Danyil 1:2 - Hanunuu

² Binihag niya si Hari Hihuyakim angay sa kagustuhan Panginuun. Bin-ul diman niya ti iba pag manga kagamitan sa Balay Diyus ag dinara sa Babilunya. Ag ipinauli niya inda sa haramnuan gamit ati sa balay diyus-diyusan niya.

Danyil 1:2 Iomraidhean Croise

Gimpuunan 10:10

Ti un-an pinamahalaan ni Nimrud pag kaharian ti rugar Babilunya, ti Irik, ti Akad hanggan ti Kalni. Inda tanan sakup daga Sinar.

Gimpuunan 11:2

Habang pasalyu-salyu ulian ti manga tawu atabug sa may butlakan, nakaras-ug sida sa maratag pag rugar Sinar, ag ati sida pag nangulian.

2 Hari 24:1

Katpung udas maghari si Hihuyakim, ginira ni Hari Nabukudunusur taga Babilunya ti Huda ag sinakup niya si Hihuyakim sa sulud tulu ka timpu. Dapat pagka sa uryan naglaban si Hihuyakim sa kan Nabukudunusur.

2 Krunika 36:5

Si Hihuyakim 25 ka timpu kay idad pagka naghari. Sa Hirusalim siya pag nangulian, ag naghari siya sa sulud 11 ka timpu. Daut kay binwat sa magbantay Panginuun niya Diyus.

2 Krunika 36:7

Dinara diman ni Nabukudunusur sa Babilunya ti iba pag manga kagamitan sa Balay Diyus Panginuun ag ipinauli sa kay balay hari.

Isra 1:7

Iinuli diman sa kanda ni Hari Sayrus ti manga kagamitan sa Balay Diyus Panginuun, ti pinanbuul ni Hari Nabukudunusur sa Hirusalim ag dinara sa balay niya manga diyus-diyusan.

Isayas 11:11

Sa ati pag sirang utru gamitun Panginuun kay kamaskihan hampay pauliun ti manga nasawad pag nasakupan niya dinara-bihag sa Asirya, sa Ihiptu, sa Patrus, sa Itiyupya, sa Ilam, sa Babilunya, sa Hamat ag sa iba waya rugar arayu.

Isayas 42:24

Si unu ti nagpakaun pahintulut takawan ag agawan kasiyunan ti Israil? Unman aw ti Panginuun, siya ti pinagkasaraan nita? Dahil balaw nita sinunud kay manga palakaw hanggan kasuguan.

Hirimyas 25:1

Inda pag tultulanun para sa manga taga Huda. Ipinakaun Panginuun sa kan Hirimyas katpung ikap-at pag timpu kay maghari ni Hihuyakim kay anak ni Hari Husyas sa Huda. Inda ti un-an timpu kay maghari ni Nabukudunusur sa Babilunya.

Hirimyas 27:16

Bag-u sinabi niku sa manga manughandug ag sa tanan tawu, “Magkun ti Panginuun mana danga kamu magpasnu sa manga purupita magsabi kuntay arani yi ibalik ti manga garamitun sa Balay Diyus ginan sa Babilunya. Kapudilan kanda pagsabihun sa kanyu.

Hirimyas 28:3

Sa sulud duwa ka timpu, ibalik yi niku sitay ti tanan garamitun sa kang Balay, ti bin-ul ni Hari Nabukudunusur ag dinara sa Babilunya.

Hirimyas 35:11

Dapat pagka naggira si Hari Nabukudunusur sa Babilunya sa inda pag nasyun, nadala kami sa manga sundalu Babilunya hanggan Aram, nakan nagpasya kami malagiw ag umatag sa Hirusalim. Inda kay dahilan nakan nangulian kami atay sa Hirusalim.”

Hirimyas 50:2

“Ipadakit sa manga nasyun ti barita sa unman may pag-ilihim! Ag paabwatan ti bandira tanda pagkawasak Babilunya! Marunut ag mangay-a ti manga diyus-diyusan niya hanggan kay diyus-diyusan si Bil ag si Marduk.

Hirimyas 51:44

Parusahan niku si Bil pag diyus-diyusan sa Babilunya. Ipasuka niku sa kanya kay manga hinalun. Balaw yi siya duludun manga nasyun hampay sambahun. Nagpu yi ti manga alad batu sa Babilunya.

Danyil 5:13

Nakan ipinatawag ngani si Danyil. Pagka rinmas-ug siya, magkun ti hari sa kanya, “Kawu maaw si Danyil usa ka bihag ginan sa manga Hudiyu dinara sitay niku ama ginan sa Huda?

Danyil 5:18

“Mahal Hari, kanmu ama si Nabukudunusur pinakan-an Kaabwat-abwatan Diyus usa ka kaharian. Nagmakapangyarihan siya ag kinilala manga tawu.

Habakuk 1:16

Ag dahil mayamu kanda nabihag, pagdayawun nida kanda sadili kakayahan parihu sa manug-isda magdayaw sa kay banwit ngatay sa kay lambat sa panab-anan pagsunug kamangyan bilang handug sa inda pag manga bagay. Dahil sa panab-anan niya banwit ngatay lambat nagyaman siya ag nagkaimaw abunda pag karan-unun.

Sakaryas 5:11

Magkun siya, “Sa Babilunya, nu naan pagbuwatun nida ti balay diyus-diyusan para sa balulang. Ag nu mamhan yi ti balay diyus-diyusan, ipauli nida siyun ti balulang hampay sambahun.”

Diyuturunumiyu 32:30

Kabitay lugud mabukad usa ka tawu ti 1,000 Israilita? Kabitay matalu duwa ka tawu ti 10,000 sa kanda? Purya lang nu ipinahintulut sida Panginuun kanda palalan-iban pag batu.

Talaghusay 2:14

Dahil sa pangagalit Panginuun sa Israil, pinabay-anan niya sida girahun manga mananakaw hampay bul-un kanda manga kasiyunan. Pinabay-anan diman sida Panginuun matalu nida manga kalaban sa kanda sangput ag balaw yi nida kaya panindugan kanda sadili.

Talaghusay 3:8

Dahil siyun, nagalit gid ti Panginuun sa kanda, nakan pinabay-anan sida matalu ni Hari Kusan Ristaim taga Aram Naharaim. Nasakup niya sida sa sulud walu ka timpu.

Talaghusay 4:2

Nakan ipinasakup maan sida Panginuun sa kan Hari Habin taga Hasur, usa ka hari manga Kananiyu. Ti takinan manga sundalu ni Habin si Sisara mag-uli sa Harusit Haguyim.

1 Samwil 5:2

Bag-u kanda ipinaslud sa balay nida diyus-diyusan Dagun ag ipinauli sa kay arani.