Binwat 7:53 - Hanunuu

⁵³ Madi tinanggap niyu ti Kasuguan Diyus ipinadakit manga anghil, dapat unman ngap kanyu pagtupadun.”

Binwat 7:53 Iomraidhean Croise

Kanta 68:17

Nagras-ug ti Panginuun Diyus sa kay Balay ginan sa Sinai kaibahan kay linibu manga kalisa.

Huwan 7:19

Sinabi ni Hisus magkun, “Unman aw ipinakaun ni Muysis sa kanyu ti Kasuguan? Dapat sa kanyu tanan unman may magtupad sa Kasuguan una di usa. Hayga aku kanyu pagkaibgan matyun?”

Binwat 7:38

Kaibahan diman manga Israilita si Muysis sa kanda magmirinsanan sa pangawakawaan. Siya diman ti naghampang sa anghil pagka nagbagaw ti anghil sa kanya hanggan sa kanta manga ginurang ati sa Bantud Sinai. Siya diman ti pinakan-an manga bagaw may kabuhian hampay kay maan ipadakit sa kanta.

Galasya 3:19

Nu katida, hintay nguna kay pulus ti Kasuguan? Idinugang ti Kasuguan hampay ipakilala sa manga tawu kanda buwat kasalanan hanggan sa udwaya rumas-ug ti pinangakuan Diyus pag linahi ni Abraham. Ipinakaun ti Kasuguan ipinadakit manga anghil sa kan Muysis bag-u siya ti nagpadangat sa manga tawu.

Galasya 6:13

Una ti manga nagpaturi unman diman waydi magtupad sa Kasuguan. Kanda lang gustu sida ti dayawun manga iba nu kamu magpaturi waydi, nakan kamu kanda gid pagpilitun.

Diyuturunumiyu 33:2

Magkun siya, “Nagras-ug ti Panginuun ginan sa Sinai; nagpahayag siya sa kanta ginan sa Bantud Siir parihu sa pagsinggit init. Nagsinggit siya ginan sa Bantud Paran. Nagras-ug siya kaibahan ti manga linibu anghil, ag kay sikun pag kamang may bitbit maglabdaban apuy.

Hibriyu 2:2

Dahil mahigpit pag Kasuguan ti ipinadakit manga anghil sa manga tawu. Ti kada naglapastangan ag naglaban nakatanggap tama pag parusa bayad sa kay kasalanan.