Danyil 10:16 - Hanunuu

¹⁶ Tunda pag bilang ga tawu ti naghikap sa kang bibig nakan nakabagaw maan aku. Magkun aku sa kanya sa matindugan sa kang atubangan, “Duy, naaburidu gid aku ag nabul-an kabisugan dahil sa tunda pag nakitan niku pangakakitun.

Danyil 10:16 Iomraidhean Croise

Pag-ighit 4:10

Magkun si Muysis sa Panginuun, “Panginuun, unman aku madunung magbagaw. Ginan waya kaybi magkakurian aku magbagaw. Una ngani kainda paghampangun nimu aku, kanmu manugsirbi, hutal-hutal aku nu magbagaw.”

Pag-ighit 4:13

Dapat magkun si Muysis, “Panginuun, nu mahimu duy pagpadara yi lang kawu tuhay pag tawu.”

Manugtudlu 1:18

Dahil pagka magdugang kang naalaman, magdugang diman kang karukuan.

Isayas 6:7

Ipinad-ut niya ti baga sa kang bibig ag magkun, “Hinikap yi kanmu bibig, udyi kawu may kasalanan dahil pinatawad yi kawu.”

Hirimyas 1:9

Bag-u hinikap Panginuun kang tarip bibig ag magkun, “Ipakaun niku sa kanmu taynguna ti sarabihun nimu pag manga bagaw niku.

Isikil 1:26

May imaw ati ga tukawan hari binwat ginan sa batu sapiru, ag may matukawan ga tawu sa inda pag tukawan hari.

Isikil 3:27

Dapat sa udas manpakihampang aku sa kanmu, makabagaw yi kawu. Ag tultulan nimu sa kanda ti tultulanun ginan sa kangku, ti Panginuun Diyus. Ti iba sa kanda mamatingi, dapat ti iba unman, dahil manga maglaban sida pag nasakupan.”

Isikil 33:22

Katpung sa yabi unman waya nagras-ug tunda pag tawu, sinuldan aku Panginuun ag nakabagaw maan aku. Nakan pagka rinmas-ug tunda pag tawu sa surip, nakabagaw yi aku.

Danyil 12:8

Unman niku nasalman kay sagut, nakan pinaingana niku siya, “Duy, hintay gid lugud ti mangyari?”

Danyil 4:19

Nataranta ag nadala gid si Danyil (pag-ingarnan diman Biltisasar). Nakan magkun ti hari sa kanya, “Biltisasar, danga kawu magkaaburidu sa kang tagin-up ag sa kay kahulugan.” Nagsagut si Biltisasar, “Mahal Hari, mana kanmu tagin-up ag kay kahulugan mangyari sa kanmu manga kalaban danga sa kanmu.

Danyil 7:15

“Naaburidu gid aku sa kang nakitan.

Danyil 7:28

“Imaw tunda kang tagin-up. Naaburidu gid aku ag nanlapsi sa dala. Dapat unman niku itinultul inda una sa kantapu.”

Danyil 8:15

Habang magbantay aku sa tunda pag pangakakitun pag-isip-isipun niku nu hintay tunda kay kahulugan, kadaka lang may nagtindug sa kang atubangan ga tawu.

Danyil 8:17

Pagka nagpakarani si Gabril sa kangku, nagluhud aku sa dala. Dapat magkun siya, “Tawu, kailangan masalman nimu kanmu pangakakitun tungkul sa uryan pag panahun.”

Danyil 8:18

Habang maghampang siya sa kangku, nabul-an malay aku ag nisubsub sa daga. Dapat hiniyaptan niya aku ag binangun.

Danyil 8:27

Tunda ginan, aku, si Danyil, linubayan ag nasakit manga pira ka sirang. Pagka naayadan aku, nagbalik aku sa tarabahu ipinakaun hari sa kangku. Dapat parargu di gid niku pag-isipun tunda pag pangakakitun balaw niku magkasalman.

Danyil 9:21

Ag habang magdarangin aku, naglayang madali si Gabril atag sa kangku nakitan niku sa kang pangakakitun. Katpung sa udas maghugut marukirum pag handug.

Lukas 1:64

Kadaka ngap nang-at kay bibig ni Sakaryas. Binmagaw siya ag dinayaw niya ti Diyus.

Lukas 21:15

Dahil pakan-an niku kamu bagaw pananagut hanggan kadunungan hampay udyi makalaban udyi waydi tumanggi kanyu tanan manga kalaban.

Huwan 20:28

Sinabi ni Tumas sa kan Hisus magkun, “Kawu duy kang Panginuun hanggan kang Diyus.”

Huswi 5:14

Nagsagut ti tawu, “Balaw aku kanyu sundalu ngatay kanyu kalaban. Nag-ataytag aku bilang kumandir sundalu Panginuun.” Napadapa si Huswi bilang paggalang sa kanya ag nagpaingana, “Hintay duy kanmu gustu ipabuwat sa kangku, sa kanmu manugsirbi?”

Ipinakakit 1:13

May matindugan sa karaw-an pitu ka sulu kay histuda ga anyu tawu nakalambung aba sadsad sa raprapa, may huragkus gintu sa kay dubdub.

Talaghusay 13:8

Dahil siyun, nandarangin si Manwa sa Panginuun. Magkun siya, “Panginuun, nu mahimu pabalika kanmu ipinadara pag suruguun hampay tudluan kami nu unu ti dapat nimi buwatun sa anak nimi nu mianak yi siya.”

Talaghusay 6:13

Nagsagut si Gidyun, “Nu kaibahan nimi ti Panginuun, hayga unman siya magbuwat manga makadululaw parihu sa kay binwat kaybi pagka ipinalwas niya sa Ihiptu kanmi manga ginurang, angay sa kanda sinabi sa kanmi? Dapat taynguna pinabay-anan yi kami Panginuun ag ipinahintulut sa manga Midyanita.”

Talaghusay 6:15

Nagsagut si Gidyun, “Dapat, Panginuun, kabitay niku miribri ti Israil, dahil kanmi magtal-anakan imaw ti pinakamalumuy sa lahi ni Manasis ag aku waya gid ti unman may pulus sa kanmi magtal-anakan.”