Danyil 10:1 - Hanunuu

¹ Sa ikatlu pag timpu paghari ni Sayrus sa Pirsiya, may ipinasandam tultulanun sa kan Danyil pag-ingarnan diman Biltisasar. Tutuu ti tultulanun, tungkul inda sa laun pag girahan. Nasalman ni Danyil ti tultulanun dahil ipinaliwanag inda sa kanya sa panab-anan usa ka pangakakitun.

Danyil 10:1 Iomraidhean Croise

Gimpuunan 41:32

Kadwa ginan duy kawu nanagin-up, Mahal Hari, hampay maalaman nimu itinagka Diyus inda mangyari udyi dugay aban.

2 Krunika 36:22

Katpung sa un-an pag timpu kay maghari ni Sayrus sa Pirsiya, tinupad Panginuun kay sinabi niya sa panab-anan ni Hirimyas. Inayuhap niya kay tagipusuun ni Sayrus hampay manmuwat usa ka paalam. Isinurat inda ag ipinadara sa kay buu kaharian.

Isra 3:7

Nagpakaun ti manga Israilita kuwarta pamayad sa manga manugbagasbas batu hanggan sa manga manugpanday. Namakaun diman sida manga karan-unun, irinmun, hanggan lana ulibu pamayad sa manga taga Sidun ag taga Tiru para sa manga kayu sidru ginan sa Libanun. Inda pag manga kayu ikarga sa manga barku ag daran-un sa Hupa. Pinahintulutan inda ni Hari Sayrus taga Pirsiya.

Isra 4:3

Dapat inda ti isinagut nida ni Surubabil, ni Hisuwa, hanggan manga takinan manga magtal-anakan: “Sinugu kami ni Hari Sayrus taga Pirsiya kuntay bungsudan maan ti Balay Diyus. Dapat unman kamu kaibahan sa pagpabungsud inda para sa kanmi Diyus. Kami lang ti manbungsud inda para sa Panginuun ti Diyus Israil.”

Isra 4:5

Inupahan nida ti manga takinan gubirnu Pirsiya hampay amparahun ti manga paggayakun manga nasakupan Huda. Parargu nida pagbuwatun inda ginan waya sa panahun si Sayrus ti hari sa Pirsiya tugka sa panahun si Daryu yi ti hari sa Pirsiya.

Isra 6:14

Nakan nagparargu sa pagtarabahu ti manga takinan manga Hudiyu habang pagpabisugun sida bagaw manga purupita, nida ni Hagay ni Sakaryas kay laki ni Idu. Natapus nida natarabahu ti Balay Diyus angay sa sugu Diyus Israil. Ipinatupad inda nida ni Sayrus, ni Daryu, ag ni Artasirsis, ti magkasunud-sunud pag manga hari sa Pirsiya.

Isra 6:3

“Inda pag kasuratan magpaalaala sa un-an pag timpu paghari ni Sayrus, nagsugu siya bungsudan uman ti Balay Diyus sa Hirusalim nu naan pag pag-isagda ti manga handug. Kailangan mapag-un kay paratungtungan balay inda. Ag kailangan 60 ka luk-an siku kay abwat ag 60 diman ka luk-an siku kay kaluang.

Isayas 44:28

Magkun aku kan Sayrus, “Kawu ti manugbantay niku manga nasakupan ag buwatun nimu ti tanan niku gustu. Pagsugu kawu kuntay patindugan maan ti Hirusalim hanggan ti Balay Diyus.”

Danyil 1:17

Pinakan-an Diyus inda pag upat ka kan-akan kadunungan lalu yi gid sa tuhay-tuhay pag manga barasahun ag manga kaalaman. Bukud waya sa inda, pinakan-an niya si Danyil kadunungan sa pagtultul manga pangakakitun hanggan manga tagin-up.

Danyil 1:21

Nagparargu sa pagsirbi si Danyil sa kaharian Babilunya tugka sa un-an pag timpu sa kay maghari ni Sayrus.

