Binwat 8:1 - Hanunuu

¹ Pinasnuan yi waydi ni Saulu hampay matyun yi ngani si Istiban. Ati katpung pag sirang nag-umpisa ti mahigpit pag-unuunu laban sa iglisya sa Hirusalim. Purya lang ti manga apustul, ti tanan manga nagsarig sa kan Hisus nangalat yi sa tanan rugar sa Hudiya hanggan sa Samarya.

Binwat 8:1 Iomraidhean Croise

Nihimyas 6:3

Nakan nanugu aku manga manugtultul hampay sabihun sa kanda magkun, “Mahalaga ti pagbuwatun niku taynguna, nakan unman aku makaasantag. Balaw niku mahimu apasan ti pagbuwat hampay lang makaasantag.”

Danyil 6:10

Pagka naalaman ni Danyil kuntay nagpirma ti hari, nuli siya ag sinmulud sa kay sulud-sulud sa ikadwa pag ugpu salug, may manga gaha ati maatubangan sa Hirusalim. Ati siya pag magdarangin ag magdayaw maluhudan sa kay Diyus tulu ka bisis sa usa ka sirang, angay sa kay kinaugalian.

Danyil 6:23

Pagka nasaydan tunda hari, nakabaya gid siya ag nagsugu siya bul-a si Danyil sa kali. Pagkanab-ul si Danyil, unman gid sida may nakitan una di diit pag biyag una di garid sa kay bilug, dahil sa pagsarig niya sa kay Diyus.

Matiyu 22:6

Dinakup di ngap manga iba ti manga panawuhun hari kanda inunu-unu rargu ngap minatay nida.

Matiyu 23:34

Nakan ngani magsugu aku manga purupita atabug sa kanyu, manga madunung pag tawu hanggan manga manugtudlu. Matyun niyu aban ti iba, kay iba ipaku niyu sa kurus, kay iba garutihun niyu aban sa kanyu manga simbahan, kanyu unu-unuhun sa kabanwa-banwahan.

Matiyu 5:13

“Kamu manga suruguun niku, ti ga asin sa kalibutan. Dapat ti asin nu tumab-ang, udyi may paraan hampay bumalik maan kay pagkamaasin. Udyi gid may kabuluhan tunda nu unman iyamut yi lang ag tat-an manga tawu.

Huwan 15:20

Alalahana di gid niyu kang binagaw sa kanyu magkun, unman may panawuhun mataas man sa kay amu. Nu aku kanda inunu-unu, unu-unuhun diman nida kamu. Nu sida naniwala sa kang manga itinudlu, paniwalaan diman nida kanyu manga pag-itudlu sa kanda.

Huwan 16:2

Ipalwas kamu aban manga Hudiyu ginan sa kanda manga simbahan. Aban humantup ti manga tawu tinupad nida ti buruwatun Diyus nu kamu kanda minatay.

Binwat 1:8

Dapat makatanggap kamu kapangyarihan nu lubus kamu suldan Ispiritu Banal. Bag-u kamu yi gid ti manga manugpadakit magtudlu tungkul sa kangku sa Hirusalim una sa bilug Hudiya hanggan sa Samarya, hanggan waya sa katugkaan daga.”

Binwat 13:1

Sa iglisya sa Antiyukya may manga purupita hanggan manga manugtudlu Bagaw Diyus. Sida ngani ni Birnabi, ni Simyun kay palayaw si Nigir, si Lusyu taga Sirini, si Manain patar-ari sa tabid ni Gubirnadur Hirudis hanggan si Saulu.

Binwat 13:36

“Pagka natupad ni Dabid ti kagustuhan Diyus sa ati katpung pag manga tawu, namatay siya bag-u siya ilinbung kataid sa kay manga ginurang, nakalakaw karunutan kay bangkay.

Binwat 2:47

Magdayaw sida sa Diyus. Ag ti tanan tawu nagbaya gid sa manga patar-ari. Sirang-sirang may idinagdag maan sa kanda ti Panginuun manga tawu kay irinibri.

