Danyil 1:4 - Hanunuu

⁴ Kailangan inda sida marinu gid, makurasug, madunung, maliksi ag madali tudluan, hampay angay sida sa pagsirbi sa hari. Binilinan diman niya si Aspinas kuntay tudlui sida pamagaw hanggan panurat manga taga Babilunya.

Danyil 1:4 Iomraidhean Croise

Gimpuunan 41:46

Si Husi 30 ka timpu yi kay mag-umpisa magsirbi sa hari Ihiptu. Tinayakan dap niya ti balay hari ag namalibutan sa buu Ihiptu.

2 Samwil 14:25

Unman yi may humigit waya sa kay karinuan ni Absalum sa buu Israil nakan ti tanan maghanga gid sa kanya. Unman may ikasabi sa kanya ginan ulu tugka sa raprapa.

Kabagawan 22:29

Ti tawu mayad magtarabahu sumirbi sa hari ag balaw sa kay kaparihu lang tawu.

Manugtudlu 7:19

Laun ti mabuwat kadunungan sa usa ka tawu kaysa mabwat sampulu ka takinan sa usa ka banwa.

Isayas 36:11

Magkun sida ni Ilyakim, ni Sibna ag ni Huwa sa kumandir manga sundalu, “Paghampang duy kawu sa kanmi sa pamagaw Aramiku, dahil magkasalman di nimi tunda pag pamagaw. Danga kawu magbagaw pamagaw Hibriyu dahil madnugan kawu manga tawu sa may alad batu banwa.”

Hirimyas 5:15

Magkun ti Panginuun, “Manga nasakupan Israil, mamadara aku manga tawu ginan sa arayu pag nasyun hampay girahun kamu. Inda usa sa pinaka un-an pag nasyun kay pamagaw unman niyu magkasalman.

Danyil 2:10

Nagsagut sida sa hari, “Unman gid may tawu sa buu kalibutan ti makabwat sa kanmu paghagadun. Ag unman diman may hari, una kabitay waya kay kapangyarihan, magsugu sa manga manugsalumangka, pandaniwan, una manughula ti makabuwat katida.

Danyil 2:2

Ipinatawag niya kay manga manugsalumangka, pandaniwan, pangiwaan, hanggan manga manughula, hampay itultul nida ti manga tagin-up niya.

Danyil 3:8

Sa tunda pag udas, may pira ka taga Babilunya ti nagpakarani sa hari ag isinumbung nida ti manga Hudiyu.

Danyil 4:7

Pagkarinmas-ug ti manga manugsalumangka, pandaniwan, manughula, hanggan pangiwaan, itinultul niku sa kanda kang tagin-up, dapat unman nida mag-itultul kay ibug sabihun.

Danyil 5:11

dahil may usa ka tawu sa kanmu kaharian ati sa kanya ti ispiritu banal manga diyus. Katpung panahun nimu ama ni Hari Nabukudunusur, inda pag tawu nagpakakit kay kadunungan parihu sa kadunungan manga diyus. Siya ti binwat nimu ama takinan manga manugsalumangka, manga tihulan, manga manughula ag manga pandaniwan.

Danyil 5:7

Nakan nagringgit siya tawaga ti madunung pag manga tawu sa Babilunya: ti manga pandaniwan, ti manga manughula, hanggan ti manga tihulan. Pagka rinmas-ug sida, magkun siya sa kanda, “Nu si unu ti makabasa tunda sa nakasurat ag makatultul kay kahulugan, parutayan niku panrutayun hari ag paunuan gintu. Bag-u buwatun niku ikatlu siya sa pinakaabwat pag takinan sa kang kaharian.”

Danyil 9:1

Si Daryu taga Midya anak ni Aswiru ti hari kaybi sa buu Babilunya.

Sakaryas 2:4

ag magkun sa kanya, “Apura, sabihi ati pag kan-akan may dara panukat, ti Hirusalim bumaliw usa ka daka pag banwa unman may manga alad batu dahil sa subra mayamu kay nasakupan hanggan manga hayup.

Binwat 7:20

Ati katpung sa kay taning pag kaudasan iinanak ngap si Muysis. Marinu gid pag anak, pagbayaun Panginuun. Tulu ka bulan kanda inalagaan ti anak siyun di gid sa balay niya gurang.

Binwat 7:22

Tinudluan nida si Muysis sa tanan kadunungan manga taga Ihiptu. Makapangyarihan yi siya una sa kay bagaw una sa kay buwat.

Ipisu 5:27

Kay binuwat niya tunda hampay ipaatubang niya sa kay atubangan ti iglisya masnag, unman may huput kadautan, unman may yukut, lubus nasakup sa Diyus, lubus yi lang marinu.

Talaghusay 8:18

Bag-u pinaingana ni Gidyun si Siba ag si Salmuna, “Unu kay histuda manga lalaki kanyu minatay sa Tabur?” Nagsagut sida, “Parihu sa kanmu, ga manga anak hari.”