Danyil 1:7

Inilisan ni Aspinas kanda manga ngaran. Si Danyil si Biltisasar, si Ananiyas si Sadrak, si Misail si Misak, ag si Asariyas si Abidnigu.

Danyil 10:14

Taynguna, inda yi aku hampay itultul sa kanmu nu hintay ti mangyari sa kanmu manga kasimanwa Israilita sa aratubangun, dahil kanmu pangakakitun tungkul inda sa mangyari aban.”

Danyil 11:2

“Taynguna, itultul niku sa kanmu ti katutuuhanan: May tulu waya ka hari ti humari sa Pirsiya. Ti ikap-at pag hari dumasun sa kanda mas mayaman waya kaysa kanda. Sa panab-anan niya kayamanan, bumaliw makapangyarihan siya ag udyukan niya ti iba kaharian kuntay labanan ti kaharian Grisya.

Danyil 12:4

Dapat Danyil, siraduha lang dap inda pag ribru ag danga dapu pagsabihan sa manga tawu inda pag barita tugka sa ud rumas-ug ti katapusan. Habang unman waya inda pag-itultul, mayamu ti manipag sa pag-intindi sa manga magpangyari.”

Danyil 12:9

Nagsagut siya, “Danyil, paglakaw yi kawu, dahil kay sagut sa kanmu paingana lihim lang ag balaw kailangan itultul tugka sa ud rumas-ug ti katapusan.

Danyil 2:21

Siya ti magbag-u sa manga panahun. Siya ti mag-udyuk nu si unu ti humari ag siya diman ti mag-ilis sa kanya. Siya ti magpakaun kadunungan sa manga dunungin.

Danyil 4:8

“Pagka sa uryan, nag-atag si Danyil sa kangku. (Iningarnan siya Biltisasar imaw kay ngaran niku diyus. Ag asan sa kanya ti ispiritu banal pag manga diyus.) Itinultul niku sa kanya kang tagin-up.

Danyil 5:12

Siya si Danyil iningarnan nimu ama si Biltisasar. May tuhay siya pag kakayahan ag kadunungan. May kakayahan siya magtultul kahulugan manga tagin-up, magpintu manga pirintuun, ag mag-alam manga makuri pag manga kakurian. Nakan ipatawag nimu siya ag itultul niya ti kahulugan nakasurat ati sa alad batu.”

Danyil 5:17

Nagsagut si Danyil, “Sa kanmu yi lang inda pag manga pangayaw, Mahal Hari, nu unman ayawan yi lang sa iba. Dapat basahun di niku para sa kanmu tunda pag nakasurat sa alad batu ag itultul nu hintay kay kahulugan tunda.

Danyil 6:28

Nag-abunda si Danyil sa kay paghari ni Daryu hanggan sa kay paghari ni Sayrus taga Pirsiya.

Danyil 8:16

Bag-u may nasaydan aku busis tawu ginan sa Sapa Ulai magkun, “Gabril, tultulan sa kanya kay kahulugan pangakakitun.”

Danyil 8:26

“Danyil, tutuu gid kanmu nakitan pag pangakakitun tungkul sa pag-ampara sa pansurip ag sa maghugut marukirum pag handug. Dapat danga lang dapu pagsabihan inda dahil dugay waya waydi mangyari.”

Lukas 1:20

Malu, taynguna ginan kawu buyun yi unman kawu makabagaw hanggan sa udwaya mamhan kang manga binagaw sa kanmu, dahil unman kawu naniwala sa kang manga binagaw, madi pihu matupad aban sa kay taning pag kaudasan.”

Ipinakakit 19:9

Sinabi anghil sa kangku, “Isurat nimu inda: Mapalad ti manga binan-awan sa karan-an sa pamasaruhan Anak Karanidu.” Kay sabi waya anghil sa kangku, “Inda ti tutuu pag manga bagaw Diyus.”