Binwat 22:20

Sa katpung minatay kanmu manugpadakit si Istiban, siyun diman aku. Nagpasnu diman gid aku sa kanda nagmatay sa kanya. Binantayan waya niku ti manga balukas linukas manga tawu nagmatay sa kanya.’

Binwat 26:10

Imaw yi ngani kang binwat sa Hirusalim. Pagka may tinanggap aku karampatan ginan sa manga pangulu manughandug sa Balay Diyus, mayamu pag manga napasakup sa kan Hisus kang ipinapirisu. Nagpasnu diman gid aku nu sida sintinsiyahan yi sa kamatayan.

Binwat 5:18

Nakan ngani sida nangalistu yi bag-u ipinadakup yi nida ti manga apustul kanda ipinaslud sa pirisuhan sa banwa.

Binwat 5:20

“Pag-ati kamu sa Balay Diyus, itudlu gid niyu sa manga tawu ti tanan-tanan tungkul sa inda pag bag-u buhi.”

Binwat 5:33

Pagka nadnugan manga pinunu inda pag manga bagaw, masyadu yi lang gid sida nagalit nakan kanda gid gustu ipamatay yi ti manga apustul.

Binwat 5:40

Pagka ipinaslud maan nida ti manga apustul, kanda ipinahampak bag-u kanda sinabihan magkun, “Danga yi kamu magtudlu tungkul sa kan Hisus.” Bag-u kanda pinalpasan.

Binwat 7:38

Kaibahan diman manga Israilita si Muysis sa kanda magmirinsanan sa pangawakawaan. Siya diman ti naghampang sa anghil pagka nagbagaw ti anghil sa kanya hanggan sa kanta manga ginurang ati sa Bantud Sinai. Siya diman ti pinakan-an manga bagaw may kabuhian hampay kay maan ipadakit sa kanta.

Binwat 7:54

Pagka nadnugan manga Pinunu kan Istiban binagaw, nangubut yi gid kanda manga bibig sa isug.

Binwat 7:58

kanda kinarudkud tabug sa luwas banwa hampay siya bintukun. Linukas dap manga kastigus kanda manga balukas kanda iinintirga sa usa ka kan-akan kay ngaran si Saulu.

Binwat 8:14

Naalaman manga apustul ati sa Hirusalim ti manga tawu taga Samarya nagtanggap sa Bagaw Diyus. Nakan sinugu nida sida ni Pidru ni Huwan atag sa Samarya.

Binwat 8:2

May manga tawu maka-diyus imaw ti naglubung sa kan Istiban, masyadu gid sida namung-aw sa kanya.

Binwat 8:4

Pagka nangalat yi ti manga nagsarig sa kan Hisus, itinudlu ngap nida ti Bagaw Diyus una naan sida pag nakalakaw.

Binwat 8:5

Si Pilipi nag-ati sa banwa Samarya bag-u nagtudlu siya tungkul sa kan Kiristu sa manga tawu ati.

Binwat 9:31

Nakan ngani may kahusayan maan dapu ti iglisya sa buu daga Hudiya, sa Galiliya hanggan sa Samarya. Pinarig-un Ispiritu Banal ti iglisya. Nagyamu ti manga nagsarig sa kan Hisus. Mag-ugali sida maggalang sa Panginuun.

Ruma 1:32

Naalaman diman nida ti ibinilin Diyus magkun, kailangan matyun ti magbuwat katunda. Dapat ay magparargu di ngap sida sa pagbuwat daut. Magbaya waya sida nu maghiling sida sa manga iba magbuwat katunda waydi.

Pilipus 1:12

Gustu niku mana pagmaalaman niyu, manga patar-ari, kuntay ginan sa manga nangyari sa kangku balaw naampara ti Mayad pag Barita. Bagkus ngap lalu nilantag.

Hibriyu 11:27

Dahil sa kay pagsarig, nighit si Muysis ginan sa Ihiptu ag unman siya nadala sa kay pangagalit hari. Balaw siya mag-urung sa kay sarig, nakan bilang ga mag-akitan niya ti Diyus, langmadi unman mag-akitan sa mata.