Danyil 10:12 - Hanunuu

¹² Magkun waya siya sa kangku, “Danyil, danga kawu magkadala. Sa un-an di waya pag sirang sa kanmu pagpakumbaba sa Diyus ag sa kanmu kagustuhan masalman ti manga pangakakitun, sinagut yi Diyus kanmu darangin. Nakan nagsitay aku nagdara sagut sa kanmu darangin.

Danyil 10:12 Iomraidhean Croise

Kanta 69:10

Nu maglumi aku ag magpauray, pagpakay-ahun nida aku.

Isayas 35:4

Sabihun niyu sa manga magkadala, “Danga kamu magkadala. Pabisuga niyu kanyu nalub-anan. Rumas-ug kanyu Diyus hampay manmalus sa kanyu manga kalaban, ag iribri niya kamu.”

Isayas 41:10

Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Isayas 41:14

Una diit lang kawu ag malumuy, danga kawu magkadala dahil aku gid ngap ti mangawat sa kanmu. Aku, ti Panginuun, ti magsabi inda. Aku kanmu Manugribri, ti Banal pag Diyus Israil.

Isayas 58:9

Nu manpakarani kamu sa kangku hampay manhagad awat, sagutun niku kamu. “Nu apasan niyu kanyu mag-api, ti magbangdan kapudilan, ti magbagaw daut,

Isayas 65:24

Bag-u di sida mandarangin ngatay sa udas di waya magdarangin, sagtun yi niku sida.

Danyil 10:11

Magkun siya, “Danyil, pagmahalun kawu Diyus. Pagtindug kawu ag pagpatingi mayad sa kang sabihun sa kanmu, dahil ipinadara aku Diyus atay sa kanmu.” Pagka nagsabi siya kaati, tinmindug aku pagtakigan.

Danyil 10:19

Magkun siya sa kangku, “Kawu pagmahalun Diyus, danga kawu magkadala ngatay magkaarimputu. Pagpakabisug ag pagpakarig-un kawu.” Pagka nasabi niya tunda sa kangku, binmaskug maan aku. Magkun aku sa kanya, “Pararguhan duy kanmu pagbagawun, dahil pinabisug yi nimu aku.”

Libitiku 16:29

Tunda ngani ti dapat buwatun manga taga Israil hanggan manga day-uhan mag-ulian kaibahan nida, tupadun nida inda hanggan waya aban. Sa ikasampulu pag sirang sa ikapitu pag bulan kailangan unman sida manhandum karan-unun ag danga diman magtarabahu, parihu sa Sirang Pamahari. Dahil sa tunda pag sirang buwatun nida ti tun-anun sa paglukat sa kanda ginan sa kanda manga kasalanan hampay malumpiyu sida sa atubangan Panginuun.

Bilang 29:7

“Sa ikasampulu pag sirang sa ikapitu pag bulan, pagtiripun kamu pagsamba sa Panginuun. Kailangan unman maghandum karan-unun kamu ag danga gid magtarabahu.

Matiyu 28:10

Bag-u sinabi ni Hisus sa kanda, “Danga duy kamu magkadala, pag-ati yi kamu sabihi niyu kang manga patar-ari, pag-atag sida sa Galiliya, ati pag makitan nida aku.”

Matiyu 28:5

Magkun ti anghil sa manga babayi, “Kamu duy danga magkadala, dahil alam niku paghanapun niyu si Hisus ti ipinaku sa kurus.

Markus 16:6

Magkun ti lalaki, “Danga magkadala kamu. Paghanapun niyu si Hisus taga Nasarit, ti ipinaku sa kurus. Nabuhi siya uman. Udyi siya sitay. Bantayi niyu, asan kay nagkabugtangan niya.

Lukas 1:13

Dapat sinabi anghil sa kanya, “Sakaryas, danga magkadala duy, dahil nadnugan Diyus kanmu darangin. Kanmu asawa si Ilisabit aban manganak gid duy anak lalaki, ag siya kanmu paingarnan Huwan.”

Lukas 1:30

Magkun ti anghil sa kanya, “Danga kawu magkadala duy, Marya. Dahil kinaawaan kawu Diyus.

Lukas 2:10

Dapat magkun ti anghil sa kanda, “Kamu duy, danga magkadala, dahil malu, may dara aku sa kanyu tabug usa ka mayad gid pag barita may daka pag kabayaan sa tanan tawu.

Lukas 24:38

Sinabi ni Hisus sa kanda, “Hayga kamu magkaaburidu? Hayga magtalinduwa waya sa kanyu naisipan?

Binwat 27:24

Nagsabi ti anghil magkun, ‘Danga kawu magkadala, Pablu. Kailangan kawu umatubang sa Pangulu Hari. Mayad kay nabubut-un Diyus sa kanmu nakan iribri diman niya ti tanan manga kaibahan nimu sa bangka.’ ”

Ipinakakit 1:17

Pagka nakitan niku siya, naplid aku kadaka ga namatay yi sa kay atubangan. Dapat ay kay kinup-an aku niya sikun pag kamang bag-u kay sinabi magkun, “Danga duy kawu magkadala. Aku ti gimpuunan, aku diman ti masawad.