Binwat 8:21 - Hanunuu

²¹ Unman kawu may karampatan makaawat sa inda pag buruwatun, dahil kanmu tagipusuun unman malumpiyu sa kay magbantay Diyus.

Binwat 8:21 Iomraidhean Croise

2 Krunika 25:2

Matadlung kay binwat ni Amasiyas sa magbantay Panginuun, dapat balaw lubus kay magsunud niya sa Panginuun.

Nihimyas 2:20

Sinagut niku sida, “Manalu kami sa panab-anan awat Diyus sa langit. Kami kay manga manugsirbi umumpisa yi sa pagpatindug manga alad batu Hirusalim. Dapat kamu unman gid may labut ag unman may karampatan sa Hirusalim, ag balaw kamu kahuray inda sa kay tultulanun.”

Kanta 36:1

Inda pag tultulanun paghamnuun niku sa kang tagipusuun tungkul sa pagkamakasalanan daut pag tawu: Ti daut pag tawu balaw magkadala sa Diyus.

Isikil 14:3

“Anak tawu, inda sida magmahal sa kanda manga diyus-diyusan imaw ti magdara sa kanda sa pagbuwat daut, hayga pahintulutan niku sida manhagad paanyu ginan sa kangku?

Libitiku 13:8

Nu ungud tutuu nan-amat kay garis, ipaalam maan manughandug kuntay mauring siya dahil may imaw siya magmaliw pag sakit sa lukub.

Habakuk 2:4

Kaindaay kanmu isurat: “Bantayi ti manga tawu palabi-labihun! Manga daut sida pag tawu. Dapat ti matadlung pag manga tawu mangabuhi dahil sa kanda pagsarig.

Lukas 1:6

Sida mag-asawa magkabuhi matadlung sa atubangan Diyus Panginuun. Pagsundun gid nida ti tanan niya manga sugu.

Huwan 21:17

Sa pakatlu pag pinmaingana si Hisus magkun, “Simun, anak ni Huwan, pagmahalun aw nimu aku?” Nagmaruku yi si Pidru dahil sa kay paingana ni Hisus katlu gin magkun, “Pagmahalun aw nimu aku?” Nakan sinabi ni Pidru magkun, “Panginuun, alam duy nimu ti tanan-tanan pag manga bagay. Alam diman nimu kawu kang gid pagmahalun.” Bag-u kay sinabi ni Hisus sa kanya magkun, “Alagai duy nimu kang manga karanidu.

Binwat 8:37

Magkun si Pilipi, “Mahimu gid kawu pumatulbaw nu ilinubus nimu kanmu tagipusuun sa pagsarig sa Panginuun.” Sinabi pinunu magkun, “Magsarig aku sa kan Hisu-Kiristu, siya yi ti Anak Diyus.”

Ipisu 5:5

Alam diman niyu unman may kaparti sa kaharian Diyus ag ni Kiristu ti tawu nu magpanguragin, nu maraw-ay, nu maraibgun sa kasiyunan, dahil ti maraibgun sa kasiyunan parihu sa magsamba sa diyus-diyusan.

Diyuturunumiyu 10:9

Nakan ngani ti manga lahi ni Libi unman may bahagi ngatay minana daga parihu sa natanggap nida kaparihu manga Israilita. Ti Panginuun imaw ti kanda bahagi angay sa sinabi Panginuun niyu Diyus.

Diyuturunumiyu 12:12

Ati kamu pag magbarayaan sa atubangan Panginuun niyu Diyus, kaibahan kanyu manga anak ag manga panawuhun, hanggan ti manga suruguun ag manga mag-ulian sa kanyu banwa pag manga Libita balaw may daga minana.

Hibriyu 4:13

Unman may milihim sa Diyus. Ti tanan nabulwat ag niburayhaw sa kay magbantay, ag sa kanya kita may saragtun.

Huswi 22:25

Binwat Panginuun katugkaan ti Sapa Hurdan hampay ipasaman kamu sa kanmi. Kamu pag manga lahi ni Rubin ag ni Gad, unman gid kamu may labut sa Panginuun.’ Barang imaw inda kanda sabihun ag paapasun nida kanmi manga lahi sa pagsamba sa Panginuun.

Ipinakakit 2:23

Matyun aban niku hanggan kay manga anak agud maalaman tanan manga iglisya aku lang ti makasuyasid sa tawu isip ag tagipusuun. Ti kada usa sa kanyu pakan-an niku angay sa kanyu manga binwat.

Ipinakakit 20:6

Masulung ag lubus sakup sa Diyus ti nidungan sa un-an pagkabuhi uman ginan sa kamatayan. Udyi may laban sa kanda ti ikadwa pag kamatayan. Sida aban ti manga manughandug yi sa atubangan Diyus hanggan sa atubangan ni Kiristu, humari sida kaibahan niya sa sulud usa ka libu ka timpu.

Ipinakakit 22:19

Nu may tawu magbawas sa manga bagaw ipinurupita nisurat sitay pag ribru, bul-an diman siya Diyus karampatan sa manga nisurat sitay pag ribru. Dayu siya makakaun burak kayu kabuhian, dayu waydi siya makasulud sa Banal pag Banwa.