanya.’

Danyil 5:19

Dahil sa kapangyarihan ipinakaun Diyus sa kanya, nadala ti manga tawu sa kanya sa tuhay-tuhay pag nasyun hanggan linahi, ag pamagaw. Mahimu niya matyun una si unu kay gustu matyun. Mahimu diman niya balaw matyun una si unu ti balaw niya gustu matyun. Maipaabwat niya ti katungkulan tawu nu gustu niya ipaabwat; maipaababa diman niya ti katungkulan tawu nu gustu niya paababaun.

Danyil 7:6

“Bag-u nakitan niku ti ikatlu pag hayup ga liyupardu. May upat tunda ka pakpak ag upat ka ulu. Pinakan-an siya kapangyarihan hampay magdumara.

Danyil 8:21

Tunda pag kambing kay kahulugan ti kaharian Grisya, ag ti daka pag sungay sa tab-anan niya manga mata kay kahulugan ti un-an pag hari.

Ipisu 1:11

Dahil sa kan Kiristu, kami ti pinili Diyus ag ibinukud hampay kanya. Diyus ti nagbuwat tanan bagay angay sa kay turunu niya kagustuhan. Kainda kay turunu niya gayak,

Hibriyu 2:4

Ipinakakit diman waydi Diyus bilang puruyba ti manga makadululaw ag lilingutan pag manga tanda ag ti tuhay-tuhay pag mamaski buwat hanggan ti may manga pakaun Ispiritu Banal kay ihinuray sa iglisya angay sa kay sadili kagustuhan.

Santiyagu 1:18

Angay sa kay kagustuhan binag-u niya kanta buhi pagka ipinakilala niya sa kanta ti bagaw katutuuhanan, hampay kita bilang ga kay yi akaan burak sa tanan niya linalang.