Binwat 9:2 - Hanunuu

² Nanhagad siya manga surat hampay ipakilala siya sa manga pangulu simbahan manga Hudiyu ati sa banwa Damasku. Bag-u nu ati yi siya ag nu may makitan siya manga tawu, una lalaki una babayi magsunud sa bag-u itinudlu ni Kiristu, mahimu kay dakpun bag-u darahun tag sa Hirusalim.

Binwat 9:2 Iomraidhean Croise

Gimpuunan 14:15

Igu yabi, tinunga ni Abram kay manga tawuhan ag ginira nida ti manga kalaban, ag natalu nida inda. Ti iba ka manga nakapalagiw kanda linagas tugka sa Huba, sa salatan Damasku.

Isayas 17:1

Inda ti pagsabihun tungkul sa Damasku: “Pagpatingi kamu! Ti Damasku balaw yi bumaliw banwa dahil mawayak inda.

Hirimyas 49:23

Inda ti itinultul tungkul sa Damasku: “Nadala ti manga taga Hamat hanggan ti taga Arpad sa daut pag barita kanda nadnugan. Naaburidu ag nanlubay sida, bag-u unman yi makaagwanta parihu sa mahumbak pag dagat.

Matiyu 10:17

Pag-aman kamu, dahil dakpun kamu manga tawu bag-u darahun tag sa Katipunan manga Pinunu. Litusun nida kamu sa simbahan manga Hudiyu.

Huwan 14:6

Sinmagut si Hisus sa kanya magkun, “Aku ti dalan, ti katutuuhanan, ti buhi. Ginan lang sa kangku pag makaati ti tawu sa Ama.”

Binwat 18:25

Natudluan siya mayad-mayad tungkul sa ugali buhi kay itinudlu Panginuun. Masipag gid siya manudlu. Tama diman gid kay pag-itudlu tungkul sa kan Hisus. Dapat ay ti magkaalaman lang niya pag tulbaw imaw ti kan Huwan itinudlu.

Binwat 19:23

Ati katpung balaw basta pag nagkalaguluhan ti manga tawu sa banwa Ipisu tungkul sa ugali buhi kay itinudlu Panginuun.

Binwat 19:9

Dapat ti iba sa kanda maganit gid kanda tagipusuun, nagbugya sida maniwala. Sa atubangan kayamuan tawu nagbagaw waya sida daut tungkul sa ugali buhi kay itinudlu Panginuun. Nakan tinayakan yi lang sida ni Pablu. Tinaban niya ti manga nagsarig sa kan Hisus bag-u ati sa balay gadayan ni Tiranu nagpaliwanag siya sa manga tawu sirang-sirang.

Binwat 24:14

Unman duy pag-itanggi niku kang magsamba sa Diyus nimi manga ginurang angay ngani sa surundanun kanda pagkumnun salan. Dapat ay magpatutuu diman aku sa tanan nipalat sa Kasuguan ni Muysis hanggan sa tanan isinurat sa Ribru manga Purupita.

Binwat 24:22

Kang-ud yi kay magkaalaman ni Pilik tungkul sa bag-u itinudlu ni Kiristu. Nakan inapasan dapu niya ti bistahan. Magkun siya sa kan Pablu, “Aban nu rumas-ug yi si Kumandir Lisyas, tapusun niku kanmu kasu.”

Binwat 26:10

Imaw yi ngani kang binwat sa Hirusalim. Pagka may tinanggap aku karampatan ginan sa manga pangulu manughandug sa Balay Diyus, mayamu pag manga napasakup sa kan Hisus kang ipinapirisu. Nagpasnu diman gid aku nu sida sintinsiyahan yi sa kamatayan.

Binwat 26:12

“Nakan ngani sinugu aku manga pangulu manughandug sa Balay Diyus tabug sa Damasku may karampatan hampay unu-unuhun niku ti manga napasakup sa kan Hisus.

Binwat 6:9

May manga Hudiyu taga Sirini ag taga Alihandirya, ati sida pag magsamba sa simbahan manga Hudiyu pag-ingarnan Manga Pinalpasan sa Pagkapanawuhun. Pagka dugay ti iba sa kanda napaminsan sa manga Hudiyu taga Silisya hanggan taga Asya sa kanda maglaban sa kan Istiban sa bagaw.

Binwat 7:19

Dinayu niya kanta linahi. Binilinan niya kanta manga ginurang uyanga kunu nida kanda manga anak hampay balaw mabuhi.

Binwat 9:14

Taynguna nagsitay siya sa Damasku, may karampatan siya ginan sa manga pangulu manughandug sa Balay Diyus hampay dakpun niya ti tanan manga magsamba sa kanmu.”

Binwat 9:21

Ti tanan tawu nakadnug sa kanya naglingut gid. Magkun sida, “Unman aw lugud inda yi ngani pag tawu ti namapas sa manga magsamba sa kan Hisus sa Hirusalim? Nagsitay ngani kabay siya hampay dakpun niya tunda pag manga tawu bag-u darahun tabug sa manga pangulu manughandug sa Balay Diyus.”

2 Kurintu 11:32

Pagka ati aku sa Damasku ti manga puwirtahan banwa pinabantayan gubirnadur kay sakup ni Hari Aritas, hampay aku madakup nida.

Galasya 1:17

Unman diman waydi nag-ati aku sa Hirusalim hampay mihampang sa manga apustul sa manga un-an tinawag sa kangku. Bagkus ngap nag-atag aku sa Arabya, bag-u siyun ginan nag-atag maan aku sa Damasku.